ನವದೆಹಲಿ: ಕರೊನಾ ಸೋಂಕು ಹರಡುವಿಕೆಯ ಪ್ರಮಾಣವನ್ನು ಕಡಿಮೆ ಮಾಡುವ ನಿಟ್ಟಿನಲ್ಲಿ ಲಸಿಕೆ ಪ್ರಕ್ರಿಯೆ ಆರಂಭವಾಗಿ ತಿಂಗಳೇ ಕಳೆದಿದೆ. ಇದರ ಮುಂದುವರೆದ ಭಾಗವಾಗಿ 18 ವರ್ಷ ಮೇಲ್ಪಟ್ಟವರಿಗೆ ಲಸಿಕೆ ಹಾಕಿಸಿಕೊಳ್ಳಲು ಮೇ 1ರಿಂದ ಪ್ರಕ್ರಿಯೆ ಶುರು ಮಾಡುವುದಾಗಿ ಸರ್ಕಾರ ಘೋಷಣೆ ಮಾಡಿದೆ.
ಲಸಿಕೆ ಹಾಕಿಸಿಕೊಳ್ಳುವವರು ಮೊದಲು ನೋಂದಣಿ ಮಾಡಿಕೊಳ್ಳಬೇಕಿದ್ದು, ಆ ಪ್ರಕ್ರಿಯೆ ಇಂದಿನಿಂದ ಅಂದರೆ ಏಪ್ರಿಲ್ 28ರ ಸಂಜೆ 4ರಿಂದ ಶುರುವಾಗಲಿದೆ. ಕೋವಿನ್ ಪ್ಲಾಟ್ಫಾರ್ಮ್ ಮತ್ತು ಆರೋಗ್ಯ ಸೇತು ಆ್ಯಪ್ ಮೂಲಕ ಸಂಜೆ 4ರಿಂದ 18 ವರ್ಷ ಮೇಲ್ಪಟ್ಟವರು ನೋಂದಣಿ ಮಾಡಿಕೊಳ್ಳಬಹುದು.
ನೋಂದಣಿ ಮಾಡಿಕೊಳ್ಳುವುದು ಹೇಗೆ? ಇಲ್ಲಿದೆ ನೋಡಿ ವಿವರ-
ಕೋವಿನ್ನಲ್ಲಿ ನೋಂದಣಿ:
1. ಮೊದಲು http://cowin.gov.in ವೆಬ್ಸೈಟ್ಗೆ ನಿಮ್ಮ ಮೊಬೈಲ್ ನಂಬರ್ನಿಂದ ಲಾಗಿನ್ ಮಾಡಬೇಕು
2. ಬಳಿಕ ನಿಮ್ಮ ಮೊಬೈಲ್ ನಂಬರ್ಗೆ ಮಸೇಜ್ ಮೂಲಕ ಒಟಿಪಿ ಬರಲಿದೆ
3. ಒಟಿಪಿ ಅನ್ನು ನಮೂದಿಸಿ ವೇರಿಫೈ ಬಟನ್ ಒತ್ತಬೇಕು
4. ಒಟಿಪಿ ಮಾನ್ಯವಾಗುತ್ತಿದ್ದಂತೆ ಲಸಿಕಾ ನೋಂದಣಿ ಪೇಜ್ ಓಪನ್ ಆಗುತ್ತದೆ
5. ಬಳಿಕ ನಿಮ್ಮ ಫೋಟೋ ಐಡಿ ಫ್ರೂಫ್ ಸೇರಿದಂತೆ ನೋಂದಣಿ ಪ್ರಕ್ರಿಯೆಯಲ್ಲಿ ಕೇಳಿರುವ ಅವಶ್ಯಕ ಮಾಹಿತಿಯನ್ನು ನಮೂದಿಸಬೇಕು
6. ನೀವು ಯಾವುದೇ ಕೊಮೊರ್ಬಿಡಿಟಿಗಳನ್ನು ಹೊಂದಿದ್ದೀರಾ ಎಂದು ನಿಮ್ಮನ್ನು ಕೇಳಲಾಗುತ್ತದೆ. ‘ಹೌದು’ ಅಥವಾ ‘ಇಲ್ಲ’ ಎಂದು ಕ್ಲಿಕ್ ಮಾಡುವ ಮೂಲಕ ಉತ್ತರಿಸಬೇಕು.
