ಭ್ರಮಾಲೋಕದಲ್ಲಿ CM ಸಿದ್ದರಾಮಯ್ಯ ವಿಹಾರ: ಬಿ.ವೈ.ವಿಜಯೇಂದ್ರ ಕಟೋಕ್ತಿ

ಬೆಂಗಳೂರು: ಕರ್ನಾಟಕ ಹಿಂದೆಂದೂ ಕಾಣದ ಕೆಟ್ಟ ಪರಿಸ್ಥಿತಿಗೆ ತಲುಪಿದೆ. ಪ್ರತಿಪಕ್ಷವೆಂಬ ಕಾರಣಕ್ಕೆ ಈ ರೀತಿ ಹೇಳುತ್ತಿದ್ದಾರೆ ಎಂದು ಪತ್ರಕರ್ತರಿಗೆ ಅನ್ನಿಸಬಹುದು. ಆದರೆ ಈ ಆರೋಪಕ್ಕೆ ನನ್ನ ಬಳಿ ಪುರಾವೆಯಿದೆ. ವಿವಿಧ ಇಲಾಖೆಗಳಿಂದ ಒಟ್ಟು ಆರು ಸಾವಿರ ಕೋಟಿ ರೂ. ವಿದ್ಯುತ್ ಬಿಲ್ ಬಾಕಿಯಿದೆ. ಸಂಬಂಧಿಸಿದ ಸಚಿವರೊಂದಿಗೆ ಬಿಲ್ ಪಾವತಿ ಬಗ್ಗೆ ಚರ್ಚಿಸಿರುವೆ ಎಂದು ಸ್ವತಃ ಇಂಧನ ಸಚಿವ ಕೆ.ಜೆ.ಜಾರ್ಜ್ ಹೇಳಿದ್ದಾರೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ.ವಿಜಯೇಂದ್ರ ವಾಗ್ದಾಳಿ ಮಾಡಿದರು.

ಇದನ್ನೂ  ಓದಿ:ಭ್ರಮಾಲೋಕದಲ್ಲಿ ಸಿಎಂ ಸಿದ್ದರಾಮಯ್ಯ ವಿಹಾರ: ಬಿ.ವೈ.ವಿಜಯೇಂದ್ರ ಕಟೋಕ್ತಿ | White paper release demand

ರಾಜ್ಯ ಬಿಜೆಪಿ ಕಚೇರಿಯಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, 1.90 ಲಕ್ಷ ಕೋಟಿ ರೂ. ಸಾಲ ಎತ್ತುವಳಿ ಮಾಡಿದೆ. ಆದರೆ ರಾಜ್ಯದ ಜನರು ಸುಭಿಕ್ಷ, ಹಣಕಾಸಿನ ಪರಿಸ್ಥಿತಿ ಉತ್ತಮವಾಗಿದೆ ಎಂಬ ಭ್ರಮಾಲೋಕದಲ್ಲಿ CMಸಿದ್ದರಾಮಯ್ಯ ಇದ್ದಾರೆ ಎಂದು ಕಟೋಕ್ತಿಯಾಡಿದರು.

ಮುದ್ರಾಂಕ, ವಾಹನಗಳ ನೋಂದಣಿ ಶುಲ್ಕ, ಡೀಸೆಲ್, ಪೆಟ್ರೋಲ್, ವಿದ್ಯುತ್, ಹಾಲು, ಮೆಟ್ರೋ ದರ ಹೆಚ್ಚಳ ಮಾಡಲಾಗಿದೆ. ಆದರೂ ಗ್ಯಾರಂಟಿ ಯೋಜನೆಗಳ ಫಲಾನುಭವಿಗಳಿಗೆ ಐದಾರು ತಿಂಗಳಿಂದ ಹಣ ತಲುಪಿಲ್ಲ. ಶಾಸಕರ ಕ್ಷೇತ್ರದ ಅಭಿವೃದ್ದಿ ಕಾರ್ಯಗಳಿಗೆ ಅನುದಾನ ಬಿಡುಗಡೆ ಮಾಡಿಲ್ಲ. ಕೇಂದ್ರ ಸರ್ಕಾರ ಕೆಜಿಗೆ 22.50 ರೂ.ನಂತೆ ಕೊಡಲು ಸಿದ್ಧವಿದ್ದರೂ ಹಣವಿಲ್ಲದ ಕಾರಣಕ್ಕೆ ಖರೀದಿಸಲು ಹಿಂದೇಟು ಹಾಕುತ್ತಿದ್ದಾರೆ ಎಂದು ಬಿ.ವೈ.ವಿಜಯೇಂದ್ರ ಟೀಕಿಸಿದರು.

