ಹರಿಯಾಣ ವಿಧಾನಸಭಾ ಚುನಾವಣಾ ಫಲಿತಾಂಶ: ಸ್ಟಾರ್​ ಕುಸ್ತಿಪಟು ವಿನೇಶ್​ ಪೊಗಟ್​ಗೆ ಶಾಕ್​ | Vinesh Phogat

ಚಂಡೀಗಢ: ಮೊದಲ ಬಾರಿಗೆ ಹರಿಯಾಣ ವಿಧಾನಸಭಾ ಚುನಾವಣಾ ( Haryana Election ) ಅಖಾಡಕ್ಕೆ ಇಳಿದಿರುವ ಭಾರತದ ಸ್ಟಾರ್ ಕುಸ್ತಿಪಟು ವಿನೇಶ್​ ಪೊಗಟ್ ( Vinesh Phogat ) ​ಗೆ ಮತಎಣಿಕೆಯ ಆರಂಭದಲ್ಲೇ ಶಾಕ್​ ಎದುರಾಗಿದೆ. ನಾಲ್ಕನೇ ಸುತ್ತಿನ ಮತಎಣಿಕೆಯಲ್ಲಿ 3000 ಮತಗಳ ಅಂತರದಿಂದ ವಿನೇಶ್​ ಹಿನ್ನಡೆ ಅನುಭವಿಸಿದ್ದಾರೆ.

ವಿನೇಶ್​ ಪೊಗಟ್​ ಅವರು ಕಾಂಗ್ರೆಸ್​ ಅಭ್ಯರ್ಥಿಯಾಗಿ ಜುಲಾನಾ ಕ್ಷೇತ್ರದಿಂದ ಕಣಕ್ಕಿಳಿದಿದ್ದಾರೆ. ಪ್ರತಿಸ್ಪರ್ಧಿ ಬಿಜೆಪಿಯ ಯೋಗೇಶ್​ ಬೈರಾಗಿ ಅವರು ಮುನ್ನಡೆ ಕಾಯ್ದುಕೊಂಡಿದ್ದಾರೆ. ಇದೇ ಟ್ರೆಂಡ್​ ಮುಂದುವರಿದರಿ ವಿನೇಶ್​ಗೆ ಮೊದಲ ಚುನಾವಣೆಯಲ್ಲೇ ಭಾರಿ ಮುಖಭಂಗವಾಗಲಿದೆ.

ಇದನ್ನೂ ಓದಿ: ಸ್ನೇಹಿತರ ಬಳಿ ಬಾಜಿ ಕಟ್ಟಿ ಜೀವಂತ ಮೀನು ನುಂಗಿದ ಯುವಕ! ನಂತ್ರ ಏನಾಯ್ತು ಗೊತ್ತಾ? ಇಲ್ಲಿದೆ ಶಾಕಿಂಗ್​ ಸಂಗತಿ | Live Fish

ಅಧಿಕ ದೇಹತೂಕದಿಂದಾಗಿ ಕುಸ್ತಿಯಲ್ಲಿ ಫೈನಲ್​ಗೆ ಅರ್ಹತೆ ಪಡೆಯದೆ ಪ್ಯಾರಿಸ್​ ಒಲಿಂಪಿಕ್ಸ್​ನಿಂದ ಹೊರಬಿದ್ದ ಬೆನ್ನಲ್ಲೇ ವಿನೇಶ್​ ಅವರು ಕಾಂಗ್ರೆಸ್​ನಿಂದ ಚುನಾವಣಾ ಅಖಾಡಕ್ಕೆ ಇಳಿಯುತ್ತಿರುವುದಾಗಿ ಘೋಷಣೆ ಮಾಡಿದರು. ನಾಮಪತ್ರದ ಜತೆಗೆ ವಿನೇಶ್​ ಪೋಗಟ್​ ಸಲ್ಲಿಸಿರುವ ಅಫಿಡೆವಿಟ್​ ಪ್ರಕಾರ ಅವರು ಸುಮಾರು ಎರಡು ಕೋಟಿ ರೂ. ಆಸ್ತಿಯ ಒಡತಿಯಾಗಿದ್ದಾರೆ. ಸದ್ಯ 1.95 ಲಕ್ಷ ರೂ. ನಗದು ಹೊಂದಿರುವ ವಿನೇಶ್​ 3 ಐಷಾರಾಮಿ ಕಾರುಗಳ ಒಡತಿಯೂ ಆಗಿದ್ದಾರೆ.

ಸದ್ಯದ ಟ್ರೆಂಡ್​ ಪ್ರಕಾರ 90 ಸದಸ್ಯಬಲದ ಹರಿಯಾಣ ವಿಧಾನಸಭೆಯಲ್ಲಿ (Haryana Assembly) ಸರ್ಕಾರ ರಚಿಸಲು 46 ಶಾಸಕರ ಅಗತ್ಯವಿದ್ದು, ಬಿಜೆಪಿ (BJP) 47 ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿದೆ. 36 ಕ್ಷೇತ್ರಗಳಲ್ಲಿ ಕಾಂಗ್ರೆಸ್ (Congress)​ ಮುನ್ನಡೆ ಸಾಧಿಸಿದ್ದು, ಬಿಜೆಪಿಗೆ ನಿಖರ ಪೈಪೋಟಿ ನೀಡುತ್ತಿದೆ. ಜೆಜೆಪಿ (JJP)ಎರಡು ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿದೆ. (ಏಜೆನ್ಸೀಸ್​)

https://www.vijayavani.net/actor-darshan-claims-to-be-haunted-by-renukaswamy-spirit-in-prison

https://www.vijayavani.net/ipl-2025-auction-a-place-for-six-players-in-the-indian-team-big-deal-for-ipl-franchises