ಜನರ ಕೈಗೇ ಕರೊನಾ ಕೀಲಿ; ಬೇಕಾಬಿಟ್ಟಿ ಓಡಾಡಿದರೆ ಅಪಾಯ ಖಚಿತ

ಬೆಂಗಳೂರು: ರಾಜ್ಯದಲ್ಲಿ ಕರೊನಾ ಸೋಂಕು ಏರಿಕೆಯಾಗುತ್ತಿರುವ ನಡುವೆಯೇ ರಾಜ್ಯ ಸರ್ಕಾರ ಲಾಕ್​ಡೌನ್ ನಿಯಮವನ್ನು ಸೋಮವಾರ ಭಾಗಶಃ ಸಡಿಲಿಸಿದೆ. ಮಾರ್ಚ್ 23ರಿಂದ ಬಹುತೇಕ ಗೃಹಬಂಧನದಲ್ಲಿರುವ ಜನರಿಗೆ ಇದು ಖುಷಿ ನೀಡಿದ್ದರೂ, ಎಚ್ಚರಿಕೆಯೂ ಅಗತ್ಯ. ಏಕೆಂದರೆ, ಲಾಕ್​ಡೌನ್ ಸಡಿಲಿಕೆ ಖುಷಿಯಲ್ಲಿ ಜನರು ಅನವಶ್ಯಕವಾಗಿ ಬೇಕಾಬಿಟ್ಟಿ ಓಡಾಡಿದರೆ ಮತ್ತು ಮುನ್ನೆಚ್ಚರಿಕೆ ವಹಿಸದಿದ್ದರೆ ಕರೊನಾ ವ್ಯಾಪಕವಾಗಿ ಪಸರಿಸುವ ಸಾಧ್ಯತೆ ಇದ್ದು, ರಾಜ್ಯ ಮತ್ತೆ ದೀರ್ಘಕಾಲ ಲಾಕ್​ಡೌನ್ ಎದುರಿಸಬೇಕಾಗಬಹುದು. ಹೀಗಾಗಿ ಜನರ ವರ್ತನೆ ಮೇಲೆ ಭವಿಷ್ಯ ನಿರ್ಧಾರವಾಗಲಿದೆ.

ಸಿಎಂ ಬಿ.ಎಸ್. ಯಡಿಯೂರಪ್ಪ ಅವರು ಸಚಿವ ಸಂಪುಟ ಸಹೋದ್ಯೋಗಿಗಳು ಮತ್ತು ಅಧಿಕಾರಿ ಗಳೊಂದಿಗೆ ಸಭೆ ನಡೆಸಿ, ನಿಯಮ ಸಡಿಲಿಕೆ ಕುರಿತು ತೀರ್ಮಾನ ಪ್ರಕಟಿಸಿದ್ದಾರೆ. ಕೆಎಸ್​ಆರ್​ಟಿಸಿ ಸೇರಿ ಎಲ್ಲ್ಲ ಸಾರಿಗೆ ನಿಗಮಗಳು ಮತ್ತು ಖಾಸಗಿ ಬಸ್ ಸಂಚಾರಕ್ಕೆ ಅನುಮತಿ ನೀಡಲಾಗಿದ್ದು, ಆಟೋ, ಟ್ಯಾಕ್ಸಿ, ಕ್ಯಾಬ್, ರಾಜ್ಯದೊಳಗಿನ ರೈಲು ಸಂಚಾರ, ಸಲೂನ್, ಎಲ್ಲ ರೀತಿಯ ಅಂಗಡಿ ಆರಂಭಕ್ಕೂ ಅವಕಾಶ ನೀಡಲಾಗಿದೆ.

