ಇಟಾಲಿಯನ್​ ಚಿಕನ್​​ ತಿಂದು 12 ತಾಸು ವಾಂತಿ ಮಾಡಿಕೊಂಡ ಮಹಿಳೆ; ಅದರಲ್ಲೇನಿತ್ತು ಎಂದು ಗೊತ್ತಾದ್ರೆ ನೀವೂ ಬೆಚ್ಚಿ ಬೀಳ್ತೀರಿ

ಟೆಸ್ಕೋ ಸೂಪರ್​ ಮಾರ್ಕೆಟ್​ಗೆ ಹೋಗಿ, ಸಿದ್ಧ ಊಟ (ರೆಡಿ ಮೀಲ್​)ದ ಬಾಕ್ಸ್​ ತೆಗೆದುಕೊಂಡು ತಂದು ಅರ್ಧ ಊಟ ಮಾಡಿದ ಮಹಿಳೆಗೆ ಭರ್ಜರಿ ಶಾಕ್​ ಕಾದಿತ್ತು.

ಯುಎಸ್​ನ ಡರ್ಹಾಮ್​ನ ಕ್ಯಾಥ್​ ಮ್ಯಾಕ್​ಕಾಲ್​ ಸ್ಮಿತ್​ ಎಂಬ 57 ವರ್ಷದ ಮಹಿಳೆ ಈ ಊಟ ಮಾಡಿದ ಬಳಿಕ 12 ತಾಸು ನಿರಂತರವಾಗಿ ವಾಂತಿ ಮಾಡಿಕೊಂಡಿದ್ದಾಗಿ ತಿಳಿಸಿದ್ದಾರೆ. ಈ ರೆಡಿಮೇಡ್​ ಊಟದ ಬಾಕ್ಸ್​ಗೆ 3.75 ಪೌಂಡ್​(356 ರೂ.) ಕೊಟ್ಟು ಖರೀದಿಸಿದ್ದೆ. ಆದರೆ ನನ್ನ ಆರೋಗ್ಯ ಹದಗೆಟ್ಟಿದ್ದಲ್ಲದೆ, ಮನಸಿಗೂ ತುಂಬ ಕಸಿವಿಸಿ ಆಯಿತು ಎಂದು ಮಹಿಳೆ ಹೇಳಿಕೊಂಡಿದ್ದಾರೆ.

ನಾನು ಖರೀದಿ ಮಾಡಿದ್ದು, ಇಟಾಲಿಯನ್​ ಚಿಕನ್​ ಮೀಲ್​ ಆಗಿತ್ತು. ತಿನ್ನುತ್ತಿದ್ದವಳಿಗೆ ಗ್ರೇವಿಯ ಅಡಿಯಲ್ಲಿ ಒಂದು ಪೀಸ್​​ನಂತಹ ವಸ್ತು ಕಂಡಿತು. ನಾನಂದುಕೊಂಡೆ ಅದು ಚಿಕನ್​ ಪೀಸ್​ ಆಗಿರಬಹುದು ಎಂದು. ಆದರೆ ಅದು ಸತ್ತ ಇಲಿಯ ದೇಹವಾಗಿತ್ತು. ಆ ಇಲಿಯ ದೇಹ ರಕ್ತಸಿಕ್ತವಾಗಿತ್ತು. ಅದನ್ನು ನೋಡುತ್ತಿದ್ದಂತೆ ದೊಡ್ಡದಾಗಿ ಚೀರಿಕೊಂಡೆ. ತುಂಬ ಗಲೀಜು ಎನ್ನಿಸಿತು. ಆಮೇಲೆ ವಾಂತಿಯಾಗಲು ಶುರುವಾಯಿತು. ಸುಮಾರು 12 ತಾಸು ವಾಂತಿಯಾಗಿದೆ ಎಂದು ಕ್ಯಾಥ್​ ಮ್ಯಾಕ್​ಕಾಲ್​ ಸ್ಮಿತ್​ ತಿಳಿಸಿದ್ದಾರೆ. ಇದನ್ನೂ ಓದಿ:‘ನಮ್ಮ ಮನೆಯ ದುಷ್ಟ ಬೆಕ್ಕಿನಿಂದ ನನ್ನ ಪತ್ನಿ ಗರ್ಭಿಣಿಯಾಗಿದ್ದಾಳೆ…’-ಬೇಸ್ತು ಬಿದ್ದ ಪತಿ ಮಹಾಶಯನ ಅಳಲು

ಅದರ ಫೋಟೋವನ್ನೂ ಕೂಡ ಮಹಿಳೆ ಶೇರ್​ ಮಾಡಿಕೊಂಡಿದ್ದಾರೆ. ಆ ಇಲಿಯ ಹಲ್ಲುಗಳು, ಮೈಮೇಲಿನ ರಕ್ತ ಕೂಡ ಫೋಟೋದಲ್ಲಿ ಕಾಣುತ್ತವೆ. ಯಾರೋ ಇಲಿಗೆ ಹೊಡೆದಂತೆ ಭಾಸವಾಗುತ್ತದೆ.

ಟೆಸ್ಕೋದಲ್ಲಿ ಯಾರೂ ರೆಡಿ ಊಟವನ್ನು ಖರೀದಿ ಮಾಡಬೇಡಿ ಎಂದೂ ಮಹಿಳೆ ಸಲಹೆ ನೀಡಿದ್ದಾರೆ. ಅಷ್ಟೇ ಅಲ್ಲ, ತಾವು ಖರೀದಿಸಿದ ಟೆಸ್ಕೋ ಸೂಪರ್​ ಮಾರ್ಕೆಟ್​ಗೆ ಹೋಗಿ ಕಂಪ್ಲೇಂಟ್​ ಕೂಡ ಮಾಡಿದ್ದಾರೆ. ಅದಕ್ಕೆ ಪ್ರತಿಕ್ರಿಯೆ ನೀಡಿರುವ ಟೆಸ್ಕೋ, ನಾವು ಇದನ್ನು ಗಂಭೀರವಾಗಿ ಪರಿಗಣಿಸುತ್ತೇವೆ. ಶೀಘ್ರದಲ್ಲೇ ಪರಿಶೀಲನೆ ಮಾಡುತ್ತೇವೆ ಎಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/wuhan-family-rushes-to-take-coronavirus-tests-after-finding-a-dead-bat-in-their-half-eaten-pork-soup/