ಇದನ್ನೂ  ಓದಿ:ಸಚಿವ, ಶಾಸಕರ ಹೇಳಿಕೆಗೆ ನಾನು ಪ್ರತಿಕ್ರಿಯಿಸಲ್ಲ: ಜಿಲ್ಲಾ ಉಸ್ತುವಾರಿ ಸಚಿವ ಎನ್.ಚಲುವರಾಯಸ್ವಾಮಿ ಸ್ಪಷ್ಟನೆ

ಶ್ವೇತಪತ್ರ ಜನರ ಮುಂದಿಡಿ

ಸಿಎಂ ಸಿದ್ದರಾಮಯ್ಯ ಆಲ್ ಈಸ್ ವೆಲ್ ಎಂಬ ನಾಟಕ ಬಿಟ್ಟು ರಾಜ್ಯದ ಆರ್ಥಿಕ ಪರಿಸ್ಥಿತಿ ಬಗ್ಗೆ ಶ್ವೇತಪತ್ರವನ್ನು ಜನರ ಮುಂದಿಡಬೇಕು. ಶುಲ್ಕ, ತೆರಿಗೆಗಳ ಏರಿಕೆ, ಸಾಲ ಎತ್ತುವಳಿ ಮಾಡಿದ್ದರೂ ಅನೇಕ ಸಮಸ್ಯೆಗಳಿವೆ ಕಾಡುತ್ತಿವೆ. ಹಾಗಿದ್ದರೆ ಸಂಗ್ರಹಿಸಿದ ಆರ್ಥಿಕ ಸಂಪನ್ಮೂಲ, ಎತ್ಥಿದ ಸಾಲ ದುರ್ಬಳಕೆಯಾಗುತ್ತಿದೆಯೆ ? ಎಂದು ಜನರು ಪ್ರಶ್ನಿಸುತ್ತಿದ್ದಾರೆ. ಶ್ವೇತಪತ್ರ ಹೊರಡಿಸಿ ಹಣಕಾಸಿನ ಪರಿಸ್ಥಿತಿ‌ ಬಗ್ಗೆ ಸತ್ಯಾಂಶ ಜನರಿಗೆ ತಿಳಿಸಬೇಕು ಎಂದು ಒತ್ತಾಯಿಸಿದರು.

ಇದನ್ನೂ  ಓದಿ:ಸಚಿವ, ಶಾಸಕರ ಹೇಳಿಕೆಗೆ ನಾನು ಪ್ರತಿಕ್ರಿಯಿಸಲ್ಲ: ಜಿಲ್ಲಾ ಉಸ್ತುವಾರಿ ಸಚಿವ ಎನ್.ಚಲುವರಾಯಸ್ವಾಮಿ ಸ್ಪಷ್ಟನೆ

ರಾಜ್ಯದ ಜನರು ಭಿಕ್ಷುಕರೆ ?

ಐದು ಗ್ಯಾರಂಟಿ ಯೋಜನೆಗಳನ್ನು ಬಿಜೆಪಿ ವಿರೋಧ ಮಾಡುತ್ತಿಲ್ಲ. ಆದರೆ ಜನರು ಕೇಳದಿದ್ದರೂ ವಿಧಾನಸಭೆ ಚುನಾವಣೆ ಕಾಲಕ್ಕೆ ಐದು ಗ್ಯಾರಂಟಿಗಳನ್ನು ಘೋಷಿಸಿ ಕಾಂಗ್ರೆಸ್ ಪಕ್ಷಕ್ಕೆ ಬಂದಿದೆ. ಪ್ರತಿ ತಿಂಗಳು ಪಾವತಿ ಮಾಡುತ್ತೇವೆ ಎಂದು ಆಶ್ವಾಸನೆ ನೀಡಿ, ನುಡಿದಂತೆ ನಡೆದಿದ್ದೇವೆ ಎಂದು ರಾಜ್ಯ ಸರ್ಕಾರ ದೊಡ್ಡದಾಗಿ ಹೇಳಿಕೊಳ್ಳುತ್ತಿದೆ.

ಆದರೆ ಐದಾರು ತಿಂಗಳಿಂದ ಗೃಹಲಕ್ಷ್ಮಿ, ಅನ್ನಭಾಗ್ಯ ಯೋಜನೆಗಳ ಹಣ ಐದಾರು ತಿಂಗಳಿಂದ ಫಲಾನುಭವಿ ಖಾತೆಗೆ ಜಮೆಯಾಗಿಲ್ಲ. ಪ್ರತಿ ತಿಂಗಳು ಜಮಾ ಮಾಡಲು ಅದೇನು ಸಂಬಳವೆ ? ಎಂದು ಸಚಿವ ಕೆ.ಜೆ.ಜಾರ್ಜ್ ಕೇಳಿದ್ದಾರೆ. ರಾಜ್ಯದ ಜನರು ಭಿಕ್ಷುಕರು ಎಂದು ಸರ್ಕಾರ ಭಾವಿಸಿದೆಯೆ ? ಪ್ರತಿ ತಿಂಗಳು ಪಾವತಿ ಮಾಡುತ್ತೇವೆ ಎಂದು ಆಶ್ವಾಸನೆ ಕೊಟ್ಟವರು ಯಾರು ? ಎಂದು ಕಿಡಿಕಾರಿದರು.

https://www.vijayavani.net/the-owner-of-a-property-worth-rs-4-3-crores-who-was-given-away-for-love-is-now-an-orphan-cheated-by-those-she-trusted