ಅಹಮದಾಬಾದ್: ಆತಂಕಕಾರಿ ಘಟನೆಯೊಂದರಲ್ಲಿ, 15 ವರ್ಷದ ಬಾಲಕಿಯ ಮೇಲೆ ಆಕೆಯ 30 ವರ್ಷದ ಸೋದರ ಮಾವ ಅತ್ಯಾಚಾರ ಎಸಗಿದ್ದು, ಅಪ್ರಾಪ್ತ ಬಾಲಕಿ ಈಗ ಗರ್ಭಿಣಿಯಾಗಿದ್ದಾಳೆ. ಗುಜರಾತ್ನ ವಡೋದರಾ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ.
ಸಂತ್ರಸ್ತ ಬಾಲಕಿ ಚೊಟ್ಟಾ ಉದಯಪುರದವಳು. ತಂದೆ ಇಲ್ಲದ ಆಕೆ ತನ್ನ ತಾಯಿ, ಅಕ್ಕ, ಸಹೋದರ ಸೇರಿದಂತೆ ಕುಟುಂಬದೊಂದಿಗೆ ವಾಸಿಸುತ್ತಿದ್ದಳು. ಎರಡು ವರ್ಷಗಳ ಹಿಂದೆ ಆಕೆಯ ಸಹೋದರಿಯನ್ನು ಮದುವೆಯಾದ ನಂತರ ಆರೋಪಿ ಅದೇ ಕುಟುಂಬದೊಂದಿಗೆ ವಾಸಿಸಲಾರಂಭಿಸಿದ. ಹಿರಿಯ ಸಹೋದರಿ ಎಂಟು ತಿಂಗಳ ಹಿಂದೆ ಗರ್ಭಿಣಿಯಾದಾಗ ಆರೋಪಿಯ ಕಣ್ಣು ತಂಗಿಯ ಮೇಲೆ ಬಿತ್ತು. ತನ್ನ ಸೋದರ ಮಾವನಿಂದ ಹಲವು ಬಾರಿ ಅತ್ಯಾಚಾರಕ್ಕೊಳಗಾಗಿರುವುದಾಗಿ ಬಾಲಕಿ ತಿಳಿಸಿದ್ದಾಳೆ.
