ವರ್ಷಾಂತ್ಯದಲ್ಲಿ ಕರೊನಾಗೆ ಲಸಿಕೆ: ಬ್ರೆಜಿಲ್ ಭರವಸೆ

ಸಾವೊ ಪಾಲೊ: ಪ್ರಾಯೋಗಿಕ ಔಷಧ ಯಶಸ್ವಿಯಾದರೆ ಈ ವರ್ಷದ ಅಂತ್ಯದಲ್ಲಿ ಆಕ್ಸ್‌ಫರ್ಡ್ ವಿವಿ ಅಭಿವೃದ್ಧಿಪಡಿಸಿದ ಕರೊನಾವೈರಸ್ ಲಸಿಕೆಯನ್ನು ಬ್ರೆಜಿಲ್ ಹೊಂದಲಿದೆ ಎಂದು ಔಷಧ ಕಂಪನಿ ಅಸ್ಟ್ರಾಜೆನೆಕಾದ ನಿರ್ದೇಶಕ ಜಾರ್ಜ್ ಮ್ಯಾಜೀ ಸೋಮವಾರ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಅಸ್ಟ್ರಾಜೆನೆಕಾದ ಲಸಿಕೆ ChAdOx1 nCoV-19 ಸಾಮಾನ್ಯ ಶೀತ ವೈರಸ್ (ಅಡೆನೊವೈರಸ್) ನ ದುರ್ಬಲ ಮತ್ತು ಪುನರಾವರ್ತಿಸದ ಆವೃತ್ತಿಯಿಂದ ತಯಾರಿಸಲ್ಪಟ್ಟಿದೆ ಮತ್ತು COVID-19 ವಿರುದ್ಧ ಹೋರಾಡುವಲ್ಲಿ ಅತ್ಯಂತ ಭರವಸೆಯದ್ದಾಗಿದೆ ಎಂದು ನಂಬಲಾಗಿದೆ.

ಕಳೆದ ವಾರದಿಂದ ಬ್ರೆಜಿಲ್‌ನಲ್ಲಿ 5,000 ಕ್ಕೂ ಹೆಚ್ಚು ಆರೋಗ್ಯ ಕಾರ್ಯಕರ್ತರ ಮೇಲೆ ಲಸಿಕೆಯನ್ನು ಪರೀಕ್ಷಿಸಲಾಗುತ್ತಿದೆ.

ಇದನ್ನೂ ಓದಿ: ಐಸಿಯುದಲ್ಲಿದ್ದರೂ ಮಹಾಮಾರಿ ವಿರುದ್ಧ ಹೋರಾಡಿ ಬದುಕುಳಿದ ಭಾರತದ ಮೊದಲ ಹಿರಿಯ ವ್ಯಕ್ತಿ ಸುಖಾ ಸಿಂಗ್

ಅಸ್ಟ್ರಾಜೆನೆಕಾ ಸಹಭಾಗಿತ್ವದಲ್ಲಿ ನಡೆಯುತ್ತಿರುವ ವೈದ್ಯಕೀಯ ಪ್ರಯೋಗಗಳಲ್ಲಿ ಬ್ರೆಜಿಲ್ ಸೇರ್ಪಡೆಗೊಳ್ಳಲು ಜೂನ್ 2 ರಂದು ಬ್ರೆಜಿಲಿಯನ್ ಆರೋಗ್ಯ ನಿಯಂತ್ರಣ ಸಂಸ್ಥೆ (ಎನ್‌ವಿಸಾ) ಅನುಮೋದನೆ ನೀಡಿದೆ ಎಂಬುದು ಗಮನಾರ್ಹ. ಆಕ್ಸ್‌ಫರ್ಡ್‌ನ ಹೊರತಾಗಿ, ಚೀನಾ ನ್ಯಾಷನಲ್ ಬಯೋಟೆಕ್ ಗ್ರೂಪ್ (ಸಿಎನ್‌ಬಿಜಿ) ಯುನೈಟೆಡ್ ಅರಬ್ ಎಮಿರೇಟ್ಸ್‌ನಲ್ಲಿ ತನ್ನ COVID-19 ಲಸಿಕೆ 3 ನೇ ಹಂತದ ಕ್ಲಿನಿಕಲ್ ಪ್ರಯೋಗಗಳನ್ನು ಸಹ ಪ್ರಾರಂಭಿಸಿದೆ.

ಸೋಮವಾರ, ಮ್ಯಾಜೀ ಸುದ್ದಿಸಂಸ್ಥೆಯೊಂದರ ಜತೆ ಮಾತನಾಡುತ್ತಾ, ದಕ್ಷಿಣ ಅಮೆರಿಕ ಕರೊನಾವೈರಸ್ ಲಸಿಕೆಯ ಒಪ್ಪಂದಕ್ಕೆ ಕಾಯುತ್ತಿದೆ. ಆದರೂ ಇನ್ನೂ ಪ್ರಮುಖ ವಿಷಯಗಳ ಕುರಿತು ಮಾತುಕತೆ ನಡೆಯಬೇಕಿದೆ ಎಂದರು.

100 ಮಿಲಿಯನ್ ಲಸಿಕೆ ಪಡೆಯಲು  ಬ್ರೆಜಿಲ್ ಸರ್ಕಾರ ಔಷಧ ಕಂಪನಿ ಅಸ್ಟ್ರಾಜೆನೆಕಾ ಹಾಗೂ ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದ ಜೊತೆ ಒಪ್ಪಂದವನ್ನು ಘೋಷಿಸಿದ ಎರಡು ದಿನಗಳ ನಂತರ ಅವರು ಈ ಅಭಿಪ್ರಾಯ ವ್ಯಕ್ತಪಡಿಸಿದರು ಎಂದು ಪಿಟಿಐ ವರದಿ ಮಾಡಿದೆ.

