ಲಂಡನ್: ಬ್ರಿಟನ್ನಲ್ಲಿ ಕರೊನಾ ವೈರಸ್ನ ರೂಪಾಂತರಿತ ವೈರಸ್ ವ್ಯಾಪಕವಾಗಿ ಹರಡುತ್ತಿದ್ದು, ಭಾರಿ ಸಮಸ್ಯೆ ಉಂಟಾಗಿದೆ ಎಂದು ಸರ್ಕಾರ ಆತಂಕ ವ್ಯಕ್ತಪಡಿಸಿದೆ. ಹಲವು ಯುರೋಪ್ ದೇಶಗಳು ಬ್ರಿಟನ್ಗೆ ಭಾನುವಾರದಿಂದಲೇ ವಿಮಾನ ಸಂಚಾರ ಸ್ಥಗಿತಗೊಳಿಸಲು ನಿರ್ಧರಿಸಿವೆ. ಮೊದಲು ನೆದರ್ಲೆಂಡ್ ವಿಮಾನ ಸಂಚಾರ ನಿಲ್ಲಿಸಿದ್ದು, ಜರ್ಮನಿ ಸರ್ಕಾರ ಸದ್ಯದಲ್ಲೇ ಅಧಿಕೃತ ಘೋಷಣೆ ಮಾಡಲಿದೆ. ದಕ್ಷಿಣ ಆಫ್ರಿಕಾ ಕೂಡ ವಿಮಾನ ಸಂಚಾರ ನಿಷೇಧಿಸಲು ಚಿಂತಿಸುತ್ತಿದೆ. ನೆದರ್ಲೆಂಡ್ ನಿಷೇಧ ಜನವರಿ 1ರ ವರೆಗೆ ಮುಂದುವರಿಯಲಿದೆ. ಬ್ರಿಟನ್ನಿಂದ ಬರುವ ವಿಮಾನ ಹಾಗೂ ರೈಲುಗಳ ಮೇಲೆ ಬೆಲ್ಜಿಯಂ ನಿಷೇಧ ಹೇರಿದೆ. ಬ್ರಿಟನ್ನಲ್ಲಿ ವೈರಸ್ ಪರಿಸ್ಥಿತಿ ತುಂಬಾ ಗಂಭೀರವಾಗಿದೆ ಎಂದು ಆರೋಗ್ಯ ಸಚಿವ ಮ್ಯಾಟ್ ಹ್ಯಾನಕ್ ಹೇಳಿದ್ದಾರೆ.
