ನಿನ್ನೆ (ಸೆ. 15) ಬೆಳಗ್ಗೆ ವಿಚಾರಣೆ ವೇಳೆ ಚೈತ್ರಾ ಮೂರ್ಛೆ ತಪ್ಪಿ ಕೆಳಗೆ ಬಿದಿದ್ದು ಆಕೆಯನ್ನು ತಕ್ಷಣ ವಿಕ್ಟೋರಿಯಾ ಆಸ್ಪತ್ರೆಗೆ ದಾಖಲಿಸಿ, ಚಿಕಿತ್ಸೆ ಕೊಡಲಾಯಿತು. ಕುತ್ತಿಗೆಗೆ ವೇಲ್ ಸುತ್ತಿಕೊಂಡು ಆತ್ಮಹತ್ಯೆಗೆ ಯತ್ನಿಸಿದ್ದರಿಂದ ಮೂರ್ಛೆ ಹೋಗಿದ್ದಾಳೆ ಎನ್ನಲಾಗಿದೆ. ಅಲ್ಲದೆ, ಆಕೆಯ ಬಾಯಿಯಲ್ಲಿ ನೊರೆಯು ಸಹ ಬಂದಿದೆ. ಚೈತ್ರಾಗಿರುವ ಆರೋಗ್ಯ ಸಮಸ್ಯೆಯ ಬಗ್ಗೆ ಆಕೆಯ ಕುಟುಂಬಸ್ಥರು ಮಾಹಿತಿ ಸಹ ನೀಡಿದ್ದಾರೆ, ಈ ಹಿಂದೆಯೂ ಕೆಲವು ಬಾರಿ ಚೈತ್ರಾಗೆ ಫಿಟ್ಸ್ ಕಾಣಿಸಿಕೊಂಡಿತ್ತಂತೆ. ಇದಕ್ಕೆ ಮಾತ್ರೆ ನೀಡಲಾಗಿತ್ತು. ಆದರೆ, ಆಕೆ ಮಾತ್ರೆ ತೆಗೆದುಕೊಳ್ಳುತ್ತಿರಲಿಲ್ಲ. ಇದರಿಂದ ಮೂರ್ಛೆ ಹೋಗಿರಬಹುದೆಂದು ಹೇಳಲಾಗಿದೆ. ಈ ವಿಚಾರವನ್ನು ಚೈತ್ರಾ ಮನೆಯವರನ್ನು ಸಂಪರ್ಕ ಮಾಡಿ ಸಿಸಿಬಿ ಮಾಹಿತಿ ಕಲೆಹಾಕಿದ್ದರು.