ಇದನ್ನೂ ಓದಿ: ಹೆಚ್ಚುವರಿ ಎಟಿಎಂ ಟ್ರ್ಯಾನ್ಸಾಕ್ಷನ್​ಗೆ ನಾಳೆಯಿಂದ ಬೀಳುತ್ತೆ ದಂಡ!

ಲಸಿಕೆ ಪರಿಣಾಮಕಾರಿಯಾಗುವಂತಾದರೆ 2020 ರ ಕೊನೆಯಲ್ಲಿ ಬ್ರೆಜಿಲ್ ಲಸಿಕೆ ಹೊಂದುತ್ತದೆ ಎಂದು ಮ್ಯಾಜೀ ಭರವಸೆ ವ್ಯಕ್ತಪಡಿಸಿದ್ದಾರೆ.

ಡಿಸೆಂಬರ್ ಮತ್ತು ಜನವರಿಯಲ್ಲಿ ಎರಡು ಬ್ಯಾಚ್‌ಗಳಲ್ಲಿ ಆರಂಭಿಕ 30.4 ಮಿಲಿಯನ್ ಲಸಿಕೆಗಳನ್ನು ಉತ್ಪಾದಿಸಲು ದೇಶವು 127 ಮಿಲಿಯನ್ ಡಾಲರ್‌ಗಳನ್ನು ಪಾವತಿಸಲಿದೆ ಎಂದು ಬ್ರೆಜಿಲ್‌ನ ಆರೋಗ್ಯ ಅಧಿಕಾರಿಗಳು ಶನಿವಾರ ಹೇಳಿದ್ದಾರೆ. ಲಸಿಕೆ ಸುರಕ್ಷಿತ ಮತ್ತು ಪರಿಣಾಮಕಾರಿ ಎಂದು ಪ್ರಮಾಣೀಕರಿಸಲ್ಪಟ್ಟರೆ, ಅದನ್ನು ನೀಡುವ ಪ್ರಯತ್ನಗಳು ತ್ವರಿತವಾಗಿ ಪ್ರಾರಂಭವಾಗುತ್ತವೆ ಎಂದು ಅವರು ಹೇಳಿದರು.

ಬ್ರೆಜಿಲ್ ಪ್ರಕಾರ ದೇಶದ 210 ಮಿಲಿಯನ್ ನಿವಾಸಿಗಳಿಗಾಗಿ 100 ಮಿಲಿಯನ್ ಲಸಿಕೆಗಾಗಿ ಈ ಒಪ್ಪಂದ ನಡೆದಿದೆ.

ಇದನ್ನೂ ಓದಿ: ಸರಣಿ ಅನಿಲ ದುರಂತಕ್ಕೆ ಸಾಕ್ಷಿಯಾಗುತ್ತಿದೆ ವಿಶಾಖಪಟ್ಟಣ; ಮತ್ತಿಬ್ಬರ ಸಾವು, ಒಬ್ಬ ಗಂಭೀರ

"ಎಲ್ಲರಿಗೂ ಹೇಗೆ ಲಸಿಕೆ ನೀಡಬೇಕೆಂಬುದರ ಬಗ್ಗೆ (ಬ್ರೆಜಿಲ್ ಸರ್ಕಾರದ) ಒಂದು ತಂತ್ರವಿದೆ ಎಂದು ನಾನು ನಂಬುತ್ತೇನೆ" ಎಂದು ಅಸ್ಟ್ರಾಜೆನೆಕಾ ನಿರ್ದೇಶಕರು ತಿಳಿಸಿದ್ದಾರೆ. ತಂತ್ರಜ್ಞಾನದ ವರ್ಗಾವಣೆಯ ವ್ಯಾಪ್ತಿ ವಿಸ್ತರಿಸುವಿಕೆ, ಡೋಸ್‌ಗಳ ಎರಡನೇ ಖರೀದಿ ಸೇರಿದಂತೆ ಮಾತುಕತೆ ನಡೆಸಬೇಕಾದ ಇನ್ನೂ ಪ್ರಮುಖ ಅಂಶಗಳಿವೆ ಈ ಹಂತದಲ್ಲಿ ಇತರ ದೇಶಗಳು ಈಗಾಗಲೇ ಒಪ್ಪಂದ ಮಾಡಿಕೊಂಡಿವೆ ಎಂದು ಮ್ಯಾಜೀ ಹೇಳಿದರು.

ವೃದ್ಧರು, ಅಸ್ವಸ್ಥರು ಮತ್ತು ಆರೋಗ್ಯ ಕಾರ್ಯಕರ್ತರು ಮತ್ತು ಭದ್ರತಾ ಸಿಬ್ಬಂದಿಯಂತಹ ಹೆಚ್ಚಿನ ಅಪಾಯದ ಗುಂಪುಗಳಲ್ಲಿರುವವರು ಲಸಿಕೆ ಪಡೆದವರಲ್ಲಿ ಮೊದಲಿಗರು. ಬ್ರೆಜಿಲ್ ನಲ್ಲಿ COVID-19 ನ 1.2 ದಶಲಕ್ಷಕ್ಕೂ ಹೆಚ್ಚಿನ ಪ್ರಕರಣಗಳಿವೆ . 58 ಸಾವಿರ ಜನ ಸಾವಿಗೀಡಾಗಿದ್ದಾರೆ.

https://www.vijayavani.net/i-appeal-everyone-to-tune-in-to-prime-ministers-speech-amit-shah-tweet/