ಕರೊನಾಗೆ 2 ಲಕ್ಷ ಜನರನ್ನು ಕಳೆದುಕೊಂಡ ಭಾರತ

ನವದೆಹಲಿ : ಕಳೆದ 24 ಗಂಟೆಗಳಲ್ಲಿ ಭಾರತದಲ್ಲಿ ಕರೊನಾದಿಂದ 3,293 ಸಾವುಗಳು ಸಂಭವಿಸಿದ್ದು, ಇದರೊಂದಿಗೆ ಒಟ್ಟು ಕರೊನಾ ಸಾವಿನ ಸಂಖ್ಯೆ ಅಧಿಕೃತವಾಗಿ 2 ಲಕ್ಷ ದಾಟಿದೆ. ಜಗತ್ತಿನಲ್ಲಿ ಈ ಪ್ರಮಾಣದ ಕರೊನಾ ಸಂಬಂಧೀ ಸಾವುಗಳನ್ನು ದಾಖಲಿಸಿರುವ ಅಮೆರಿಕ, ಬ್ರೆಜಿಲ್ ಮತ್ತು ಮೆಕ್ಸಿಕೋ ದೇಶಗಳ ಸಾಲಿಗೆ ಇದೀಗ ಭಾರತವೂ ಸೇರಿದಂತಾಗಿದೆ.

ಮತ್ತೊಂದೆಡೆ, ಕರೊನಾ ಸೋಂಕು ತಗುಲಿ ಗುಣಮುಖವಾಗಿರುವವರ ಸಂಖ್ಯೆಯು 1,48,17,371 ಆಗಿದ್ದು, ರೋಗದ ಮರಣ ದರವು ಶೇ. 1.12 ರಷ್ಟಿದೆ ಎಂದು ಇಂದಿನ ಆರೋಗ್ಯ ಸಚಿವಾಲಯದ ಬುಲೆಟಿನ್ ತಿಳಿಸಿದೆ. ನಿನ್ನೆಯ ದಿನ 3,60,960 ಹೊಸ ಕರೊನಾ ಪ್ರಕರಣಗಳು ವರದಿಯಾಗಿದ್ದು, ಒಟ್ಟು ಪ್ರಕರಣಗಳ ಸಂಖ್ಯೆ 1,79,97,267 ಮುಟ್ಟಿದೆ.

ಇದನ್ನೂ ಓದಿ: ಲಸಿಕೆ ಹಾಕಿಸಿಕೊಳ್ಳಲು ಇಂದಿನಿಂದ ನೋಂದಣಿ ಪ್ರಕ್ರಿಯೆ ಶುರು- ನೀವೇನು ಮಾಡಬೇಕು? ಇಲ್ಲಿದೆ ಡಿಟೇಲ್ಸ್‌

ಕಳೆದ 24 ಗಂಟೆಗಳಲ್ಲಿ ಗರಿಷ್ಠ ಪ್ರಕರಣಗಳು ದಾಖಲಾದ ಐದು ಅಗ್ರ ರಾಜ್ಯಗಳು ಮಹಾರಾಷ್ಟ್ರ - 66,358 ಪ್ರಕರಣಗಳು, ಉತ್ತರಪ್ರದೇಶ - 32,921 ಪ್ರಕರಣಗಳು, ಕೇರಳ - 32,819 ಪ್ರಕರಣಗಳು, ಕರ್ನಾಟಕ - 31,830 ಪ್ರಕರಣಗಳು ಮತ್ತು ದೆಹಲಿ - 24,149 ಪ್ರಕರಣಗಳು. ದೇಶದ ಒಟ್ಟು ಪ್ರಕರಣಗಳಲ್ಲಿ ಶೇ. 52.1 ರಷ್ಟು ಈ ಐದು ರಾಜ್ಯಗಳಿಂದ ವರದಿಯಾಗಿವೆ. ಕಳೆದ 24 ಗಂಟೆಗಳಲ್ಲಿ ಸಂಭವಿಸಿದ ಕರೊನಾ ಸಾವುಗಳಲ್ಲಿ ಮಹಾರಾಷ್ಟ್ರದಲ್ಲಿ 895 ಮತ್ತು ದೆಹಲಿಯಲ್ಲಿ 381 ಸಾವುಗಳು ವರದಿಯಾಗಿವೆ. (ಏಜೆನ್ಸೀಸ್)

https://www.vijayavani.net/free-vaccines-to-above-18-citizens-in-karnataka-400-crore-rs-reserved/

https://www.vijayavani.net/time-to-wear-mask-at-home-too-says-dr-paul/