ಭಾರತ ಸರ್ಕಾರ ಈ ಘರ್ಷಣೆಯಲ್ಲಿ 20 ಯೋಧರು ಹುತಾತ್ಮರಾಗಿರುವುದಾಗಿ ಹೇಳಿದೆ. ಅವರೆಲ್ಲರ ಬಲಿದಾನವನ್ನು ಸ್ಮರಿಸಿ, ಇಡೀ ದೇಶವೇ ಅವರೆಲ್ಲರಿಗೂ ಗೌರವಾರ್ಪಣೆ ಮಾಡಿದೆ. ಅಂದರೆ, ದೇಶದ ರಕ್ಷಣೆಗಾಗಿ ದುಡಿಯುವ ಯೋಧರ ಬಗ್ಗೆ ಭಾರತೀಯರಲ್ಲಿ ಎಷ್ಟೊಂದು ಗೌರವವಿದೆ ಎಂಬುದು ಇದರಿಂದ ಗೊತ್ತಾಗುತ್ತದೆ. ಆದರೆ, ನಾವು ಮಾಡುತ್ತಿರುವುದು ಏನು? ಹುತಾತ್ಮರಾದ ಯೋಧರ ಬಲಿದಾನವನ್ನು ಸ್ಮರಿಸಿ ಗೌರವಿಸುವುದು ಹೇಗೆ ಎಂಬುದನ್ನು ನಾವು ಭಾರತೀಯರನ್ನು ನೋಡಿ ಕಲಿಯಬೇಕು. ನಾವೇಕೆ ನಮ್ಮ ಹುತಾತ್ಮ ಯೋಧರಿಗೆ ಬಹಿಂಗವಾಗಿ ಶ್ರದ್ಧಾಂಜಲಿ ಅರ್ಪಿಸುವುದಿಲ್ಲ? ಅಂದರೆ, ಪಿಎಲ್ಎ ಯೋಧರು ಯಾರೂ ಸತ್ತಿಲ್ಲವೇ? ಗಾಯಗೊಂಡವರನ್ನು ಸ್ಥಳಾಂತರಿಸಲಾಗಿದೆಯೇ ಇಲ್ಲವೇ...? ದಯವಿಟ್ಟು ಮಾಹಿತಿ ಕೊಡಿ ಎಂದು ಮತ್ತೊಬ್ಬ ವೈಬೋ ಬಳಕೆದಾರ ತಮ್ಮ ಸರ್ಕಾರದ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