7. ವಿವರಣೆಯನ್ನು ನಮೂದಿಸಿದ ಬಳಿಕ ಕೊನೆಯಲ್ಲಿ ರಿಜಿಸ್ಟರ್ ಬಟನ್ ಒತ್ತಬೇಕು.
8. ಇದಾದ ಬಳಿಕ ನೀವು ನೋಂದಣಿ ಯಶಸ್ವಿಯಾಗಿದೆ ಎಂಬ ದೃಢೀಕರಣ ಸಂದೇಶವು ನಿಮ್ಮ ಮೊಬೈಲ್ ನಂಬರ್ಗೆ ಬರುತ್ತದೆ. ನೋಂದಣಿ ಮುಗಿದ ನಂತರ, ನಿಮಗೆ “ಖಾತೆ ವಿವರಗಳು” ತೋರಿಸಲಾಗುತ್ತದೆ. ವೈದ್ಯರ ಭೇಟಿಯನ್ನು “ಖಾತೆ ವಿವರಗಳು” ಪುಟದಿಂದ ನಿಗದಿಪಡಿಸಬಹುದು
9. ವೈದ್ಯರ ಭೇಟಿಗೆ ಸಂಬಂಧಿಸಿದ ವೇಳಾಪಟ್ಟಿ ಸೂಚಿಸುವ ಬಟನ್ ಇರುತ್ತದೆ. ಅದರ ಮೇಲೆ ಕ್ಲಿಕ್ ಮಾಡಿ, ನಿಮ್ಮ ಅಪಾಯಿಂಟ್ಮೆಂಟ್ ನಿಗದಿಪಡಿಸಿದರೆ ನೋಂದಣಿ ಪ್ರಕ್ರಿಯೆ ಮುಗಿದಂತೆ.
10. ಪುಟದ ಕೆಳಗಿನ ಬಲಭಾಗದಲ್ಲಿರುವ “ಇನ್ನಷ್ಟು ಸೇರಿಸಿ” ಬಟನ್ ಕ್ಲಿಕ್ ಮಾಡುವುದರ ಮೂಲಕ ಒಂದೇ ಮೊಬೈಲ್ ಸಂಖ್ಯೆಯೊಂದಿಗೆ ಲಿಂಕ್ ಮಾಡಲಾದ ಇನ್ನೂ ಮೂರು ಜನರನ್ನು ಸೇರಿಸಲು ನಾಗರಿಕರಿಗೆ ಅವಕಾಶವಿದೆ. ಸೇರಿಸಬೇಕಾದ ವ್ಯಕ್ತಿಗಳ ಎಲ್ಲಾ ವಿವರಗಳನ್ನು ನಮೂದಿಸಿದ ಬಳಿಕ “ಸೇರಿಸು” ಬಟನ್ ಕ್ಲಿಕ್ ಮಾಡಿ.
11. ನಿಮ್ಮ ವ್ಯಾಕ್ಸಿನೇಷನ್ ಅನ್ನು ಕಾಯ್ದಿರಿಸಲು, ನೀವು ಆರೋಗ್ಯ ಸೇತು ಅಪ್ಲಿಕೇಶನ್ ಸಹ ಬಳಸಬಹುದು. ಅದಕ್ಕಾಗಿ ಪ್ರತ್ಯೇಕ ಟ್ಯಾಬ್ ರಚಿಸಲಾಗಿದೆ. ನಿಮ್ಮ ಹೆಸರು, ವಯಸ್ಸು ಸೇರಿದಂತೆ ಕೆಲವು ವಿವರಗಳನ್ನು ಭರ್ತಿ ಮಾಡಲು ಮತ್ತು ವ್ಯಾಕ್ಸಿನೇಷನ್ಗಾಗಿ ನಿಮ್ಮನ್ನು ನೋಂದಾಯಿಸಲು ಅನುವು ಮಾಡಿಕೊಡುತ್ತದೆ.
ಆರೋಗ್ಯ ಸೇತು ಮೂಲಕ ನೋಂದಣಿ ಹೀಗೆ:
* ಆರೋಗ್ಯ ಸೇತು ಆ್ಯಪ್ ಮುಖಪುಟದಲ್ಲಿ, ‘ಕೋವಿನ್’ ಟ್ಯಾಬ್ಗೆ ಹೋಗಿ.
