29ರಿಂದ ಕೌನ್ಸೆಲಿಂಗ್: ಶಿಕ್ಷಕರ ವರ್ಗ ಸರಾಗ, ವೇಳಾಪಟ್ಟಿ ಪ್ರಕಟ

ಬೆಂಗಳೂರು: ರಾಜ್ಯದ ಶೇ.25 ಶಿಕ್ಷಕರಿಗೆ ವರ್ಗಾವಣೆಯಲ್ಲಿ ಅವಕಾಶ ಮಾಡಿಕೊಡುವ ಹಿನ್ನೆಲೆಯಲ್ಲಿ ತಾತ್ಕಾಲಿಕವಾಗಿ ಮುಂದೂಡಲಾಗಿದ್ದ ಕೋರಿಕೆ ಹಾಗೂ ಪರಸ್ಪರ ವರ್ಗಾವಣೆಯ ನೂತನ ವೇಳಾಪಟ್ಟಿಯನ್ನು ಶಿಕ್ಷಣ ಇಲಾಖೆ ಪ್ರಕಟಿಸಿದೆ. ಪ್ರಾಥಮಿಕ ಮತ್ತು ಪ್ರೌಢಶಾಲಾ ಶಿಕ್ಷಕರು, ಮುಖ್ಯ ಶಿಕ್ಷಕರು, ತತ್ಸಮಾನ ವೃಂದದ ಶಿಕ್ಷಕರು ಮತ್ತು ಅಧಿಕಾರಿಗಳ ವರ್ಗಾವಣೆ ಪ್ರಕ್ರಿಯೆಯನ್ನು ಮುಂದುವರಿಸುವಂತೆ ಸಾರ್ವಜನಿಕ ಶಿಕ್ಷಣ ಇಲಾಖೆ ಆಯುಕ್ತರು ಆದೇಶ ಹೊರಡಿಸಿದ್ದಾರೆ.

ಆದೇಶದಲ್ಲೇನಿದೆ?: ತಾಲೂಕು ಹಂತದಲ್ಲಿ ಮಂಜೂರಾಗಿರುವ ಹುದ್ದೆಗಳಲ್ಲಿ ಪ್ರಾಥಮಿಕ ಶಾಲಾ ಶಿಕ್ಷಕರಿಗೆ ನ.29 ಹಾಗೂ ಪ್ರೌಢಶಾಲಾ ಶಿಕ್ಷಕರಿಗೆ ಡಿ.2ರಂದು ಕೌನ್ಸೆಲಿಂಗ್ ಪ್ರಕ್ರಿಯೆ ಶುರವಾಗಲಿದೆ. ಹೊಸದಾಗಿ ಅರ್ಜಿ ಸಲ್ಲಿಸಿರುವ ಶಿಕ್ಷಕರಿಗೆ 2022ರ ಜ.19ರಂದು ಪ್ರಕ್ರಿಯೆ ಆರಂಭಗೊಳ್ಳಲಿದೆ. ಈಗಾಗಲೇ ವರ್ಗಾವಣೆ ಪ್ರಕ್ರಿಯೆ ಮುಗಿಸಿರುವ ಶಿಕ್ಷಕರಿಗೆ ಮೊದಲು ಕೌನ್ಸೆಲಿಂಗ್ ನಡೆಸಲಾಗುತ್ತದೆ. ಅಂತರ್ ವಿಭಾಗೀಯ, ಜಿಲ್ಲಾ ಮತ್ತು ವಿಭಾಗೀಯ ಮಟ್ಟದಲ್ಲಿ ಸಾಮಾನ್ಯ ಕೋರಿಕೆ, ಪರಸ್ಪರ ವರ್ಗಾವಣೆ ಕೌನ್ಸೆಲಿಂಗ್ ಪ್ರಕ್ರಿಯೆ ಮುಂದುವರಿಸುವಂತೆ ತಿಳಿಸಿದೆ.

