ಚೀನಾ ಜನಸಂಖ್ಯೆಯಲ್ಲಿ ಕುಸಿತ; 60 ವರ್ಷಗಳಲ್ಲಿ ಇದೇ ಮೊದಲ ಸಲ ಜನಸಂಖ್ಯೆ ಇಳಿಕೆ!

ಚೀನಾ: ಅತ್ಯಧಿಕ ಜನಸಂಖ್ಯೆ ಹೊಂದಿರುವ ಚೀನಾದಲ್ಲಿ ಕಳೆದ ಅರವತ್ತು ವರ್ಷಗಳ ಇತಿಹಾಸದಲ್ಲೇ ಇದೇ ಮೊದಲ ಸಲ ಎಂಬಂತೆ ಜನಸಂಖ್ಯೆಯಲ್ಲಿ ಕುಸಿತವಾಗಿದೆ. ಚೀನಾದ ನ್ಯಾಷನಲ್ ಬ್ಯೂರೋ ಆಫ್ ಸ್ಟಾಟಿಸ್ಟಿಕ್ಸ್​ ಜನಸಂಖ್ಯೆ ಕುರಿತ ಅಂಕಿ-ಅಂಶ ಬಹಿರಂಗಪಡಿಸಿ ಈ ವಿಷಯ ಹೊರಹಾಕಿದೆ.

ಕಳೆದ ವರ್ಷ ಅಂದರೆ 2022ರಲ್ಲಿ ಚೀನಾದಲ್ಲಿ 9.56 ದಶಲಕ್ಷ ಮಕ್ಕಳು ಜನಿಸಿದ್ದು, 10.41 ದಶಲಕ್ಷ ಮಂದಿ ಸಾವಿಗೀಡಾಗಿದ್ದರು. ಈ ಮೂಲಕ 2022ರ ಅಂತ್ಯದಲ್ಲಿ ಚೀನಾದ ಒಟ್ಟು ಜನಸಂಖ್ಯೆ 1.41 ಬಿಲಿಯನ್​ ಆಗಿತ್ತು ಎಂದು ಮಂಗಳವಾರ ಅಲ್ಲಿನ ಸರ್ಕಾರ ತಿಳಿಸಿದೆ.

ಈ ಮೂಲಕ ಚೀನಾದ ಜನಸಂಖ್ಯೆಯಲ್ಲಿ ಕಳೆದ ವರ್ಷ ಸುಮಾರು 8.5 ಲಕ್ಷದಷ್ಟು ಕುಸಿತವಾಗಿದೆ. ಹೀಗೆ ಚೀನಾದಲ್ಲಿ ಜನಸಂಖ್ಯೆಯಲ್ಲಿ ಇಳಿಕೆ ಆಗಿರುವುದು 60 ವರ್ಷಗಳಲ್ಲಿ ಇದೇ ಮೊದಲು, 1961ರಿಂದ ಈಚೆಗೆ ಜನಸಂಖ್ಯೆಯಲ್ಲಿ ಕುಸಿತ ಆಗಿರಲಿಲ್ಲ ಎಂಬುದಾಗಿ ಅಲ್ಲಿನ ಸರ್ಕಾರ ಹೇಳಿಕೊಂಡಿದೆ.

https://www.vijayavani.net/body-builder-dies-while-stretching-arms-in-gym/

https://www.vijayavani.net/man-murdered-by-wifes-brothers-in-hyderabad/

https://www.vijayavani.net/dr-bro-gagan-srinivas-following-dr-rajs-life/