ನವದೆಹಲಿ: ಇರಾನ್ನಲ್ಲಿ 255, ಅರಬ್ ಸಂಯುಕ್ತ ಸಂಸ್ಥಾನದಲ್ಲಿ (ಯುಎಇ) 12 ಹಾಗೂ ಇಟಲಿಯಲ್ಲಿ ಐವರು ಸೇರಿ ವಿದೇಶಗಳಲ್ಲಿ ಕನಿಷ್ಠ 276 ಭಾರತೀಯರು ಕರೊನಾ ವೈರಸ್ ಸೋಂಕಿತರಿದ್ದಾರೆ. ಅವರನ್ನು ದೇಶಕ್ಕೆ ವಾಪಸ್ ಕರೆ ತರಲು ಸರ್ಕಾರ ಕ್ರಮಕೈಗೊಳ್ಳುತ್ತಿದೆ. ಹಾಂಕಾಂಗ್, ಕುವೈತ್, ರುವಾಂಡಾ ಮತ್ತು ಶ್ರೀಲಂಕಾದಲ್ಲಿ ತಲಾ ಒಬ್ಬ ಭಾರತೀಯ ಕರೊನಾ ಸೋಂಕಿತರಿದ್ದಾರೆಂದು ವಿದೇಶಾಂಗ ರಾಜ್ಯ ಖಾತೆ ಸಚಿವ ವಿ. ನಾರಾಯಣಸ್ವಾಮಿ ಬುಧವಾರ ಲೋಕಸಭೆಗೆೆ ತಿಳಿಸಿದ್ದಾರೆ. ಈ ನಡುವೆ, ದೇಶದ ಹಲವು ಭಾಗಗಳಿಂದ ಹೊಸ ಪ್ರಕರಣಗಳು ವರದಿಯಾಗಿದ್ದು ಸೋಂಕಿತರ ಸಂಖ್ಯೆ 151ಕ್ಕೆ ಏರಿದೆ. ಮಹಾರಾಷ್ಟ್ರದಲ್ಲಿ 42 ಹಾಗೂ ಕೇರಳದಲ್ಲಿ 32 ಪ್ರಕರಣ ಈವರೆಗೆ ಪತ್ತೆಯಾಗಿದೆ.
