ನನಗೆ 15 ಗಂಡಂದಿರಿದ್ದಾರೆ ಎಂದು ಭಾವಿಸಿ ನಟಿಸಿದೆ! ಹಳೇ ಕ್ಷಣವನ್ನು ಮತ್ತೆ ಮೆಲಕು ಹಾಕಿದ ಅಮಲಾ

ಚೆನ್ನೈ: ಬಹುಭಾಷಾ ನಟಿ ಅಮಲಾ ಪೌಲ್​ ಬಗ್ಗೆ ಕನ್ನಡಿಗರಿಗೆ ಹೆಚ್ಚೇನು ಹೇಳಬೇಕಿಲ್ಲ. ಏಕೆಂದರೆ, ನಟ ಕಿಚ್ಚ ಸುದೀಪ್​ ಅಭಿನಯದ ಸೂಪರ್​ ಹಿಟ್​ ಹೆಬ್ಬುಲಿ ಸಿನಿಮಾ ನೋಡಿದವರಿಗೆ ಅಮಲಾ ಪೌಲ್​ ಪರಿಚಯ ಇದ್ದೇ ಇರುತ್ತದೆ. ಕೇರಳ ಮೂಲದ ಅಮಲಾ, ನೀಲತಾಮರನ್​ ಹೆಸರಿನ ಮಲಯಾಳಂ ಸಿನಿಮಾ ಮೂಲಕ ಚಿತ್ರರಂಗ ಪದಾರ್ಪಣೆ ಮಾಡಿದರು. ಆದರೆ, ಕಾಲಿವುಡ್​ನ “ಮೈನಾ” ಚಿತ್ರ​ದ ಬಳಿಕ ಅಮಲಾ ಅದೃಷ್ಟವೇ ಬದಲಾಯಿತು. ವಿಜಯ್​, ವಿಕ್ರಮ್​, ಸೂರ್ಯ, ಆರ್ಯ, ಜಯಂ ರವಿ, ಧನುಷ್​ ಸೇರಿದಂತೆ ಕಾಲಿವುಡ್​ ಸೂಪರ್​ಸ್ಟಾರ್​ಗಳ ಜೊತೆ ನಟಿಸಿದ್ದಾರೆ.

ಅಮಲಾ ಪೌಲ್​ ಅವರು ಸಿನಿಮಾ ಮಾತ್ರವಲ್ಲದೆ, ವೈಯಕ್ತಿಕ ಜೀವನದಿಂದಲೂ ಬಹಳ ಸುದ್ದಿಯಾಗಿದ್ದರು. ನಿರ್ದೇಶಕ ವಿಜಯ್​ ಜತೆಗಿನ ಮದುವೆ ಹಾಗೂ ಡಿವೋರ್ಸ್​ ಬಹಳ ಚರ್ಚೆಯಾಯಿತು. ಅಲ್ಲದೆ, ಮಾಜಿ ಬಾಯ್​ಫ್ರೆಂಡ್​ ಜತೆಗಿನ ಲಿಪ್​ಲಾಕ್​ ಫೋಟೋಗಳು ವೈರಲ್​​ ಆಗಿದ್ದವು. ಇಷ್ಟೇ ಅಲ್ಲದೆ, ನೇರವಾಗಿ ಮಾತನಾಡುವ ಮೂಲಕ ವಿವಾದಗಳಿಂದಲೂ ಅಮಲಾ ಸುದ್ದಿಯಾಗಿದ್ದಾರೆ. ಇದೀಗ ಅಮಲಾ ಅವರಿಗೆ ಸಿನಿಮಾ ಅವಕಾಶಗಳು ಕಡಿಮೆಯಾಗಿವೆ. ಆದರೆ, ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿದ್ದಾರೆ.

ಇದನ್ನೂ ಓದಿ: ಮನೆಯ ಮೇಲ್ಛಾವಣಿ ಕುಸಿದು ಮೂವರು ಪುಟ್ಟ ಮಕ್ಕಳು ಸೇರಿದಂತೆ ಒಂದೇ ಕುಟುಂಬದ ಐವರು ದಾರುಣ ಸಾವು