‘ಜನರು ಇತಿಮಿತಿಯಲ್ಲಿ ಓಡಾಡಬೇಕು. ಈ ವೇಳೆ ಜನರು ಯಾವ ರೀತಿ ಸ್ಪಂದಿಸುತ್ತಾರೆ ನೋಡುತ್ತೇವೆ. ನಂತರ ಅಗತ್ಯ ಬಿದ್ದರೆ ರಿಯಾಯಿತಿ ಕಡಿತ ಮಾಡುತ್ತೇವೆ. ಮಾಸ್ಕ್ ಧರಿಸುವುದು ಕಡ್ಡಾಯ. ಬೆಳಗ್ಗೆ 7ರಿಂದ ರಾತ್ರಿ 7ರವರೆಗೆ ಮಾತ್ರ ಸಾರ್ವಜನಿಕ ಓಡಾಟಕ್ಕೆ ಅವಕಾಶ ನೀಡಲಾಗಿದೆ. ಉಳಿದ ಅವಧಿಯಲ್ಲಿ ಕರ್ಫ್ಯೂ ಮುಂದುವರಿಯಲಿದೆ. ಈ ಸಂದರ್ಭದಲ್ಲಿ ಅನಗತ್ಯವಾಗಿ ರಸ್ತೆಗಿಳಿದರೆ ಪೊಲೀಸರು ಕ್ರಮ ಕೈಗೊಳ್ಳಲಿದ್ದಾರೆ’ ಎಂದು ಮುಖ್ಯಮಂತ್ರಿ ಬಿಎಸ್​ವೈ ಹೇಳಿದರು.

ಇದನ್ನೂ ಓದಿ: ಲಾಕ್​ಡೌನ್​ 4.0 ಮಾರ್ಗಸೂಚಿ ನಿಯಮ ಉಲ್ಲಂಘನೆ ಮಾಡಿದರೆ ಕಠಿಣ ಕಾನೂನು ಕ್ರಮ

ಸಾರಿಗೆ ಸೇವೆಗೆ ಷರತ್ತುಬದ್ಧ ಅನುಮತಿ ನೀಡಲಾಗಿದೆ. ನಿಯಮ ಮೀರಿ ಹೆಚ್ಚಿನ ಸಂಖ್ಯೆಯಲ್ಲಿ ಆಟೋ, ಕ್ಯಾಬ್​ಗಳಲ್ಲಿ ಓಡಾಡಿದ್ದು ಕಂಡುಬಂದರೆ ಕ್ರಮ ಕೈಗೊಳ್ಳಲು ಪೊಲೀಸ್ ಇಲಾಖೆಗೆ ಸೂಚನೆ ನೀಡಲಾಗಿದೆ ಎಂದು ಸಿಎಂ ತಿಳಿಸಿದರು.

ಭಾನುವಾರ ಎಲ್ಲ ಬಂದ್

ಮೇ 24 ಹಾಗೂ ಮೇ 31ರ ಭಾನುವಾರದಂದು ರಾಜ್ಯಾ ದ್ಯಂತ ಸಂಪೂರ್ಣ ಲಾಕ್​ಡೌನ್ ಇರಲಿದೆ. ಆರೋಗ್ಯ ತುರ್ತು ಸೇವೆ ಹೊರತುಪಡಿಸಿ ಉಳಿದಂತೆ ಯಾವುದೇ ಚಟುವಟಿಕೆ ಇರುವುದಿಲ್ಲ. ಕಾರು, ಬಸ್, ಆಟೋ, ದ್ವಿಚಕ್ರವಾಹನ ಸೇರಿ ಎಲ್ಲಾ ಬಗೆಯ ಸಂಚಾರಕ್ಕೂ ನಿರ್ಬಂಧ ಇರಲಿದೆ. ಅಂಗಡಿಗಳು, ವಾಣಿಜ್ಯ ಚಟುವಟಿಕೆಗಳಿಗೂ ಅವಕಾಶವಿಲ್ಲ. ಹೋಟೆಲ್​ಗಳಲ್ಲಿ ಪಾರ್ಸೆಲ್ ಮಾತ್ರ ಕೊಡಬಹುದು.

ಜವಾಬ್ದಾರಿ ಮರೆಯದಿರೋಣ...