ಕೌನ್ಸೆಲಿಂಗ್ ಮುಂದೂಡಿತ್ತು: ಶಿಕ್ಷಕರ ಬೇಡಿಕೆಯಂತೆ ಹಾಲಿ ಕಾರ್ಯನಿರ್ವಹಿಸುತ್ತಿರುವ ಹುದ್ದೆಗಳ ಬದಲು ಇಲಾಖೆಯಲ್ಲಿ ಮಂಜೂರಾಗಿರುವ ಹುದ್ದೆಗಳ ಆಧಾರದ ಮೇಲೆ ವರ್ಗಾವಣೆಗೆ ಅವಕಾಶ ನೀಡಲು ಇಲಾಖೆ ಸಮ್ಮತಿಸಿತ್ತು. ಇದಕ್ಕೆ ಅಗತ್ಯ ತಂತ್ರಾಂಶ ಅಭಿವೃದ್ಧಿಪಡಿಸಲು ಕಾಲಾವಕಾಶ ಬೇಕಿದ್ದರಿಂದ ನ.24ರಂದು ಆರಂಭವಾಗಬೇಕಿದ್ದ ಕೌನ್ಸೆಲಿಂಗ್ ಅನ್ನು ತಾತ್ಕಾಲಿಕವಾಗಿ ಮುಂದೂಡಿತ್ತು.

ವರ್ಗಾವಣೆ ವೇಳಾಪಟ್ಟಿ

ಪ್ರಾಥಮಿಕ ಶಾಲೆ, ಜಿಲ್ಲಾ ಹಂತದ ವರ್ಗ

• ಅಂತಿಮ ಆದ್ಯತಾ ಪಟ್ಟಿಯಂತೆ ಕೋರಿಕೆ ವರ್ಗಾವಣೆಗಳ ಗಣಕೀಕೃತ ಕೌನ್ಸೆಲಿಂಗ್ ಮೂಲಕ ಸ್ಥಳ ನಿಯುಕ್ತಿ ಪ್ರಕ್ರಿಯೆ ಹಳೆಯ ಅರ್ಜಿ ದಿನಾಂಕ ನ.29ರಿಂದ ಡಿ.4 ಹಾಗೂ ಹೊಸ ಅರ್ಜಿ ದಿನಾಂಕ ಜ.19ರಿಂದ 27ರವರೆಗೆ ನಡೆಯಲಿದೆ.
• ಪ್ರಾಥಮಿಕ ಶಾಲಾ ಶಿಕ್ಷಕರ ವೃಂದದ ನಿರ್ದಿಷ್ಟ ಹುದ್ದೆಗಳಲ್ಲಿ ಸಲ್ಲಿಸಿದ ಶಿಕ್ಷಕರ ಕೌನ್ಸೆಲಿಂಗ್ ಹಿಂದಿನ ಅರ್ಜಿ ಡಿ.5, ಹೊಸ ಅರ್ಜಿಗಳಡಿ ಜ.18ರಿಂದ ಜ.30ರ ವರೆಗೆ ನಡೆಯಲಿದೆ.
• ಅಂತಿಮ ಆದ್ಯತಾ ಪಟ್ಟಿಯಂತೆ ಪರಸ್ಪರ ವರ್ಗಾವಣೆಗಳ ಗಣಕೀಕೃತ ಕೌನ್ಸೆಲಿಂಗ್ ಮೂಲಕ ಸ್ಥಳ ನಿಯುಕ್ತಿ ಕ್ರಮ ವಹಿಸಿದೆ. ಹೊಸ ಅರ್ಜಿ ಸಲ್ಲಿಸಲು ಜ.19ರಿಂದ ಅವಕಾಶ

