ಬೇಡ ಸರ್​... ಅಂದ್ರೂ ಹೋಗು ಎಂದ ಇಂಜಿನಿಯರ್​ ಮೇಲೆ ಮಚ್ಚುಬೀಸಿದ ಲೈನ್​ಮೆನ್​!

ಚಾಮರಾಜನಗರ: ಚೆಸ್ಕಾಂ ಕಿರಿಯ ಇಂಜಿನಿಯರ್ ಮೇಲೆ ಮಚ್ಚುಬೀಸಿದ ಲೈನ್​ಮನ್​ ಮಾರಣಾಂತಿಕ ಹಲ್ಲೆ ನಡೆಸಿರುವ ಘಟನೆ ಬದನಗುಪ್ಪೆಯಲ್ಲಿ ಬುಧವಾರ ನಡೆದಿದೆ.

ಚೆಸ್ಕಾಂನ ಬದನಗುಪ್ಪೆ ವಿಭಾಗದ ಜೆಇ ಚಂದ್ರಾನಾಯಕ್ ಗಂಭೀರ ಗಾಯಗೊಂಡಿದ್ದು, ಅವರನ್ನು ಮೈಸೂರಿನ ಕೆ.ಆರ್.ಆಸ್ಪತ್ರೆಗೆ ದಾಖಲಿಸಲಾಗಿದೆ. ಹಲ್ಲೆ ಮಾಡಿದ ಆರೋಪಿ, ಲೈನ್​ಮನ್​ ರಾಮಸಮುದ್ರ ನಿವಾಸಿ ಮಹದೇವಸ್ವಾಮಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಇದನ್ನೂ ಓದಿರಿ 5 ತಿಂಗಳ ಹಿಂದಷ್ಟೇ ಮದ್ವೆಯಾಗಿದ್ದ ಪೊಲೀಸಪ್ಪನ ಪತ್ನಿ ದುರಂತ ಸಾವು: ಗರ್ಭಿಣಿ ಡೆತ್​ ಕೇಸ್​ ಮುಚ್ಚಿಹಾಕಲು ಹುನ್ನಾರ?

ಬದನಗುಪ್ಪೆ ಶಾಖಾ ಕಚೇರಿಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಮಹದೇವಸ್ವಾಮಿಯನ್ನು ಚಾಮರಾಜನಗರಕ್ಕೆ ನಿಯೋಜಿಸಲಾಗಿತ್ತು. ಅಲ್ಲಿಗೆ ಹೋಗೋಕೆ ಇಷ್ಟವಿಲ್ಲದ ಮಹದೇವಸ್ವಾಮಿ, ಸರ್​ ಅಲ್ಲಿಗೆ ಬೇಡ ಎನ್ನುತ್ತಾ ಜೆಇ ಜತೆ ವಾಗ್ವಾದಕ್ಕಿಳಿದಿದ್ದ ಎನ್ನಲಾಗಿದೆ.

ಇದೇ ವೇಳೆ ಜೆಇ ಮೇಲೆ ಮಹಾದೇವಸ್ವಾಮಿ ಮಚ್ಚು ಬೀಸಿದ್ದು, ಚಂದ್ರನಾಯಕ್​ರ ಮುಖ, ತಲೆ, ಕೈ ಮೇಲೆ ಗಂಭೀರ ಗಾಯವಾಗಿದ್ದು, ತೀವ್ರ ರಕ್ತಸ್ರಾವವಾಗಿ ಪ್ರಜ್ಞೆ ತಪ್ಪಿಬಿದ್ದಿದ್ದರು. ಕೂಡಲೇ ಅವನ್ನು ಚಾಮರಾಜನಗರ ಜಿಲ್ಲಾಸ್ಪತ್ರೆಯಲ್ಲಿ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿ, ಹೆಚ್ಚಿನ ಚಿಕಿತ್ಸೆಗಾಗಿ ಮೈಸೂರಿನ ಆಸ್ಪತ್ರೆಗೆ ರವಾನಿಸಲಾಗಿದೆ.‌ ಚಾಮರಾಜನಗರ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಮಹದೇವಸ್ವಾಮಿಯನ್ನು ಬಂಧಿಸಲಾಗಿದೆ.

https://www.vijayavani.net/over-superstitious-beliefs-parents-kill-two-daughters-in-madanapalli-andra-pradesh/

https://www.vijayavani.net/grama-panchayat-election-oath-in-presence-of-dharmasthala-sri-manjunatha-swamy/

https://www.vijayavani.net/lovers-ends-their-own-life-by-hanging-next-day-young-mans-father-was-dies/

https://www.vijayavani.net/police-wife-ends-her-own-life-after-writes-latter-to-husband-in-mysur/