* ಕೋವಿನ್ ಐಕಾನ್ ಅಡಿಯಲ್ಲಿ, ನಾಲ್ಕು ಆಯ್ಕೆಗಳು ಇವೆ. ಅವೆಂದರೆ ಲಸಿಕೆ ಮಾಹಿತಿ, ಲಸಿಕೆ, ಲಸಿಕೆ ಪ್ರಮಾಣಪತ್ರ, ಲಸಿಕೆ ಡ್ಯಾಶ್ ಬೋರ್ಡ್.
* ‘ವ್ಯಾಕ್ಸಿನೇಷನ್’ ಟ್ಯಾಬ್ ಅನ್ನು ಟ್ಯಾಪ್ ಮಾಡಿ ಮತ್ತು ನಂತರ ‘ಈಗ ನೋಂದಾಯಿಸಿ’ ಆಯ್ಕೆಯನ್ನು ಆಯ್ಕೆ ಮಾಡಿ.
* ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ ಮತ್ತು ನಂತರ ‘ಪರಿಶೀಲಿಸಲು ಮುಂದುವರಿಯಿರಿ’ ಮೇಲೆ .
* ಒಟಿಪಿ ನಮೂದಿಸಿ ಮತ್ತು ಮತ್ತೆ ‘ಪರಿಶೀಲಿಸಲು ಮುಂದುವರಿಯಿರಿ’ ಆಯ್ಕೆಮಾಡಿ.
* ಒಮ್ಮೆ ನಂಬರ್ ವೆರಿಫಿಕೇಷನ್ ಮುಗಿದ ನಂತರ, ನೀವು ಫೋಟೋ ಐಡಿ ಕಾರ್ಡ್ ಅನ್ನು ಅಪ್ಲೋಡ್ ಮಾಡಬೇಕಾಗುತ್ತದೆ.
* ವಯಸ್ಸು, ಲಿಂಗ, ಹುಟ್ಟಿದ ವರ್ಷ ಮುಂತಾದ ಇತರ ವಿವರಗಳನ್ನ ಸಹ ನೀವು ಭರ್ತಿ ಮಾಡಬೇಕು.
* ಆರೋಗ್ಯ ಸೇತು ಆ್ಯಪ್ ಮೂಲಕ ಗರಿಷ್ಠ 4 ಫಲಾನುಭವಿಗಳನ್ನು ನೋಂದಣಿ ಮಾಡಿಕೊಳ್ಳಬಹುದು.
* ರಾಜ್ಯ, ಜಿಲ್ಲೆ, ಬ್ಲಾಕ್ ಮತ್ತು ಪಿನ್ ಕೋಡ್ ಮೂಲಕ ಲಸಿಕೆ ತಾಣಗಳನ್ನು ಪರಿಶೀಲಿಸಬಹುದು.
* ದಿನಾಂಕ ಮತ್ತು ಲಭ್ಯತೆಯನ್ನು ಪ್ರದರ್ಶಿಸಲಾಗುತ್ತದೆ. ‘ಬುಕ್’ ಆಯ್ಕೆಯನ್ನು ಆಯ್ಕೆಮಾಡಿ.
* ಒಮ್ಮೆ ಯಶಸ್ವಿಯಾಗಿ ನೋಂದಾಯಿಸಿದ ನಂತರ, ನೀವು ಅಪಾಂಟ್ಮೆಂಟ್ ವಿವರಗಳೊಂದಿಗೆ ಎಸ್ಎಂಎಸ್ ಪಡೆಯುತ್ತೀರಿ
ಮಹಿಳೆಯೊಬ್ಬರ ಪತಿಗೆ ಜೀವ ನೀಡಲು ತಮ್ಮ ಬದುಕನ್ನು ಬಲಿಕೊಟ್ಟು ಕೊನೆಯುಸಿರೆಳೆದ ಆರ್ಎಸ್ಎಸ್ ಕಾರ್ಯಕರ್ತ
ಇದು ‘ಪಾಸಿಟಿವ್’ ಸಪ್ತಪದಿ: ಕರೊನಾ ಬಂದರೂ ಡೋಂಟ್ ಕೇರ್- ನಡೆಯಿತು ಹೀಗೊಂದು ಮದುವೆ…