ಸಮಯ್ ರೈನಾ ಮನವಿ ತಿರಸ್ಕರಿಸಿದ ಸೈಬರ್ ಸೆಲ್ ಪೊಲೀಸರು; ಯೂಟ್ಯೂಬರ್​ ಕೇಳಿದ್ದೇನು ಗೊತ್ತಾ? | Samay Raina

ಮುಂಬೈ: ಇಂಡಿಯಾ ಗಾಟ್​​ ಲ್ಯಾಟೆಂಟ್​ ಕಾರ್ಯಕ್ರಮದ ಮೂಲಕ ಸಮಯ್​ ರೈನಾ(Samay Raina) ಜನರನ್ನು ಸಾಕಷ್ಟು ರಂಜಿಸಿದ್ದಾರೆ. ಆದರೆ ಅದರ ಇತ್ತೀಚಿನ ಸಂಚಿಕೆಯಲ್ಲಿ ರಣವೀರ್​ ಅಲ್ಲಾಬಾಡಿಯಾ ಅವರ ಹೇಳಿಕೆಯು ವಿವಾದವನ್ನು ಹುಟ್ಟುಹಾಕಿದೆ. ರಣವೀರ್ ಅಲ್ಲಾಬಾಡಿಯಾ ಕ್ಷಮೆಯಾಚಿದರು ಜನರು ಅವರ ವಿರುದ್ಧ ಆಕ್ರೋಶ ಹೊರಹಾಕುತ್ತಿದ್ದಾರೆ. ಈ ಮಧ್ಯೆ ರಣವೀರ್​ ಮತ್ತು ಸಮಯ್​ ರೈನಾ ವಿರುದ್ಧ ಅನೇಕ ದೂರುಗಳು ದಾಖಲಾಗಿದೆ.

ಇದನ್ನು ಓದಿ: ನಾನು ಓಡಿಹೋಗುತ್ತಿಲ್ಲ.. ಬೆದರಿಕೆ ಸಂದೇಶಗಳಿಂದ ಭಯವಾಗ್ತಿದೆ; ರಣವೀರ್​ ಅಲ್ಲಾಬಾಡಿಯಾ ನೂತನ ಪೋಸ್ಟ್​ನಲ್ಲಿ ತಿಳಿಸಿದಿಷ್ಟು.. | Ranveer Allahbadia

ದೂರು ಸ್ವೀಕರಿಸಿದ ನಂತರ ಮುಂಬೈ ಪೊಲೀಸರು ಪ್ರಕರಣದ ಮೇಲೆ ಕ್ರಮಕೈಗೊಂಡಿದ್ದಾರೆ. ಈಗ ಮಹಾರಾಷ್ಟ್ರ ಸೈಬರ್ ಸೆಲ್ ಯೂಟ್ಯೂಬರ್ ಸಮಯ್ ರೈನಾ ಅವರ ಮನವಿಯನ್ನು ತಿರಸ್ಕರಿಸಿದ್ದಾರೆ ಎಂಬ ಸುದ್ದಿ ಹೊರಬಂದಿದೆ. ವಾಸ್ತವವಾಗಿ ಸಮಯ್ ರೈನಾ ಅವರು ವಿಡಿಯೋ ಕಾನ್ಫೆರೆನ್ಸಿಂಗ್​ ಮೂಲಕ ತಮ್ಮ ಹೇಳಿಕೆಯನ್ನು ದಾಖಲಿಸಲು ಪೊಲೀಸರ ಬಳಿ ಅನುಮತಿ ಕೋರಿದ್ದರು. ಆದರೆ ಇಂಡಿಯಾಸ್ ಗಾಟ್ ಲ್ಯಾಟೆಂಟ್ ವಿವಾದದಲ್ಲಿ ಅವರ ಮೇಲ್ಮನವಿಯನ್ನು ಅಂಗೀಕರಿಸಲಾಗಿಲ್ಲ.

ಸ್ಟ್ಯಾಂಡ್-ಅಪ್ ಕಾಮಿಡಿಯನ್​ ಸಮಯ್ ರೈನಾ ಅವರಿಗೆ ಹೇಳಿಕೆ ದಾಖಲಿಸಲು ಈ ಮೊದಲು ಪೊಲೀಸರು ಮಾರ್ಚ್ 10ರವರೆಗೆ ಗಡುವು ನೀಡಿದ್ದರು. ಇದಾದ ನಂತರ ಸಮಯ್ ರೈನಾ ಪ್ರಸ್ತುತ ಅಮೆರಿಕದಲ್ಲಿದ್ದಾರೆ. ಪೊಲೀಸರಿಗೆ ಮಾಡಿದ ಮನವಿಯಲ್ಲಿ ಸಮಯ್​ ರೈನಾ ಅವರು ವೇಳಾಪಟ್ಟಿಯ ಕಾರಣದಿಂದಾಗಿ ಮಾರ್ಚ್ 17ರ ಮೊದಲು ಭಾರತಕ್ಕೆ ಮರಳಲು ಸಾಧ್ಯವಿಲ್ಲ ಎಂದು ತಿಳಿಸಿದ್ದಾರೆ. ಆದ್ದರಿಂದ ವಿಡಿಯೋ ಕಾನ್ಫರೆನ್ಸ್​ ಮೂಲಕ ಹೇಳಿಕೆ ದಾಖಲಿಸಲು ಅನುಮತಿ ನೀಡಿ ಎಂದು ಕೋರಿದ್ದಾರೆ.

ಆದರೆ ಮಹಾರಾಷ್ಟ್ರ ಸೈಬರ್ ಸೆಲ್ ಪೊಲೀಸರು ಅವರ ಮನವಿಯನ್ನು ತಿರಸ್ಕರಿಸಿದ್ದಾರೆ. ಮತ್ತು ಫೆಬ್ರವರಿ 18ರಂದು ಪೊಲೀಸ್​ ಠಾಣೆಗೆ ಬಂದು ಹೇಳಿಕೆ ದಾಖಲಿಸುವಂತೆ ಸೂಚಿಸಿದ್ದಾರೆ ಎಂದು ಎಎನ್​ಐ ವರದಿ ಮಾಡಿದೆ.(ಎಜೆನ್ಸೀಸ್​)

https://www.vijayavani.net/ranveer-allahbadia-apologises-for-indias-got-latent-row