ಢಾಕಾ: ಹಿಂದುಗಳ ವಿರುದ್ಧ ದಾಳಿ ನಿರಂತರವಾಗಿರುವ ಬಾಂಗ್ಲಾದೇಶದಲ್ಲಿ ಕೆಲವು ದಿನಗಳ ಹಿಂದೆ ಬಂಧಿತರಾಗಿರುವ ಚಿನ್ಮಯ ಕೃಷ್ಣ ದಾಸ ಬ್ರಹ್ಮಚಾರಿ ಪರವಾಗಿ ವಾದಿಸಲು ಮಂಗಳವಾರ ಯಾವುದೇ ವಕೀಲರು ಕೋರ್ಟ್ಗೆ ಬಾರದಿರುವುದರಿಂದ ಅವರ ಜಾಮೀನು ಅರ್ಜಿ ವಿಚಾರಣೆ ಒಂದು ತಿಂಗಳ ನಂತರ ನಡೆಯಲಿದೆ. ಈ ನಡುವೆ, ತನ್ನ ವಕ್ತಾರ ಚಿನ್ಮಯ ದಾಸರ ಜಾಮೀನು ಅರ್ಜಿ ವಿಚಾರಣೆಯಲ್ಲಿ ಭಾಗವಹಿಸುವುದನ್ನು ತಡೆಯಲು ಸುಮಾರು 70 ಹಿಂದು ವಕೀಲರನ್ನು ಸುಳ್ಳು ಮೊಕದ್ದಮೆಯಲ್ಲಿ ಸಿಲುಕಿಸಲಾಗಿದೆ ಎಂದು ಬಾಂಗ್ಲಾದೇಶ ಸಮ್ಮಿಲಿತ ಸನಾತನಿ ಜಾಗರಣ್ ಜೋತ್ ಆರೋಪಿಸಿದೆ. ಹಿಂದು ಸನ್ಯಾಸಿ ಪರ ವಾದಿಸಲು ಮುಂದಾದ ಬಾಂಗ್ಲಾ ವಕೀಲರೊಬ್ಬರ ಮೇಲೆ ಅವರ ಮನೆಯಲ್ಲಿ ಇಸ್ಲಾಮ್ಾದಿಗಳು ಹಲ್ಲೆ ನಡೆಸಿದ್ದು ಅವರೀಗ ತೀವ್ರ ನಿಗಾ ಘಟಕದಲ್ಲಿ (ಐಸಿಯು) ಇದ್ದಾರೆಂದು ಇಸ್ಕಾನ್ ಇದಕ್ಕೂ ಮುನ್ನ ಹೇಳಿತ್ತು.
