ಛತ್​​​​​​​​​​ ಪೂಜೆ: ದೇಶದ ಮಾರುಕಟ್ಟೆಗಳು ಗಿಜಿಗಿಜಿ, ನಾಲ್ಕು ದಿನದಲ್ಲಿ ಬರೋಬ್ಬರಿ 8000 ಕೋಟಿ ವಹಿವಾಟು

ನವದೆಹಲಿ: 1990ರಲ್ಲಿ ಯಮುನಾ ತೀರದ ಕೆಲವು ಸ್ಥಳಗಳಲ್ಲಿ ಸೀಮಿತ ಸಂಖ್ಯೆಯ ಭಕ್ತರು ಛತ್ ಹಬ್ಬವನ್ನು ಆಚರಿಸುತ್ತಿದ್ದರು. ಈ ಹಬ್ಬವನ್ನು ಆಚರಿಸುತ್ತಿದ್ದವರು ಮತ್ತು ಅದಕ್ಕೆ ವ್ಯವಸ್ಥೆ ಮಾಡಿದವರು ಹೆಚ್ಚಾಗಿ ಬಿಹಾರದವರು. ಅದಕ್ಕಾಗಿಯೇ ದೆಹಲಿಯಲ್ಲಿ ಛತ್ ಅನ್ನು ಬಿಹಾರಿಗಳ ಹಬ್ಬ ಎಂದು ಕರೆಯಲಾಯಿತು. ಆದರೆ ಈಗ ಛತ್ ಹಬ್ಬವನ್ನು ದೆಹಲಿ ಎನ್‌ಸಿಆರ್‌ನಲ್ಲಿ, ಕೊಲ್ಕಾತಾ, ಮುಂಬೈ, ಚೆನ್ನೈ, ಬೆಂಗಳೂರು, ಹೈದರಾಬಾದ್‌ನಂತಹ ದೊಡ್ಡ ನಗರಗಳಲ್ಲಿ ಬಹಳ ವೈಭವದಿಂದ ಆಚರಿಸಲಾಗುತ್ತಿದೆ. ಅಂದಹಾಗೆ ಬಿಹಾರಿಗಳ ಈ ಹಬ್ಬ ಭಾರತದ ಆರ್ಥಿಕತೆಗೆ ಸಾವಿರಾರು ಕೋಟಿ ರೂಪಾಯಿ ಕೊಡುಗೆ ನೀಡುತ್ತಿದೆ. ವ್ಯಾಪಾರ ಸಂಸ್ಥೆಯೊಂದು ಅಂದಾಜಿಸುವಂತೆ ಈ ವರ್ಷ ಛತ್ ಹಬ್ಬದ ವೇಳೆ ಇಡೀ ದೇಶದಲ್ಲಿ ಸುಮಾರು 8,000 ಕೋಟಿ ರೂಪಾಯಿ ವ್ಯವಹಾರ ನಡೆದಿದೆ.  

ಛತ್ ಹಬ್ಬಕ್ಕಾಗಿ ಸಾಕಷ್ಟು ಶಾಪಿಂಗ್
ನ.17 ರಂದು ನಹಯ್-ಖಾಯ್‌ನಿಂದ ಪ್ರಾರಂಭವಾಗಿ ನವೆಂಬರ್ 20 ರವರೆಗೆ ನಾಲ್ಕು ದಿನಗಳ ಛತ್ ಪೂಜಾ ಉತ್ಸವದಲ್ಲಿ ಭಕ್ತರು ಸಾಕಷ್ಟು ಶಾಪಿಂಗ್ ಮಾಡಿದರು. ಬಿಹಾರ ಮತ್ತು ಜಾರ್ಖಂಡ್ ಹೊರತುಪಡಿಸಿ, ಇತರ ರಾಜ್ಯಗಳಲ್ಲಿ ವಾಸಿಸುವ ಬಿಹಾರದ ಜನರು ಈ ಹಬ್ಬವನ್ನು ಅತ್ಯಂತ ಉತ್ಸಾಹ ಮತ್ತು ಸಂಭ್ರಮದಿಂದ ಆಚರಿಸಿದರು. ಒಂದು ಅಂದಾಜಿನ ಪ್ರಕಾರ, ಛತ್ ಪೂಜೆಯ ಸಂದರ್ಭದಲ್ಲಿ ವಿವಿಧ ರಾಜ್ಯಗಳ ಚಿಲ್ಲರೆ ಮಾರುಕಟ್ಟೆಗಳಿಂದ 8 ಸಾವಿರ ಕೋಟಿ ರೂಪಾಯಿಗೂ ಹೆಚ್ಚು ಮೌಲ್ಯದ ಸರಕುಗಳನ್ನು ಖರೀದಿಸಲಾಗಿದೆ. ಮತ್ತೊಂದು ಅಂಕಿ ಅಂಶದ ಪ್ರಕಾರ, ಪುರುಷರು, ಮಹಿಳೆಯರು ಮತ್ತು ಯುವಕರು ಮತ್ತು ಮಕ್ಕಳು ಸೇರಿದಂತೆ ದೇಶಾದ್ಯಂತ 20 ಕೋಟಿಗೂ ಹೆಚ್ಚು ಜನರು ಛತ್ ಪೂಜೆಯನ್ನು ಆಚರಿಸಿದ್ದಾರೆ. 