• ಅನಗತ್ಯ ಓಡಾಟಕ್ಕೆ ಕಡಿವಾಣ ಹಾಕಿ
• ಜ್ವರ, ಕೆಮ್ಮು ಬಂದಲ್ಲಿ ತಕ್ಷಣ ಆರೋಗ್ಯ ತಪಾಸಣೆ ಮಾಡಿಸಿಕೊಳ್ಳಿ
• ಸಾರ್ವಜನಿಕ ಪ್ರದೇಶದಲ್ಲಿ ಕಡ್ಡಾಯವಾಗಿ ಮಾಸ್ಕ್ ಬಳಸಿ
• ಸ್ಯಾನಿಟೈಸರ್ ಬಳಕೆ ಮಾಡಿ
• ಜನ ಹೆಚ್ಚಿರುವ ಕಡೆ ಹೋಗುವುದನ್ನು ಸಾಧ್ಯವಾದಷ್ಟು ಕಡಿಮೆ ಮಾಡಿ
• ದೈಹಿಕ ಅಂತರ ಕಾಪಾಡಿಕೊಳ್ಳಿ
• ಆರೋಗ್ಯ ಸೇತು ಆಪ್ ಡೌನ್​ಲೋಡ್ ಮಾಡಿ
• ವೃದ್ಧರು, ಮಕ್ಕಳು ಮನೆಯಿಂದ ಹೊರಬರದಂತೆ ನೋಡಿಕೊಳ್ಳಿ
• ರಾತ್ರಿ 7ರಿಂದ ಬೆಳಗ್ಗೆ 7ರ ವರೆಗೆ ಕರ್ಫ್ಯೂಗೆ ಸಹಕರಿಸುವುದು
• ಭಾನುವಾರ ಹೊರಗೆ ಬರದೆ ಮನೆಯಲ್ಲೇ ಇರಿ

ಯಾವುದಕ್ಕಿಲ್ಲ ಅವಕಾಶ

• ಮಾಲ್, ಚಿತ್ರಮಂದಿರ
• ಹೋಟೆಲ್​ಗಳಲ್ಲಿ ಪಾರ್ಸೆಲ್​ಗಷ್ಟೇ ಅವಕಾಶ
• ಎಸಿ ಬಸ್ ಸೇವೆ ಇಲ್ಲ
• ಹೊರ ರಾಜ್ಯದ ರೈಲು ಸಂಚಾರವಿಲ್ಲ
• ಶಾಲಾ, ಕಾಲೇಜು ಇಲ್ಲ
• ದೇವಸ್ಥಾನಕ್ಕೆ ಸಾರ್ವಜನಿಕರಿಗೆ ಪ್ರವೇಶವಿಲ್ಲ

ಗೊಂದಲದ ತೀರ್ಮಾನ

ಬಸ್, ಆಟೋ, ಟ್ಯಾಕ್ಸಿ ಸಂಚಾರ, ಸಲೂನ್ ಸೇರಿ ಎಲ್ಲ ರೀತಿಯ ಅಂಗಡಿಗೆ ಅವಕಾಶ ನೀಡಿ ಜಿಮ್ ಹೋಟೆಲ್​ಗಳ ಆರಂಭಕ್ಕೆ ಅವಕಾಶ ನೀಡದಿರುವ ಸರ್ಕಾರದ ತೀರ್ವನಕ್ಕೆ ಆಕ್ಷೇಪ ವ್ಯಕ್ತವಾಗಿದೆ. ಜಿಮ್ ಮತ್ತು ಹೋಟೆಲ್​ಗಳಲ್ಲಿ ದೈಹಿಕ ಅಂತರ ಕಾಯ್ದುಕೊಂಡು ಸೇವೆ ನೀಡಲು ಅವಕಾಶವಿದೆ. ಆದರೂ ಅವಕಾಶ ಕೊಟ್ಟಿಲ್ಲ ಎಂದು ಈ ಕ್ಷೇತ್ರದ ಕಾರ್ವಿುಕರು, ಗ್ರಾಹಕರು, ಮಾಲೀಕರು ಬೇಸರ ಹೊರಹಾಕಿದ್ದಾರೆ.

https://www.vijayavani.net/free-grain-distribution-to-40-lakh-people/