ವಿಭಾಗೀಯ ಹಂತದ ವರ್ಗ

•  ಅಂತಿಮ ಆದ್ಯತಾ ಪಟ್ಟಿಯಂತೆ ಗಣಕೀಕೃತ ಕೌನ್ಸೆಲಿಂಗ್ ಹಳೇ ಅರ್ಜಿ ಡಿ.16ರಿಂದ ಹೊಸ ಅರ್ಜಿ ಫೆ.1ರಿಂದ ಪರಿಗಣನೆ
• ವಿಭಾಗದೊಳಗೆ ಪರಸ್ಪರ ವರ್ಗಾವಣೆ ಕೌನ್ಸೆಲಿಂಗ್ ಡಿ.19ರಿಂದ ಫೆ.8ರವರೆಗೆ ಅವಕಾಶ
• ಅಂತಿಮ ಆದ್ಯತಾ ಪಟ್ಟಿಯಂತೆ ಪರಸ್ಪರ ವರ್ಗಾವಣೆಗಳ ಗಣಕೀಕೃತ ಕೌನ್ಸೆಲಿಂಗ್ ಮೂಲಕ ಸ್ಥಳ ನಿಯುಕ್ತಿ ಡಿ.21ರಿಂದ ಫೆ.11ವರೆಗೆ ಸಲ್ಲಿಸಬಹುದು

ಅಂತರ ವಿಭಾಗೀಯ ಹಂತದ ವರ್ಗಾವಣೆ

• ಕೋರಿಕೆ ವರ್ಗಾವಣೆಗಳ ಕೌನ್ಸೆಲಿಂಗ್ ಮೂಲಕ ಸ್ಥಳ ನಿಯುಕ್ತಿ ಡಿ.24ರಿಂದ ಜ.10. ಹೊಸ ಅರ್ಜಿಗಳು ಫೆ.15ರಿಂದ ಪರಿಗಣನೆ
• ವಿಭಾಗದ ಹೊರಗೆ ಪರಸ್ಪರ ವರ್ಗಾವಣೆ ಕೌನ್ಸೆಲಿಂಗ್ ಅಂತಿಮ ಆದ್ಯತಾ ಪಟ್ಟಿ ಪ್ರಕಟಣೆ ಜ.12 ಫೆ.25ರವರೆಗೆ ಅವಕಾಶ
• ಪರಸ್ಪರ ವರ್ಗಾವಣೆಗಳ ಗಣಕೀಕೃತ ಕೌನ್ಸೆಲಿಂಗ್ ಮೂಲಕ ಸ್ಥಳ ನಿಯುಕ್ತಿ ಜ.14 ಫೆ.26ರವರೆಗೆ ಪರಿಗಣನೆ

ಪ್ರೌಢಶಾಲಾ ವಿಭಾಗ, ಜಿಲ್ಲಾ ಹಂತದ ವರ್ಗಾವಣೆ

• ಅಂತಿಮ ಆದ್ಯತಾ ಪಟ್ಟಿಯಂತೆ ಕೋರಿಕೆ ವರ್ಗಾವಣೆಗಳ ಗಣಕೀಕೃತ ಕೌನ್ಸೆಲಿಂಗ್ ಮೂಲಕ ಸ್ಥಳ ನಿಯುಕ್ತಿ ಪ್ರಕ್ರಿಯೆ ಹಳೆ ಅರ್ಜಿಗೆ ಡಿ.2ರಿಂದ ಡಿ.5, ಹೊಸ ಅರ್ಜಿಗಳು ಜ.19ರಿಂದ 27.
• ಪ್ರೌಢಶಾಲಾ ಶಿಕ್ಷಕರ ವೃಂದದ ನಿರ್ದಿಷ್ಟ ಹುದ್ದೆಗಳಲ್ಲಿ ಸಲ್ಲಿಸಿದ ಶಿಕ್ಷಕರ ಕೌನ್ಸೆಲಿಂಗ್ ಹೊಸ ಅರ್ಜಿಗೆ ಜ.18ರಿಂದ 30.
• ಜಿಲ್ಲೆಯೊಳಗಿನ ಪರಸ್ಪರ ವರ್ಗಾವಣೆ ಕೌನ್ಸೆಲಿಂಗ್ ಅಂತಿಮ ಆದ್ಯತಾ ಪಟ್ಟಿ ಪ್ರಕಟ ಹಳೆ ಅರ್ಜಿಗೆ ಡಿ.8 ಹೊಸ ಅರ್ಜಿಗೆ ಜ.28.
• ಅಂತಿಮ ಆದ್ಯತಾ ಪಟ್ಟಿಯಂತೆ ಪರಸ್ಪರ ವರ್ಗಾವಣೆಗಳ ಗಣಕೀಕೃತ ಕೌನ್ಸೆಲಿಂಗ್ ಮೂಲಕ ಸ್ಥಳ ನಿಯುಕ್ತಿ ಹಳೆ ಅರ್ಜಿಗೆ ಡಿ.9ಮತ್ತು ಹೊಸ ಅರ್ಜಿಗೆ ಜ.29.

