ಬೇಡ ಎನ್ನುವ ಮೂಲಕ ಸಮೋಸಾಗೆ ಬೇಜಾರು ಮಾಡ್ಬೇಡಿ: ವೈರಲ್​​ ಆಯ್ತು ಚೆನ್ನೈ ರೆಸ್ಟೋರೆಂಟ್​ ರಶೀದಿ!

ಚೆನ್ನೈ: ಇಲ್ಲಿನ ರೆಸ್ಟೋರೆಂಟ್​ ಒಂದರ ರಶೀದಿ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು, ಅದರ ಹಿಂದಿನ ಕಾರಣ ನಿಮ್ಮನ್ನು ನಗೆಗಡಲಲ್ಲಿ ತೇಲಾಡುವಂತೆ ಮಾಡುತ್ತದೆ. ರಶೀದಿಯ ಫೋಟೋವನ್ನು ರೆಡ್ಡಿಟ್​ ಜಾಲತಾಣದಲ್ಲಿ ಶೇರ್​ ಮಾಡಲಾಗಿದ್ದು, ಸಮೋಸಾಗೆ ಬೇಜಾರು ಮಾಡಬೇಡಿ ಎಂಬ ಅಡಿಬರಹ ಗೊಂದಲಕ್ಕೀಡುಮಾಡಿದೆ.

ರಶೀದಿಯ ಕೆಳಗಡೆ ಜನರನ್ನು ಅಥವಾ ಗ್ರಾಹಕರನ್ನು ಉದ್ದೇಶಿಸಿ ಸಮೋಸಾ ಅಥವಾ ಕಚೋರಿಯನ್ನು ಬೇಡ ಎಂದು ಹೇಳುವ ಮೂಲಕ ಅವುಗಳಿಗೆ ಬೇಜಾರು ಮಾಡಬೇಡಿ ಎಂದು ಬರೆಯಲಾಗಿದೆ.

ಇದನ್ನೂ ಓದಿ: ಕ್ರಿಸ್​ಮಸ್​ ಉಡುಗೊರೆಯಾಗಿ ಪ್ರೇಯಸಿಯ ಡಿಎನ್​ಎ ಪರೀಕ್ಷೆ ಮಾಡಿಸಿದ ಬಾಯ್​ಫ್ರೆಂಡ್​ಗೆ ಕಾದಿತ್ತು ಶಾಕ್​!

ಚೆನ್ನೈನ ಊಗಿಯಂಪೇಟೆಯ ಹಳೆಯ ಮಹಾಬಲಿಪುರಂ ರಸ್ತೆಯಲ್ಲಿರುವ ಶ್ರೀ ಚಾಟ್ಸ್​ ಮಿಠಾಯಿ ಮತ್ತು ನಮ್ಕೀನ್​ ರೆಸ್ಟೋರೆಂಟ್​ಗೆ ಸಂಬಂಧಿಸಿದ ರಶೀದಿ ಇದಾಗಿದೆ. ರಶೀದಿಯಲ್ಲಿರುವಂತೆ ಗ್ರಾಹಕರು 150 ರೂ. ಬೆಲೆಯ ಎರಡು ಸಮೋಸಾ ಚಾಟ್ಸ್, 90 ರೂ. ಬೆಲೆ ಒಂದು ಮಿಕ್ಸ್​ಡ್​ ಚಾಟ್​, 105 ರೂ. ಬೆಲೆಯ ಒಂದು ಪ್ಲೇಟ್​ ಪಾವ್​ ಭಜಿ ಮತ್ತು 70 ರೂ. ಬೆಲೆಯ ದಹಿ ಭೇಲ್​ ಪುರಿಯನ್ನು ಕೊಂಡುಕೊಂಡಿದ್ದಾರೆ. ಇವುಗಳನ್ನು ನಮೂದಿಸಿರುವುದರ ಕೆಳಗೆ ಸಮೋಸಾ ಬೇಡ ಎನ್ನುವ ಮೂಲಕ ಅವುಗಳಿಗೆ ಬೇಜಾರು ಮಾಡಬೇಡಿ ಎಂದು ರೆಸ್ಟೋರೆಂಟ್​ನವರು ಬರೆದಿದ್ದಾರೆ.

ರಶೀದಿಯನ್ನು ರೆಡ್ಡಿಟ್​ ಜಾಲತಾಣದಲ್ಲಿ ಶೇರ್​ ಮಾಡಲಾಗಿದ್ದು, ಭಾರೀ ವೈರಲ್​ ಆಗಿದೆ. ಸಾಕಷ್ಟು ಮಂದಿ ತಮ್ಮದೇ ರೀತಿಯಲ್ಲಿ ಹಾಸ್ಯಾಸ್ಪದ ಕಾಮೆಂಟ್​ ಮೂಲಕ ಪ್ರತಿಕ್ರಿಯಿಸುತ್ತಿದ್ದಾರೆ. ಸಮೋಸಾ ಬೇಜಾರು ಮಾಡಬಾರದು ಸರಿ ಆದ್ರೆ ಸಮೋಸಾ ನನ್ನ ಜೇಬಿಗೆ ತೊಂದರೆ ನೀಡುತ್ತದೆ ಎಂದು ನೆಟ್ಟಿಗನೊಬ್ಬ ಹೇಳಿದ್ದಾರೆ. (ಏಜೆನ್ಸೀಸ್​)

ಇದನ್ನೂ ಓದಿ: ಮದ್ವೆಯಾದ ಎರಡೇ ವಾರಕ್ಕೆ ಯುವತಿ ಆತ್ಮಹತ್ಯೆಗೆ ಶರಣು: ಕಣ್ಣೀರು ತರಿಸುವಂತಿದೆ ತಾಯಿಗೆ ಬರೆದ ಡೆತ್​ನೋಟ್​!

https://www.vijayavani.net/sonu-srinivasa-gowda-entered-to-sandalwood/

https://www.vijayavani.net/man-has-been-arrested-for-killing-his-grandmother-by-smashing-her-head-with-a-hammer/

https://www.vijayavani.net/ap-deputy-cms-sons-gang-rash-driving-assault-on-constable/