ವಿಚಿತ್ರ ಎಂದರೆ, ಹೂ ಯಾಂಕಿ ಕಾರ್ಯಾಚರಣೆ, ಹಸ್ತಕ್ಷೇಪಗಳ ಬಗ್ಗೆ ನೇಪಾಳದ ವಿಪಕ್ಷಗಳೂ ಬಾಯಿ ಬಿಚ್ಚಿಲ್ಲ. ಅಷ್ಟರಮಟ್ಟಿಗೆ, ಯಾಂಕಿ ನೇಪಾಳ ಪವರ್ ಕಾರಿಡಾರ್ಗಳ ಆಳ ಭೇದಿಸಿದ್ದಾರೆ. ಇತ್ತೀಚೆಗೆ ನೇಪಾಳ ಮಾಧ್ಯಮದ ವಿರುದ್ಧ ಆಕ್ರೋಶ ಹೊರಹಾಕಿದ್ದ ಯಾಂಕಿ, ‘ದ ಕಠ್ಮಂಡು ಪೋಸ್ಟ್’ ಸಂಪಾದಕ ಚೀನಾ ಕುರಿತು ಪೂರ್ವಗ್ರಹ ನಿಲುವು ಹೊಂದಿದ್ದಾರೆಂದು ಟೀಕಿಸಿದ್ದರು. ಅದನ್ನೂ ನೇಪಾಳದ ಪಕ್ಷಗಳು ಸಹಿಸಿಕೊಂಡಿವೆ. ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿರುವ ಯಾಂಕಿ, ತಮ್ಮ ‘ಸೌಂದರ್ಯ’ಪ್ರಜ್ಞೆಯನ್ನೂ ಆಗಾಗ ಹೊರಹಾಕುತ್ತಿರುತ್ತಾರೆ. ಒಟ್ಟಿನಲ್ಲಿ, ನೇಪಾಳ ರಾಜಕೀಯ ವಿಚಿತ್ರಗಳಿಗೆ ಸಾಕ್ಷಿಯಾಗುತ್ತಿವೆ. ದೇಶದ ಸರ್ಕಾರವೊಂದು ಅನ್ಯ ದೇಶದ ರಾಯಭಾರ ಕಚೇರಿ ಮುಖ್ಯಸ್ಥೆಯೊಬ್ಬರ ಕೈಗೊಂಬೆಯಾಗಿರುವುದು ವಿಪರ್ಯಾಸ.
