ಕಾಂಗ್ರೆಸ್​ ಹಿರಿಯ ನಾಯಕ, ಮಾಜಿ ಸಚಿವ ಬುಟಾ ಸಿಂಗ್​ ವಿಧಿವಶ

ನವದೆಹಲಿ: ಹಿರಿಯ ಕಾಂಗ್ರೆಸ್​ ನಾಯಕ ಹಾಗೂ ಮಾಜಿ ಸಚಿವ ಬುಟಾ ಸಿಂಗ್ (86)​ ಅವರು ಶನಿವಾರ ಬೆಳಗ್ಗೆ ದೆಹಲಿಯ ಏಮ್ಸ್​ ಆಸ್ಪತ್ರೆಯಲ್ಲಿ ವಿಧಿವಶರಾಗಿದ್ದಾರೆ. ಮೆದುಳಿನ ರಕ್ತಸ್ರಾವದಿಂದ ಬಳಲುತ್ತಿದ್ದ ಸಿಂಗ್​ ಅವರು ಕಳೆದ ಅಕ್ಟೋಬರ್​ನಿಂದ ಕೋಮಾದಲ್ಲಿದ್ದರು.

ಸಿಂಗ್​ ಮೃತಪಟ್ಟಿರುವುದನ್ನು ಅವರ ಮಗ ಅರ್ವಿಂದರ್​ ಸಿಂಗ್​ ಫೇಸ್​ಬುಕ್​ ಮೂಲಕ ಖಚಿತಪಡಿಸಿದ್ದಾರೆ. ನನ್ನ ತಂದೆ ಬುಟಾ ಸಿಂಗ್​ ಇಂದು ಬೆಳಗ್ಗೆ ನಿಧನರಾದರು. ಅವರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಅರ್ವಿಂದರ್​ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ಲವ್​ ಪ್ರಪೋಸ್​ಗೆ ಯೆಸ್​ ಎಂದ ಬೆನ್ನಲ್ಲೇ 650 ಅಡಿ ಪ್ರಪಾತಕ್ಕೆ ಬಿದ್ದ ಪ್ರೇಯಸಿ: ನಂತರ ನಡೆದಿದೆಲ್ಲ ಪವಾಡ!

ಸಾವಿನ ಸುದ್ದಿ ತಿಳಿಯುತ್ತಿದ್ದಂತೆ ಸಂತಾಪ ಸೂಚಿಸಿರುವ ಪ್ರಧಾನಿ ಮೋದಿ, ಬುಟಾ ಸಿಂಗ್​ ಜೀ ಅನುಭವವುಳ್ಳ ಆಡಳಿತಗಾರರಾಗಿದ್ದರು ಮತ್ತು ಬಡವರ ಧ್ವನಿಯಾಗಿದ್ದ ಅವರು ದಮನಿತರ ಶಕ್ತಿಯಾಗಿದ್ದರು. ಅವರ ಹಠಾತ್​ ನಿಧನದಿಂದ ದುಃಖಿತರಾಗಿದ್ದೇವೆ. ಅವರ ಕುಟುಂಬ ಮತ್ತು ಬೆಂಬಲಿಗರಿಗೆ ದುಃಖಭರಿಸುವ ಶಕ್ತಿ ನೀಡಲಿ ಎಂದು ಸಂತ್ವಾನ ಹೇಳಿದ್ದಾರೆ.

ಪ್ರಧಾನಿ ಹೊರತುಪಡಿಸಿ, ರಾಷ್ಟ್ರಪತಿ ರಾಮನಾಥ್​ ಕೋವಿಂದ್​, ಕುಲದೀಪ್​ ಬಿಷ್ಮೋಯ್​, ಮಮತಾ ಬ್ಯಾನರ್ಜಿ, ಕೆ.ಸಿ ವೇಣುಗೋಪಾಲ್​ ಹಾಗೂ ರಾಜನಾಥ್​ ಸಿಂಗ್​ ಸೇರಿದಂತೆ ಅನೇಕ ರಾಜಕೀಯ ನಾಯಕರು ಬುಟಾ ಸಿಂಗ್​ ಸಾವಿಗೆ ಕಂಬನಿ ಮಿಡಿದಿದ್ದಾರೆ.

ಇದನ್ನೂ ಓದಿ: ಪ್ರಧಾನಿಗೆ ಪತ್ರ ಬರೆದು ಆತ್ಮಹತ್ಯೆಗೆ ಶರಣಾದ ರೈತ: ಡೆತ್​ನೋಟ್​ನಲ್ಲಿದೆ ನೋವಿನ ಮಾತು!

ಆರಂಭದಲ್ಲಿ ಶಿರೋಮನಿ ಅಕಾಲಿದಳದ ಸದಸ್ಯರಾಗಿದ್ದ ಬುಟಾಸಿಂಗ್​ 1960ರಲ್ಲಿ ಕಾಂಗ್ರೆಸ್​ಗೆ ಸೇರ್ಪಡೆಯಾದರು. ಸಿಂಗ್ 1986-1989ರವರೆಗೆ ರಾಜೀವ್ ಗಾಂಧಿ ಸರ್ಕಾರದಲ್ಲಿ ಪ್ರಮುಖ ದಲಿತ ನಾಯಕ ಮತ್ತು ಕೇಂದ್ರ ಸಚಿವರಾಗಿದ್ದರು. (ಏಜೆನ್ಸೀಸ್​)

https://www.vijayavani.net/the-ghost-ghost-entry-if-celebrated/

https://www.vijayavani.net/ballari-church-faster-and-young-woman-marriage/

https://www.vijayavani.net/rs-21-lakh-cheating-in-the-name-of-marriage-and-dating-unmarried-prasad-le-target/