ಆರ್​ಬಿಐನಲ್ಲಿ ನಕಲಿ ನೋಟು ಪತ್ತೆ, ಎಫ್​​ಐಆರ್​ ದಾಖಲು

ಬೆಂಗಳೂರು: ನಕಲಿ ನೋಟು ಚಲಾವಣೆ ದಂಧೆ ಎಗ್ಗಿಲ್ಲದೆ ನಡೆಯುತ್ತಲೇ ಇದೆ. ಇದೀಗ ಬ್ಯಾಂಕ್​ಗಳ ಕರೆನ್ಸಿ ಚೆಸ್ಟ್​ ಜಮೆ ಮಾಡಿದ ಹಣದಲ್ಲಿ 100 ರೂ. ಮತ್ತು 50 ರೂ. ಮುಖ ಬೆಲೆಯ ನಕಲಿ ನೋಟುಗಳು ಆರ್​ಬಿಐನಲ್ಲಿ ಪತ್ತೆಯಾಗಿವೆ.

ನೃಪತುಂಗ ರಸ್ತೆಯಲ್ಲಿನ ಭಾರತೀಯ ರಿಸರ್ವ್​ ಬ್ಯಾಂಕ್​ ಪ್ರಾದೇಶಿಕ ಕಚೇರಿ ಅಧಿಕಾರಿ, ನಕಲಿ ನೋಟು ಕುರಿತು ಹಲಸೂರು ಗೇಟ್​ ಠಾಣೆಗೆ ದೂರು ನೀಡಿದ್ದಾರೆ.

ಇದನ್ನೂ ಓದಿರಿ ಜ್ವರ ಎಂದು ಆಸ್ಪತ್ರೆಗೆ ಹೋಗಿ ಬಂದವ ನಾಲೆಗೆ ಹಾರಿ ಪ್ರಾಣಬಿಟ್ಟ!

ಶಿವಮೊಗ್ಗದ ಕೆನರಾ ಬ್ಯಾಂಕ್​ನ ಕರೆನ್ಸಿ ಚೆಸ್ಟ್​ ಮತ್ತು ಇತರ ಕರೆನ್ಸಿ ಚೆಸ್ಟ್​ ವ್ಯವಸ್ಥಾಪಕರು ಮೇ 1ರಿಂದ ಜೂನ್​ 30ರ ವರೆಗೆ ಆರ್​ಬಿಐಗೆ ಹಳೆಯ ನೋಟುಗಳನ್ನು ಜಮೆ ಮಾಡಿದರು. ಈ ವೇಳೆ 100 ರೂ. ಮುಖಬೆಲೆಯ 15 ನೋಟು ಮತ್ತು 50 ರೂಪಾಯಿ ಮುಖಬೆಲೆಯ 15 ನಕಲಿ ನೋಟು ಪತ್ತೆಯಾಗಿವೆ.

ನಕಲಿ ನೋಟು ಚಲಾವಣೆ ಮಾಡಿದ ಆರೋಪಿಗಳನ್ನು ಪತ್ತೆ ಮಾಡುವಂತೆ ದೂರಿನಲ್ಲಿ ಮನವಿ ಮಾಡಿದ್ದಾರೆ. ಈ ಮೇರೆಗೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

https://www.vijayavani.net/lawyer-mahesh-suicide-in-hosapete/

https://www.vijayavani.net/murder-of-a-person-in-front-of-the-temple/