ಆದೈ ಸಿನಿಮಾ

ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ತಮ್ಮ ಹಳೆಯ ಕ್ಷಣಗಳನ್ನು ಅಮಲಾ ಮೆಲಕು ಹಾಕಿದ್ದಾರೆ. ಬೆತ್ತಲೆಯಾಗಿ ನಟಿಸಿದ ಕೆಲವೇ ಕೆಲವು ನಟಿಯರಲ್ಲಿ ಅಮಲಾ ಕೂಡ ಒಬ್ಬರು. ಆದೈ ಸಿನಿಮಾದಲ್ಲಿ ಅಮಲಾ ಮೈಚಳಿ ಬಿಟ್ಟ ನಟಿಸಿದ್ದಾರೆ. ಈ ಕ್ಷಣಗಳನ್ನು ಮತ್ತೆ ಸಂದರ್ಶನದಲ್ಲಿ ಅಮಲಾ ಮೆಲಕು ಹಾಕಿದ್ದಾರೆ. ಆದೈ ಸಿನಿಮಾದಲ್ಲಿ ಬಟ್ಟೆ ಇಲ್ಲದೆ ನಟಿಸುವುದು ಸವಾಲಾಗಿತ್ತು. ಶೂಟಿಂಗ್​ ಸಮಯದಲ್ಲಿ ನನ್ನೊಂದಿಗೆ 15 ಮಂದಿ ಇದ್ದರು. ಒಬ್ಬ ಮಹಿಳೆಯೂ ಕೂಡ ಇರಲಿಲ್ಲ. ಕ್ಯಾಮೆರಾಮನ್, ಲೈಟ್ ಮ್ಯಾನ್, ಡೈರೆಕ್ಟರ್ ಹೀಗೆ ಇನ್ನೂ 15 ಜನ ಕೆಲಸ ಮಾಡುತ್ತಿದ್ದರು.

15 ಗಂಡಂದಿರಿದ್ದಾರೆ

ಇಷ್ಟು ಜನರ ಮುಂದೆ ಬಟ್ಟೆ ಇಲ್ಲದೆ ಹೇಗೆ ಪ್ರದರ್ಶನ ನೀಡುವುದು ಎಂಬ ಚಿಂತೆಯಲ್ಲಿದ್ದೆ. ಈ ಮನಃಸ್ಥಿತಿಯಲ್ಲಿದ್ದರೆ ದೃಶ್ಯಗಳು ಖಂಡಿತಾ ಸರಿಯಾಗಿ ಬರುವುದಿಲ್ಲ ಎಂದು ಅರಿವಾಯಿತು. ಹಾಗಾಗಿ ನನಗೆ ಈಗ 15 ಗಂಡಂದಿರಿದ್ದಾರೆ ಎಂದು ಭಾವಿಸಿಕೊಂಡು ನಟಿಸಲು ಪ್ರಾರಂಭಿಸಿದೆ ಎಂದು ಮೆಲುಕು ಹಾಕಿದ್ದಾರೆ.

16 ಗಂಟೆ ಶೂಟಿಂಗ್​

ಈ ಹಿಂದೆ ಸಂದರ್ಶನವೊಂದರಲ್ಲಿ ಇದೇ ಸಿನಿಮಾದ ಸಿನಿಮ್ಯಾಟೋಗ್ರಾಫರ್​ ವಿಜಯ್​ ಕಾರ್ತಿಕ್​ ಕಣ್ಣನ್​ ಸವಾಲಿನ ದೃಶ್ಯದ ಬಗ್ಗೆ ಮಾತನಾಡಿದ್ದರು. ಆದೈ ಚಿತ್ರದಲ್ಲಿ ನಗ್ನ ದೃಶ್ಯವನ್ನು ಚಿತ್ರೀಕರಿಸುವುದು ತುಂಬಾ ಚಾಲೆಂಜಿಂಗ್ ಆಗಿತ್ತು. ಚಿತ್ರದಲ್ಲಿ ನಟಿ ಬೆತ್ತಲೆಯಾಗಿದ್ದಾರೆ ಎಂದು ತಿಳಿಯಿತು. ಅಶ್ಲೀಲ ವಿಷಯಗಳು ಬರದಂತೆ ಬಹಳ ಎಚ್ಚರ ವಹಿಸಿದ್ದೆವು. ಒಂದು ದೃಶ್ಯದಲ್ಲಿ ಅಮಲಾ ಪೌಲ್ ಶರ್ಟ್ ಹಾಕದೆ ಕುಳಿತಿದ್ದಾರೆ. ಆದರೆ, ಆ ದೃಶ್ಯದಲ್ಲಿ ಎಲ್ಲಿಯೂ ಅಶ್ಲೀಲತೆಯ ಸುಳಿವೂ ಇಲ್ಲ. ಇದಕ್ಕಾಗಿ ನಾವು ಸುಮಾರು 16 ಗಂಟೆಗಳ ಕಾಲ ಆ ದೃಶ್ಯವನ್ನು ಚಿತ್ರೀಕರಿಸಿದ್ದೇವೆ. ಶೂಟಿಂಗ್​ ಸಮಯದಲ್ಲಿ ಅಮಲಾ ಪೌಲ್ ಅವರು ದೈಹಿಕವಾಗಿ ಮತ್ತು ಮಾನಸಿಕವಾಗಿ ಕುಗ್ಗದಂತೆ ತುಂಬಾ ಎಚ್ಚರ ವಹಿಸಿದ್ದೇವೆ. ಒಂದು ವೇಳೆ ಅಮಲಾ ಬೆತ್ತಲೆಯಾಗಿ ನಟಿಸಲು ಒಪ್ಪದೇ ಇದ್ದಿದ್ದರೆ ಸಿನಿಮಾ ಮಾಡುತ್ತಿರಲಿಲ್ಲ ಎಂದು ಹೇಳಿದ್ದರು.