ಡೇಟಾವನ್ನು ಬಿಡುಗಡೆ ಮಾಡಿದ ಸಿಎಐಟಿ
ಅಖಿಲ ಭಾರತ ವ್ಯಾಪಾರಿಗಳ ಒಕ್ಕೂಟ (ಸಿಎಐಟಿ) ಛತ್ ಪೂಜೆಯ ಮಾರಾಟ ಅಂಕಿಅಂಶಗಳನ್ನು ಬಿಡುಗಡೆ ಮಾಡುವಾಗ, ಬಿಹಾರ ಮತ್ತು ಜಾರ್ಖಂಡ್ ಹೊರತುಪಡಿಸಿ, ಪೂರ್ವ ಉತ್ತರ ಪ್ರದೇಶ, ದೆಹಲಿ ಎನ್​​​ಸಿಆರ್, ಒಡಿಶಾ, ಪಶ್ಚಿಮ ಬಂಗಾಳ, ಮಹಾರಾಷ್ಟ್ರ, ರಾಜಸ್ಥಾನ, ಛತ್ತೀಸ್‌ಗಢದಲ್ಲಿ ಈ ಹಬ್ಬವನ್ನು ಆಚರಿಸಲಾಗುತ್ತಿದೆ ಎಂದು ಹೇಳಿದೆ. ಮಧ್ಯಪ್ರದೇಶದಲ್ಲೂ ಸಹ ಬಹಳ ಉತ್ಸಾಹದಿಂದ ಆಚರಿಸಲಾಗುತ್ತಿದೆ.   

ಸಿಎಐಟಿ ಪ್ರಧಾನ ಕಾರ್ಯದರ್ಶಿ ಪ್ರವೀಣ್ ಖಂಡೇಲ್ವಾಲ್ ಮಾತನಾಡಿ, ಛತ್ ಪೂಜಾ ಸಾಮಗ್ರಿಗಳು, ಬಟ್ಟೆ, ಸೀರೆ, ಉಡುಪುಗಳು, ಮೇಕಪ್ ವಸ್ತುಗಳು, ಆಹಾರ ಧಾನ್ಯಗಳು, ಹಿಟ್ಟು, ಅಕ್ಕಿ, ಬೇಳೆಕಾಳುಗಳು, ಸಿಂಧೂರ, ವೀಳ್ಯದೆಲೆ, ಸಣ್ಣ ಏಲಕ್ಕಿ ಹಣ್ಣುಗಳು, ಹೂವುಗಳು ಮತ್ತು ತರಕಾರಿಗಳನ್ನು ದೊಡ್ಡ ಪ್ರಮಾಣದಲ್ಲಿ ಮಾರಾಟ ಮಾಡಲಾಯಿತು.  ಕಬ್ಬು ಅಥವಾ ಕೇತರಿ, ತೆಂಗಿನಕಾಯಿ, ಮಾವಿನ ಕಟ್ಟಿಗೆ, ಮಣ್ಣಿನ ಒಲೆಗಳು, ದೇಸಿ ತುಪ್ಪ ಮತ್ತು ಇತರ ವಸ್ತುಗಳ ಮಾರಾಟವು ನಡೆಯಿತು ಎಂದು ತಿಳಿಸಿದರು.  

ಕುಟುಂಬಕ್ಕಾಗಿ ಉಪವಾಸ
ಮಹಿಳೆಯರು ತಮ್ಮ ಮಕ್ಕಳು ಮತ್ತು ಗಂಡನ ದೀರ್ಘಾಯುಷ್ಯ ಹಾಗೂ ಉತ್ತಮ ಆರೋಗ್ಯಕ್ಕಾಗಿ ಪ್ರಾರ್ಥಿಸಲು ಛತ್ ಪೂಜೆಯಲ್ಲಿ ಉಪವಾಸವನ್ನು ಆಚರಿಸುತ್ತಾರೆ. ಈ ಪೂಜೆಯಲ್ಲಿ, ವಿವಾಹಿತ ಮಹಿಳೆಯರು ಮೂಗಿನಿಂದ ಹಣೆಯವರೆಗೆ ಸಿಂಧೂರವನ್ನು ಹಚ್ಚುತ್ತಾರೆ. ಮಹಿಳೆಯು ಸಿಂಧೂರವನ್ನು ಹೆಚ್ಚು ಕಾಲ ಹಚ್ಚಿದರೆ ಗಂಡನ ಜೀವನವು ದೀರ್ಘವಾಗಿರುತ್ತದೆ ಎಂದು ನಂಬಲಾಗಿದೆ. ಛತ್ ಪೂಜೆಯ ನಂತರ, ಹಬ್ಬಗಳ ಸರಣಿಯು ಈಗ ನವೆಂಬರ್ 23 ರಂದು ಕೊನೆಗೊಳ್ಳುತ್ತದೆ. ತುಳಸಿ ವಿವಾಹವನ್ನು ದೇಶದಾದ್ಯಂತ ದೊಡ್ಡ ಪ್ರಮಾಣದಲ್ಲಿ ಆಚರಿಸಲಾಗುತ್ತದೆ. ಅದೇ ದಿನದಿಂದ ದೇಶದಲ್ಲಿ ಮದುವೆ ಸೀಸನ್ ಕೂಡ ಆರಂಭವಾಗಲಿದೆ.  

https://www.vijayavani.net/in-the-fight-to-eat-rasgulla-the-wedding-hall-became-a-battlefield