ನಾನು ಕಂಡದ್ದು ನಂಬಲು ಅಸಾಧ್ಯವಾಗಿತ್ತು ಎಂದು ಶವವನ್ನು ಕಂಡ ಕುರುಬ ಒಮರ್ ಖಾನ್ ತಿಳಿಸಿದ್ದಾರೆ. ಶವವು ಹಾಗೇ ಇತ್ತು ಮತ್ತು ಅದರ ಬಟ್ಟೆಗಳು ಕೂಡ ಹರಿದಿರಲಿಲ್ಲ ಎಂದಿದ್ದಾರೆ. ಪೊಲೀಸರು ಆ ವ್ಯಕ್ತಿ ನಸಿರುದ್ದೀನ್ ಎಂದು ಹೇಳಿದ ತಕ್ಷಣ, ಸ್ಥಳೀಯರು ಹೆಚ್ಚಿನ ಮಾಹಿತಿಯನ್ನು ನೀಡಲು ಪ್ರಾರಂಭಿಸಿದ್ದಾರೆ. ನಸೀರುದ್ದೀನ್ಗೆ ಹೆಂಡತಿ ಮತ್ತು ಇಬ್ಬರು ಮಕ್ಕಳಿದ್ದರು ಎನ್ನಲಾಗಿದೆ. ಕಾಣೆಯಾದ ದಿನ ಅವನು ತನ್ನ ಸಹೋದರ ಕತಿರುದ್ದೀನ್ ಜೊತೆ ಕುದುರೆಯ ಮೇಲೆ ಪ್ರಯಾಣಿಸುತ್ತಿದ್ದ. ಕೌಟುಂಬಿಕ ಕಲಹದಿಂದಾಗಿ ಇಬ್ಬರು ಪುರುಷರು ತಮ್ಮ ಮನೆಯಿಂದ ಹೊರಹೋಗಬೇಕಾಯಿತು. ಇವರಿಬ್ಬರೂ ಕೂಡ ಲೇಡಿ ವ್ಯಾಲಿಗೆ ಪ್ರಯಾಣ ಆರಂಭಿಸಿದ್ದರು, ಈ ಮದ್ಯೆ ಆತ ಗುಹೆಯೊಳಗೆ ಪ್ರವೇಶಿಸಿ ಬಳಿಕ ಹಿಂತಿರುಗಲಿಲ್ಲ ಎಂದು ಆತನ ಸಹೋದರ ಕತಿರುದ್ದೀನ್ ಹೇಳಿರುವುದಾಗಿ ತಿಳಿದು ಬಂದಿದೆ. ನಂತರ ಎಷ್ಟೇ ಹುಡುಕಿದರೂ ಸಹ ಆತ ಪತ್ತೆಯಾಗಲಿಲ್ಲ ಎನ್ನಲಾಗಿದೆ. ಮಾನವ ದೇಹವು ಹಿಮನದಿಯೊಳಗೆ ಬಿದ್ದಾಗ, ತೀವ್ರ ಶೀತದಿಂದ ಅದನ್ನು ವೇಗವಾಗಿ ಹೆಪ್ಪುಗಟ್ಟಿಸುತ್ತದೆ ಮತ್ತು ಕೊಳೆಯುವುದನ್ನು ತಡೆಯುತ್ತದೆ ಎಂದು ಹೇಳಲಾಗಿದೆ.