ಇದನ್ನೂ ಓದಿ: ಬ್ರಿಟನ್​ನಲ್ಲಿ ಅಮೆರಿಕನ್​​ XL​ ಬುಲ್ಲಿ ಜಾತಿಯ ಪಿಟ್​ಬುಲ್​ ಶ್ವಾನ ಬ್ಯಾನ್​ ಮಾಡಿದ ರಿಷಿ ಸುನಕ್: ಕಾರಣ ಹೀಗಿದೆ…

ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ, ಅಮಲಾ ಅವರು ಪ್ರಸ್ತುತ ಮಲಯಾಳಂ ನಟ ಪೃಥ್ವಿರಾಜ್​ ಸುಕುಮಾರ್ ಅವರ ಆಡಿಜೀವಿಥಂ ಸಿನಿಮಾದಲ್ಲಿ ನಾಯಕಿಯಾಗಿದ್ದಾರೆ. ಈ ಸಿನಿಮಾವನ್ನು ರಾಷ್ಟ್ರ ಪ್ರಶಸ್ತಿ ವಿಜೇತ ಬ್ಲಸ್ಸಿ ಅವರು ನಿರ್ದೇಶಿಸಿದ್ದಾರೆ. ಈ ಸಿನಿಮಾ ಬಿಡುಗಡೆಗೆ ಸಿದ್ಧವಾಗಿದೆ. ಕೆಲ ತಿಂಗಳ ಹಿಂದಷ್ಟೇ ಈ ಸಿನಿಮಾದ ಟ್ರೈಲರ್​ ಬಿಡುಗಡೆಯಾಗಿದೆ. ಇದರಲ್ಲಿ ಪೃಥ್ವಿರಾಜ್​ ಮತ್ತು ಅಮಲಾ ನಡುವೆ ಲಿಪ್​ಲಾಕ್​ ದೃಶ್ಯವಿದೆ. ನಿಜವಾಗಿಯೂ ಲಿಪ್​ಲಾಕ್​ ಮಾಡಿರುವಂತೆ ನೈಜವಾಗಿ ಅಭಿನಯಿಸಿದ್ದಾರೆ. ಅಲ್ಲದೆ, ಈ ಲಿಪ್​ಲಾಕ್​ ದೃಶ್ಯದ ಬಗ್ಗೆ ಅಮಲಾ ಅವರು ಇತ್ತೀಚಿನ ಸಂದರ್ಶನವೊಂದರಲ್ಲಿ ತುಂಬಾ ಬೋಲ್ಡ್​ ಹೇಳಿಕೆ ನೀಡಿದ್ದರು.

ಬೆತ್ತಲೆಯಾಗಿಯೇ ನಟಿಸಲು ರೆಡಿ

ಈ ಸಿನಿಮಾಗೂ ನಾನು ಸಹಿ ಮಾಡುವ ಮುನ್ನ ಲಿಪ್​ಲಾಕ್​ ಇರುತ್ತದೆ ಎಂದು ನಿರ್ದೇಶಕರು ನನಗೆ ಹೇಳಿದರು. ನಾನು ಈ ಮುಂಚೆಯೇ ಓಕೆ ಎಂದಿದ್ದೆ. ಆ ದೃಶ್ಯಕ್ಕೆ ಲಿಪ್​ಲಾಕ್​ ಅವಶ್ಯಕತೆ ಇತ್ತು. ಹೀಗಾಗಿ ನಾನು ಮಾಡಿದೆ. ಇಷ್ಟೇ ಅಲ್ಲದೆ, ಕತೆ ಪೂರಕವಾಗಿದ್ದರೆ, ನಾನು ಬೆತ್ತಲೆಯಾಗಿ ನಟಿಸಲೂ ಕೂಡ ರೆಡಿ. ನಾನಿದನ್ನು ಈ ಹಿಂದೆಯೂ ಹೇಳಿದ್ದೇನೆ. ಬೆತ್ತಲೆಯಾಗಿಯೇ ನಟಿಸಲು ರೆಡಿಯಾಗಿರುವಾಗ ಈ ಲಿಪ್​ಲಾಕ್​ ದೃಶ್ಯವಲ್ಲ ಕಷ್ಟವೇ ಅಲ್ಲ ಎಂದು ಅಮಲಾ ಬೋಲ್ಡ್​ ಹೇಳಿಕೆ ನೀಡಿದ್ದರು. (ಏಜೆನ್ಸೀಸ್​)

https://www.vijayavani.net/amala-paul-without-clothes-16-hours-in-that-scene-9-people-around

https://www.vijayavani.net/hassan-govt-doctor-drowned-to-death-in-hemavathi-river-while-take-bath

https://www.vijayavani.net/us-man-wins-5mn-lottery-buys-watermelon-flowers-for-wife