ಕಾಲ್​ಸೆಂಟರ್​ ಸೋಗಿನಲ್ಲಿ ಸೈಬರ್​ ವಂಚನೆ ; ಐವರನ್ನು ವಶಕ್ಕೆ ಪಡೆದ ಸಿಬಿಐ | CBI

CBI: ಮಹಾರಾಷ್ಟ್ರದ ನಾಸಿಕ್‌ನ ಇಗತ್ಪುರಿಯಲ್ಲಿ ಬಾಡಿಗೆ ಆವರಣದಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ದೊಡ್ಡ ಪ್ರಮಾಣದ ಸೈಬರ್ ವಂಚನೆ ಜಾಲವನ್ನು ಕೇಂದ್ರ ತನಿಖಾ ದಳ (ಸಿಬಿಐ) ಭೇದಿಸಿದ್ದು, ಐದು ಜನರನ್ನು ಬಂಧಿಸಲಾಗಿದೆ.

ಎಫ್‌ಐಆರ್ ಪ್ರಕಾರ, ಆರೋಪಿಗಳು ಅಮೆಜಾನ್ ಗ್ರಾಹಕ ಸೇವಾ ಏಜೆಂಟ್‌ಗಳಂತೆ ನಟಿಸುವ ಮೂಲಕ ವಿದೇಶಿ ಪ್ರಜೆಗಳನ್ನು ವಂಚಿಸಲು ಸಂಚು ರೂಪಿಸಿದ್ದರು, ಉಡುಗೊರೆ ಕಾರ್ಡ್‌ಗಳು ಅಥವಾ ಕ್ರಿಪ್ಟೋಕರೆನ್ಸಿ ಕಳುಹಿಸುವಂತೆ ಕರೆಗಳನ್ನು ಮಾಡಿದ್ದರು ಎಂದು ಆರೋಪಿಸಲಾಗಿದೆ.

ಈ ಹಗರಣವನ್ನು ನಡೆಸಲು ಸುಮಾರು 60 ಜನರನ್ನು ಡಯಲರ್‌ಗಳು, ಪರಿಶೀಲಕರು ಮತ್ತು ಕ್ಲೋಸರ್‌ಗಳಂತಹ ಹುದ್ದಗೆ ನೇಮಿಸಲಾಗಿತ್ತು ಎಂದು ತನಿಖೆಯಲ್ಲಿ ಬಹಿರಂಗಗೊಂಡಿದೆ ಎಂಬುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ ಓದಿ:ಬಿಹಾರ ಡಿಸಿಎಂ ವಿಜಯ್ ಕುಮಾರ್ ಸಿನ್ಹಾ ರಾಜೀನಾಮೆಗೆ ತೇಜಸ್ವಿ ಯಾದವ್​ ಆಗ್ರಹ; ಕಾರಣವೇನು? | Tejashwi Yadav

ಸಿಬಿಐ ತಂಡಗಳು ಆರೋಪಿಗಳಿರುವ ಪ್ರದೇಶದ ಮೇಲೆ ದಾಳಿ ಮಾಡಿದಾಗ, 62 ಉದ್ಯೋಗಿಗಳು ಈ ಕೃತ್ಯದಲ್ಲಿ ಸಿಕ್ಕಿ ಬಿದ್ದಿದ್ದು, ವಂಚನೆಗೆ ಬಳಸಲಾದ 44 ಲ್ಯಾಪ್‌ಟಾಪ್‌ಗಳು, 71 ಮೊಬೈಲ್ ಫೋನ್‌ಗಳು ಮತ್ತು ಹಲವಾರು ಡಿಜಿಟಲ್ ಪುರಾವೆಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಅಧಿಕಾರಿಗಳು 1.2 ಕೋಟಿ ರೂ. ಮೌಲ್ಯದ ಲೆಕ್ಕವಿಲ್ಲದ ನಗದು, 500 ಗ್ರಾಂ ಚಿನ್ನ, 1 ಕೋಟಿ ರೂ. ಮೌಲ್ಯದ ಏಳು ಐಷಾರಾಮಿ ಕಾರುಗಳನ್ನು ವಶಪಡಿಸಿಕೊಂಡಿದ್ದಾರೆ ಮತ್ತು ಸುಮಾರು 5,000 USDT (ರೂ. 5 ಲಕ್ಷ) ಮೌಲ್ಯದ ಕ್ರಿಪ್ಟೋಕರೆನ್ಸಿ ವಹಿವಾಟುಗಳನ್ನು ಮತ್ತು 2,000 ಕೆನಡಿಯನ್ ಡಾಲರ್ (ರೂ. 1.26 ಲಕ್ಷ) ಮೌಲ್ಯದ ಉಡುಗೊರೆ ವೋಚರ್‌ಗಳನ್ನು ಪತ್ತೆಹಚ್ಚಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಬಂಧಿತ ಆರೋಪಿಗಳನ್ನು ವಿಶಾಲ್ ಯಾದವ್, ಶೆಬಾಜ್, ದುರ್ಗೇಶ್, ಅಭಯ್ ರಾಜ್ ಅಲಿಯಾಸ್ ರಾಜಾ, ಸಮೀರ್ ಅಲಿಯಾಸ್ ಕಾಲಿಯಾ,  ಸೊಹೈಲ್ ಎಂದು ಗುರುತಿಸಲಾಗಿದೆ.

ಇದನ್ನೂ ಓದಿ:ಪ್ರಿಯಕರನನ್ನ ಮನೆಗೆ ಕರೆದು, ಪತಿ ಜೊತೆ ಸೇರಿ ಸ್ಕ್ರೂ​ಡ್ರೈವರ್​​ನಿಂದ ಚಿತ್ರಹಿಂಸೆ ನೀಡಿ ಕೊಲೆಗೈದ ಮಹಿಳೆ| Murder 

ಉಳಿದ ಆರೋಪಿಗಳನ್ನು ಮತ್ತು ಹಣದ ಜಾಡನ್ನು ಪತ್ತೆಹಚ್ಚಲು ಹೆಚ್ಚಿನ ತನಿಖೆ ಮುಂದುವರೆದಿದೆ.

ಅಮೆರಿಕ, ಕೆನಡಾ ಮತ್ತು ಇತರ ದೇಶಗಳಲ್ಲಿನ ಜನರನ್ನು ಗುರಿಯಾಗಿಸಿಕೊಂಡು ನಕಲಿ ಅಮೆಜಾನ್ ಕಾಲ್ ಸೆಂಟರ್ ನಡೆಸುತ್ತಿದ್ದ  ಮುಂಬೈ ಮೂಲದ ಆರು ಜನರು, ಅಪರಿಚಿತ ಖಾಸಗಿ ವ್ಯಕ್ತಿಗಳು ಮತ್ತು ಬ್ಯಾಂಕ್ ಅಧಿಕಾರಿಗಳ ವಿರುದ್ಧ ಆಗಸ್ಟ್ 8 ರಂದು ಪ್ರಕರಣ ದಾಖಲಾಗಿತ್ತು.(ಏಜೆನ್ಸೀಸ್)

https://www.vijayavani.net/sabka-boss-doesnt-like-indias-rise-rajnath-singhs-swipe-at-trump-over-tariffs