ಈಗ ಒಂದೇ ಒಂದು ಆತಂಕಕಾರಿ ವಿಷಯ ನೆಟ್ಟಿಗರಲ್ಲಿ ಭಯ ಬೀಳಿಸಿರುವುದು ಎಂದರೆ ಅದು ಓಪನ್ಎಐನ ಚಾಟ್ಜಿಪಿಟಿ. ಹೌದು, ಇದು ಬಿಡುಗಡೆಯಾದಾಗಿನಿಂದ, ವಿಶೇಷವಾಗಿ ವಿಷಯ ಮತ್ತು ಚಿತ್ರ ರಚನೆಗೆ ಸಂಬಂಧಿಸಿದಂತೆ ಗೌಪ್ಯತೆ ಸಮಸ್ಯೆಗಳನ್ನು ಹುಟ್ಟುಹಾಕಿದೆ. ಅತ್ಯಂತ ವಾಸ್ತವಿಕ ಮತ್ತು ನಿಖರವಾದ ವಿಷಯವನ್ನು ಉತ್ಪಾದಿಸುವ ಎಐ ಸಾಮರ್ಥ್ಯವು ಗಮನಾರ್ಹವಾಗಿ ವಿಕಸನಗೊಂಡಿದೆ. ಇದರ ಸಹಾಯದಿಂದ ಹೊಸತನ್ನು ಸೃಷ್ಟಿಸುವ ಅವಕಾಶಗಳು ಹೆಚ್ಚಿವೆ. ಹೀಗಿರುವಾಗ ಜನಸಾಮಾನ್ಯರಿಗೆ ತೀರ ಅಗತ್ಯವಾಗಿರುವ ಆಧಾರ್ ಕಾರ್ಡ್ ಮತ್ತು ಪ್ಯಾನ್ ಕಾರ್ಡ್ನಂತಹ ಬಹುಮುಖ್ಯ ದಾಖಲಾತಿಗಳು ಈಗ ಕ್ಷಣಮಾತ್ರದಲ್ಲಿ ನಕಲಿ ರೂಪದಲ್ಲಿ ಲಭ್ಯವಾಗುತ್ತಿವೆ. ಅದು ಈ ಚಾಟ್ಜಿಪಿಟಿಯಿಂದ ಎಂಬುದು ಅಚ್ಚರಿ ಮೂಡಿಸಿದೆ.
