ಬಾಲಿವುಡ್ನಲ್ಲಿ ರೋಲ್ಸ್ ರಾಯಲ್ಸ್ ಕಾರು ಖರೀದಿಸಿರುವುದು ಇವರೊಬ್ಬರೆ ಅಲ್ಲ. ಸಾಕಷ್ಟು ಬಾಲಿವುಡ್ ಮಂದಿ ಖರೀದಿಸಿದ್ದಾರೆ. ಆದರೆ, ಇವರು ನಟಿಸಿರುವ ಸಿನಿಮಾಗಳು ಇತ್ತೀಚಿನ ದಿನಗಳಲ್ಲಿ ಹಿಟ್ ಆಗಿಯೇ ಇಲ್ಲ. ಟಾಪ್ 10 ಶ್ರೀಮಂತ ನಟರ ಪಟ್ಟಿಯಲ್ಲಿ ಕೂಡ ಇಲ್ಲ. ಆದರೂ, ನೂರಾರು ಕೋಟಿ ಸಂಭಾವನೆ ಪಡೆಯುವ ಹೀರೋಗಳು ಕೂಡ ಖರೀದಿಸದ ಕಾರು ಪರ್ಚೆಸ್ ಮಾಡಿದ್ದಾರೂ ಹೇಗೆ ಎಂದು ಬಾಲಿವುಡ್ ಮಂದಿಯನ್ನು ಆಶ್ಚರ್ಯಚಕಿತಗೊಳಿಸಿದೆ. 2002 ರಲ್ಲಿ ಸಿನಿಮಾರಂಗಕ್ಕೆ ಪಾದಾರ್ಪಣೆ ಮಾಡಿದ ವಿವೇಕ್ ಅವರ, ಓಂಕಾರ್, ಸಾಥಿಯಾ, ಮಸ್ತಿ ಸಿನಿಮಾಗಳು ಹಿಟ್ ಕೊಟ್ಟವು. ಬಳಿಕ ಐಶ್ವರ್ಯಾ ರೈ ಸಂಬಂಧದಿಂದ ಸಲ್ಮಾನ್ಖಾನ್ ಮತ್ತು ವಿವೇಕ್ ನಡುವೆ ಗಲಾಟೆಗಳಾದವು. ಅಲ್ಲದೆ, ಬಾಲಿವುಡ್ನ ಮತ್ತೊಬ್ಬ ಸೂಪರ್ಸ್ಟಾರ್ ವಿರುದ್ಧ ಹರಿಹಾಯ್ದಿದಕ್ಕಾಗಿ ''ಬಾಯ್ಕಾಟ್'' ಮಾಡಲಾಗಿದೆ ಎಂಬ ಸುದ್ದಿ ಹರಿದಾಡಿತ್ತು. ಇದೆಲ್ಲದರ ನಡುವೆ ರಕ್ತಚರಿತ್ರೆ ಸಿನಿಮಾದ ಮೂಲಕ ಎಂಟ್ರಿ ಕೊಟ್ಟು ಮತ್ತೆ ಪುಟಿದೇದ್ದು ಬಾಲಿವುಡ್ ಮಂದಿ ಹಿಂತಿರುಗುವಂತೆ ಮಾಡಿದ್ದಾರೆ.
