ವಿಧಾನಸಭೆ ಚುನಾವಣಾ ಫಲಿತಾಂಶ 2023: ಜೈಪುರದಲ್ಲಿ ಕೇಸರಿ ಮಯ; ಡೋಲು ಶಬ್ದಕ್ಕೆ ಮೊಳಗಿದ ಸಂಭ್ರಮ!

ರಾಜಸ್ಥಾನ: ರಾಜಸ್ಥಾನದ 200 ಸದಸ್ಯರ ರಾಜ್ಯ ವಿಧಾನಸಭೆಯ ಭವಿಷ್ಯವನ್ನು ಇಂದು ಫಲಿತಾಂಶದ ಮೂಲಕ ಅನಾವರಣಗೊಳಿಸಲಾಯಿತು. ಈ ರಿಸಲ್ಟ್​ 2024ರ ಲೋಕಸಭೆ ಚುನಾವಣೆಗೆ ಬೃಹತ್​ ವೇದಿಕೆಯನ್ನು ಸಿದ್ಧಪಡಿಸುತ್ತದೆ. ಕುತೂಹಲಕಾರಿ ಅಂದ್ರೆ 1998ರಿಂದ ಯಾವುದೇ ಪಕ್ಷವು ರಾಜಸ್ಥಾನದ ಚುನಾವಣೆಯಲ್ಲಿ ಸತತ ಗೆಲುವುಗಳನ್ನು ದಾಖಲಿಸಿರಲಿಲ್ಲ.

ಇದನ್ನೂ ಓದಿ: ಡಿ. 6ರಂದು ಇಂಡಿಯಾ ಮೈತ್ರಿಕೂಟದ ಸಭೆಗೆ ಕರೆ ನೀಡಿದ ಕಾಂಗ್ರೆಸ್

ಪ್ರತಿ ಐದು ವರ್ಷಗಳಿಗೊಮ್ಮೆ ಅಧಿಕಾರದಲ್ಲಿರುವ ಪಕ್ಷವನ್ನು ಬದಲಾಯಿಸುವ ರಾಜ್ಯದ ಚುನಾವಣಾ ಸಂಪ್ರದಾಯದ ಸೂಚಕವಾದ ಮರುಭೂಮಿ ರಾಜ್ಯದಲ್ಲಿ ಈ ಬಾರಿ ಬಿಜೆಪಿ ಮುನ್ನಡೆ ಸಾಧಿಸಿದೆ. 115 ಕ್ಷೇತ್ರಗಳಲ್ಲಿ ಭರ್ಜರಿ ಮುನ್ನಡೆ ಸಾಧಿಸುತ್ತಿದ್ದಂತೆ ಬಿಜೆಪಿ ಜೈಪುರ ಕಚೇರಿಯ ಹೊರಗೆ ಸಂಭ್ರಮಾಚರಣೆ ಮುಗಿಲು ಮುಟ್ಟಿದೆ.

ರಾಜಸ್ಥಾನದ 199 ವಿಧಾನಸಭಾ ಸ್ಥಾನಗಳ ಪೈಕಿ 115 ಸ್ಥಾನಗಳಲ್ಲಿ ಕೇಸರಿ ಪಕ್ಷ ಮುನ್ನಡೆ ಸಾಧಿಸುತ್ತಿದ್ದಂತೆ ಕಾರ್ಯಕರ್ತರು ಡೋಲು ಬಾರಿಸಿ, ನೃತ್ಯ ಮಾಡಿದರು. ಆರಂಭಿಕ ಪ್ರವೃತ್ತಿಗಳ ಪ್ರಕಾರ, ರಾಜಸ್ಥಾನದಲ್ಲಿ ಬಿಜೆಪಿ ಮತ್ತು ಕಾಂಗ್ರೆಸ್ ನಡುವಿನ ಮತ ಹಂಚಿಕೆ ವ್ಯತ್ಯಾಸವು ಶೇ. 1 ಕ್ಕಿಂತ ಕಡಿಮೆಯಾಗಿದೆ,(ಏಜೆನ್ಸೀಸ್).

https://www.vijayavani.net/bbks10-neethu-vanajakshi-special-interview