ಈ ನಿರ್ಮಾಪಕನ ಲಕ್​ ಬದಲಿಸಲಿದ್ದಾರಾ ರಶ್ಮಿಕಾ? ಹೊಸ ಹರುಷ ತರಲಿದೆಯೇ ಹೊಸ ವರುಷ | Rashmika Mandanna

Rashmika Mandanna: ಕೊಡಗಿನ ಬೆಡಗಿ, 'ಕಿರಿಕ್ ಪಾರ್ಟಿ' ಖ್ಯಾತಿಯ ನಟಿ ರಶ್ಮಿಕಾ ಮಂದಣ್ಣ ಸದ್ಯ ಸೌತ್​ ಸಿನಿಮಾಗಳ ಚಿತ್ರೀಕರಣದಲ್ಲಿ ಸಖತ್ ಬಿಜಿಯಾಗಿದ್ದಾರೆ. ಸ್ಟಾರ್​ ನಟರ ಸಾಲು ಸಾಲು ಸಿನಿಮಾಗಳಿಗೆ ನಾಯಕಿಯಾಗಿ ಮಿಂಚುತ್ತಿರುವ ರಶ್ಮಿಕಾ, ಸ್ಯಾಂಡಲ್​ವುಡ್​, ಟಾಲಿವುಡ್​ನಲ್ಲಿ ಭರ್ಜರಿ ಗೆಲುವು ಸಾಧಿಸಿದ್ದಾರೆ. ಇತ್ತೀಚೆಗಷ್ಟೇ ರಣಬೀರ್​ ಕಪೂರ್​ ಅಭಿನಯದ 'ಅನಿಮಲ್' ಚಿತ್ರದಲ್ಲಿ ಕಾಣಿಸಿಕೊಳ್ಳುವ ಮೂಲಕ ಬಾಲಿವುಡ್​ ಅಂಗಳಕ್ಕೂ ಕಾಲಿಟ್ಟ ಚೆಲುವೆ, ಸದ್ಯ ಯಶಸ್ಸಿನ ಅಲೆಯಲ್ಲಿ ತೇಲಾಡುತ್ತಿದ್ದಾರೆ.

ಇದನ್ನೂ ಓದಿ: ಅಲ್ಲು ಅರ್ಜುನ್​​ ಜತೆ ಸೊಂಟ ಬಳುಕಿಸಿರೋ ಈ ಬ್ಯೂಟಿ ಯಾರು ಗೊತ್ತಾ? ಈಕೆಯ ಟ್ಯಾಲೆಂಟ್ ಕೇಳಿದ್ರೆ ಬೆರಗಾಗ್ತೀರಿ!​ Allu Arjun

ಈಗ ಬಾಲಿವುಡ್​ನಲ್ಲಿ ಸಾಜಿದ್ ನಾಡಿಯಾಡ್ವಾಲಾ ನಿರ್ಮಾಣದ ಹಾಗೂ ಸಲ್ಮಾನ್ ಖಾನ್ ಅಭಿನಯದ ಬಹುನಿರೀಕ್ಷಿತ 'ಸಿಕಂದರ್' ಚಿತ್ರಕ್ಕೆ ನಾಯಕಿಯಾಗಿ ಮುಖ್ಯಭೂಮಿಕೆಯಲ್ಲಿರುವ ರಶ್ಮಿಕಾ, ಎರಡನೇ ಹಿಂದಿ ಚಿತ್ರದಲ್ಲಿ ನಟಿಸುತ್ತಿರುವುದು ಗಮನಾರ್ಹ. ಈ ಸಿನಿಮಾ ಮುಂದಿನ ವರ್ಷ ಈದ್‌ ಮಿಲಾದ್​ ಹಬ್ಬದಂದು ರಿಲೀಸ್ ಆಗಲು ಸಜ್ಜಾಗಿದೆ. ಇತ್ತೀಗಷ್ಟೇ ಬಿಡುಗಡೆಯಾದ ಟೀಸರ್ ಈಗಾಗಲೇ ನಟನ ಅಭಿಮಾನಿಗಳಲ್ಲಿ ಕುತೂಹಲ ಕೆರಳಿಸಿದ್ದು, ಚಿತ್ರದ ಮೇಲೆ ನಿರೀಕ್ಷೆಗಳನ್ನು ಹೆಚ್ಚಿಸಿದೆ.