ವಿಭಾಗೀಯ ಹಂತ (ವಿಭಾಗದ ಒಳಗೆ)

• ಕೋರಿಕೆ ವರ್ಗಾವಣೆಗಳ ಕೌನ್ಸೆಲಿಂಗ್ ಮೂಲಕ ಸ್ಥಳ ನಿಯುಕ್ತಿ ಹಳೆ ಅರ್ಜಿಗೆ ಡಿ.20. ಹೊಸ ಅರ್ಜಿಗೆ ಫೆ.1ರಿಂದ.
• ವಿಭಾಗದೊಳಗೆ ಪರಸ್ಪರ ವರ್ಗಾವಣೆ ಕೌನ್ಸೆಲಿಂಗ್ ಅಂತಿಮ ಪಟ್ಟಿ ಪ್ರಕಟ ಹಳೆ ಅರ್ಜಿಗೆಡಿ.19, ಹೊಸ ಅರ್ಜಿಗೆ ಫೆ.8.
• ಅಂತಿಮ ಆದ್ಯತಾ ಪಟ್ಟಿಯಂತೆ ಪರಸ್ಪರ ವರ್ಗಾವಣೆಗಳ ಗಣಕೀಕೃತ ಕೌನ್ಸೆಲಿಂಗ್ ಮೂಲಕ ಸ್ಥಳ ನಿಯುಕ್ತಿ ಹಿಂದಿನ ಅರ್ಜಿಡಿ.22ರಿ, ಹೊಸ ಅರ್ಜಿ ಫೆ.11.

ಅಂತರ ವಿಭಾಗೀಯ ವರ್ಗಾವಣೆ (ವಿಭಾಗದ ಹೊರಗೆ)

• ಕೋರಿಕೆ ವರ್ಗಾವಣೆಗಳ ಕೌನ್ಸೆಲಿಂಗ್ ಮೂಲಕ ಸ್ಥಳ ನಿಯುಕ್ತಿ ಹಿಂದಿನ ಅರ್ಜಿ ಡಿ.24ರಿಂದ ಜ.10 ಹೊಸ ಅರ್ಜಿ ಫೆ.15ರಿಂದ.
• ವಿಭಾಗದ ಹೊರಗೆ ಪರಸ್ಪರ ವರ್ಗಾವಣೆ ಕೌನ್ಸೆಲಿಂಗ್ ಅಂತಿಮ ಆದ್ಯತಾ ಪಟ್ಟಿ ಪ್ರಕಟಣೆ ಹಿಂದಿನ ಅರ್ಜಿಗೆ ಜ.12 ಹೊಸ ಅರ್ಜಿ ಫೆ.25
• ಪರಸ್ಪರ ವರ್ಗಾವಣೆಗಳ ಗಣಕೀಕೃತ ಕೌನ್ಸೆಲಿಂಗ್ ಮೂಲಕ ಸ್ಥಳ ನಿಯುಕ್ತಿ ಹಿಂದಿನ ಅರ್ಜಿಗೆ ಜ.14 ಹೊಸ ಫೆ.26.

https://www.vijayavani.net/mla-neharu-olekars-grand-children-committed-suicide/

https://www.vijayavani.net/ksrtc-bus-bike-accident-two-wheeler-rider-died-at-spot/