ಈ ಘಟನೆಯು ಪೂರ್ವ ಚೀನಾದ ಜಿಯಾಂಗ್ಸು ಪ್ರಾಂತ್ಯದಲ್ಲಿ ಜೂನ್ 8ರ ಮಧ್ಯಾಹ್ನ ನಡೆದಿರುವುದಾಗಿ ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. ಬಾಲಕನ ಪಾಲಕರು ಕೇಂದ್ರ ಪ್ರಾಂತ್ಯದ ಹೆನಾನ್ನಿಂದ ವಲಸೆ ಬಂದ ಕಾರ್ಮಿಕರು ಎಂದು ಹೇಳಲಾಗಿದೆ. ಕೆಲಸದ ನಿಮಿತ್ತ ತೆರಳಲು ಬಾಲಕನನ್ನು ನೋಡಿಕೊಳ್ಳಲು ಅಜ್ಜಿಗೆ ಹೇಳಿದ್ದರಂತೆ. ಆದರೆ, ಅಜ್ಜಿ ಬಾಲಕನನ್ನು ಒಂಟಿಯಾಗಿ ಬಿಟ್ಟು ಟಿವಿ ನೋಡುವುದರಲ್ಲಿ ನಿರತರಾಗಿದ್ದಳು. ಮತ್ತೆ ಹೊರಗಿ ಹೋಗಿ ಬಂದು ನೋಡುವಷ್ಟರಲ್ಲಿ ಬಾಲಕನಿಲ್ಲದಿರುವುದನ್ನು ಗಮನಿಸಿ, ಹುಡುಕಾಡಿದ್ದಾಳೆ. ಈ ವೇಳೆ ಅಡುಗೆ ಮನೆಗೆ ಹೋಗಿ ನೋಡಿದಾಗ ಮುಚ್ಚಿದ್ದ ಕಿಟಕಿ ಬಾಗಿಲ ತೆರೆದಿರುವುದನ್ನು ಗಮನಿಸಿದ್ದಾಳೆ. ತಕ್ಷಣ ಮನೆಯ ಹೊರಗಡೆ ಓಡಿ ಹೋಗಿ ನೋಡಿದಾಗ ಕಟ್ಟಡದ ಕೆಳಗಿನ ಹೂವು ಹಾಸಿನ ಮೇಲೆ ಬಾಲಕ ಪ್ರಜ್ಞೆಯಿಲ್ಲದೇ ಬಿದ್ದಿರುವುದನ್ನು ಕಂಡು, ತಾನೂ ಕುಸಿದುಬಿದ್ದು, ಕಣ್ಣೀರಿಟ್ಟಿದ್ದಾಳೆ.