ಕಳೆದ ಕೆಲವು ವರ್ಷಗಳಿಂದ ನಿರ್ಮಾಪಕ ಸಾಜಿದ್ ಕೈಗೆತ್ತಿಕೊಂಡ ಪ್ರಾಜೆಕ್ಟ್​ಗಳು ಸತತ ಸೋಲನ್ನು ಕಂಡಿದ್ದೇ ಆದರೂ ಸಿಕಂದರ್ ಸಿನಿಮಾ ಯಶಸ್ಸು ಕಾಣುವ ಭರವಸೆಯನ್ನು ನೀಡಿದೆ. ಸರಣಿ ವಿಫಲಗಳಿಂದ ಕಂಗಾಲಾಗಿರುವ ನಿರ್ಮಾಪಕರಿಗೆ ಈ ಆ್ಯಕ್ಷನ್, ಡ್ರಾಮಾ ಜಾನರ್​ ಸಿನಿಮಾ ಬಾಕ್ಸ್​ ಆಫೀಸ್​ನಲ್ಲಿ ಗೆಲ್ಲಲೇಬೇಕಿದೆ. ಚಿತ್ರದ ಗೆಲುವು, ಜನಪ್ರಿಯತೆ ನಿರ್ಮಾಪಕರಿಗೆ ಬಹಳ ಮುಖ್ಯವಾಗಿದೆ. ಫ್ಲಾಪ್​ಗಳನ್ನೇ ನೋಡಿರುವ ಸಾಜಿದ್​ ಹಾಗೂ ಸಲ್ಮಾನ್ ಖಾನ್​ ಚಿತ್ರದಲ್ಲಿ ಗೆಲುವಿನ ಉತ್ತುಂಗದಲ್ಲಿರುವ ರಶ್ಮಿಕಾ ಇರುವುದು ಗೆಲುವಿನ ಭರವಸೆಯನ್ನು ದುಪ್ಪಟ್ಟಾಗಿಸಿದೆ.

ಇದನ್ನೂ ಓದಿ: ನೀವು ತಿಂದಿದ್ದು ಬೇಗ ಜೀರ್ಣವಾಗಬೇಕಾ? ತಪ್ಪದೇ ಈ ಹಣ್ಣುಗಳನ್ನು ತಿನ್ನಿ, ಇಲ್ಲಿದೆ ಉಪಯುಕ್ತ ಮಾಹಿತಿ… | Digestion Process

ರಶ್ಮಿಕಾ ಅಭಿನಯ ಪ್ರತ್ಯಕ್ಷ ಅಥವಾ ಪರೋಕ್ಷವಾಗಿ ಸಲ್ಮಾನ್ ಚಿತ್ರದ ಯಶಸ್ಸಿಗೆ ಕಾರಣವಾಗಬಹುದೇ ಎಂಬ ಲೆಕ್ಕಾಚಾರಗಳು ಮೂಡಿವೆ. ನಿರ್ಮಾಪಕ ಸಾಜಿದ್​ ಹಾಗೂ ಸಲ್ಮಾನ್ ಖಾನ್ ಸಿನಿಮಾಗೆ ಗೆಲುವು ಸಿಗಲಿದೆಯೇ? ಪ್ರೇಕ್ಷಕರು ಚಿತ್ರವನ್ನು ಮೆಚ್ಚಿ, ಒಪ್ಪಿಕೊಳ್ಳಲಿದ್ದಾರೆಯೇ ಎಂಬುದನ್ನು ಸಿನಿಮಾ ರಿಲೀಸ್ ಆದ ಬಳಿಕ ಪ್ರೇಕ್ಷಕರು ಕೊಡುವ ವಿಮರ್ಶೆ, ಪ್ರತಿಕ್ರಿಯೆಗಳ ಮೂಲಕ ತಿಳಿದುಕೊಳ್ಳಬೇಕಿದೆ,(ಏಜೆನ್ಸೀಸ್).

https://www.vijayavani.net/max-trending-in-social-media