ಮರಕ್ಕೆ ಡಿಕ್ಕಿ ಹೊಡೆದು ರಕ್ತದ ಮಾದರಿಗಳನ್ನು ಹೊತ್ತೊಯ್ಯುತ್ತಿದ್ದ ಡ್ರೋನ್ ಪತನ!

ಉತ್ತರಾಖಂಡ: ​ಏಮ್ಸ್​ ರಿಷಿಕೇಶ್​ನಿಂದ ಉತ್ತರಾಖಂಡದ ಕೋಟ್‌ದ್ವಾರ ಆಸ್ಪತ್ರೆಗೆ ರಕ್ತದ ಮಾದರಿಗಳನ್ನು ಹೊತ್ತೊಯ್ಯುತ್ತಿದ್ದ ಡ್ರೋನ್ ಸೋಮವಾರ ರಾಜ್ಯದ ಪೌರಿ ಜಿಲ್ಲೆಯ ಕಾಡಿನಲ್ಲಿ ಮರಕ್ಕೆ ಡಿಕ್ಕಿ ಹೊಡೆದು ಪತನಗೊಂಡಿದೆ.

ಇದನ್ನೂ ಓದಿ: Sharath Lohitashwa On Spandana Vijay Raghavendra Demise | ಸ್ಪಂದನಾ ವಿಜಯರಾಘವೇಂದ್ರ ಕುಟುಂಬಕ್ಕೆ ಧೈರ್ಯ ತುಂಬಿದ ನಟ ಶರತ್​​ ಲೋಹಿತಾಶ್ವ!

ಏಮ್ಸ್ ರಿಷಿಕೇಶ್ ನಿರ್ದೇಶಕ ಡಾ.ಮೀನು ಸಿಂಗ್ ಅವರ ನೇತೃತ್ವದಲ್ಲಿ, ದೂರದ ಪ್ರದೇಶಗಳಲ್ಲಿ ವಾಸವಿರುವವರಿಗೆ ರಕ್ತದ ಮಾದರಿಗಳು ಮತ್ತು ಅಗತ್ಯ ಔಷಧಿಗಳನ್ನು ತಲುಪಿಸುವ ಪ್ರಯೋಗದ ಭಾಗವಾಗಿ ಡ್ರೋನ್‌ನ ಪ್ರಯೋಗವನ್ನು ನಡೆಸಲಾಗಿತ್ತು. ಅದರಂತೆ ಇಂದಿನ ಪ್ರಯೋಗದಲ್ಲಿ ಬ್ಲಡ್​ ಸ್ಯಾಂಪಲ್​ಗಳನ್ನು ಹೊತ್ತ ಡ್ರೋನ್ ಏಮ್ಸ್ ರಿಷಿಕೇಶದಿಂದ ಹೊರಟು ಕೋಟ್‌ದ್ವಾರದ ಮೂಲ ಆಸ್ಪತ್ರೆಯತ್ತ ಹೊರಟಿತ್ತು. ಈ ವೇಳೆ ಮಾರ್ಗ ಮಧ್ಯೆ ಸಿದ್ಕುಲ್ ಪ್ರದೇಶದಲ್ಲಿ ಡ್ರೋನ್ ಮರಕ್ಕೆ ಡಿಕ್ಕಿ ಹೊಡೆದಿದ್ದು, ಪತನಗೊಂಡು ಸಂಪೂರ್ಣ ಜಖಂಗೊಂಡಿದೆ.

ಡ್ರೋನ್​ನ ಹಾರಿಬಿಟ್ಟ ವ್ಯಕ್ತಿ, ಕೋಟ್‌ದ್ವಾರದ ಆಸ್ಪತ್ರೆಯ ಮೇಲೆ ಅದರ ಆಗಮನಕ್ಕಾಗಿ ಕಾಯುತ್ತಿದ್ದರು. ಈ ಮಧ್ಯೆ ಡ್ರೋನ್ ಪತನಗೊಂಡ ಬಗ್ಗೆ ಸಂದೇಶದ ಮೂಲಕ ಮಾಹಿತಿ ತಿಳಿಯುತ್ತಿದ್ದಂತೆ, ಅವರು ಸ್ಥಳಕ್ಕೆ ಧಾವಿಸಿದ್ದಾರೆ. ಡ್ರೋನ್​ ಬಿದ್ದ ಜಾಗದಲ್ಲಿ ಪರಿಶೀಲನೆ ನಡೆಸಿದಾಗ ಅದು ಸಂಪೂರ್ಣ ಹಾನಿಗೊಂಡಿರುವುದು ತಿಳಿದುಬಂದಿದೆ.

ಇದನ್ನೂ ಓದಿ:  ಕಾಂಗ್ರೆಸ್ ಸರ್ಕಾರದ ರೈತ ವಿರೋಧಿ ನೀತಿ ಖಂಡಿಸಿ ಬಿಜೆಪಿ ರೈತ ಮೋರ್ಚಾದಿಂದ ಪ್ರತಿಭಟನೆ

ಈ ಬಗ್ಗೆ ಮಾತನಾಡಿದ ಡ್ರೋನ್ ಪೈಲಟ್ ಸ್ನೇಹ್, ರಕ್ತದ ಮಾದರಿಗಳನ್ನು ಸಾಗಿಸುವ ಡ್ರೋನ್ ಪ್ರಾಯೋಗಿಕ ಹಾರಾಟದಲ್ಲಿತ್ತು. ಬಹುಶಃ ತಾಂತ್ರಿಕ ಅಡಚಣೆ ಅಥವಾ ಹವಾಮಾನ ಪರಿಸ್ಥಿತಿಗಳಿಂದ ಮರಕ್ಕೆ ಅಪ್ಪಳಿಸಿ ಪತನಗೊಂಡಿದೆ. ಡ್ರೋನ್ 400 ಅಡಿ ಎತ್ತರದವರೆಗೆ ಹಾರುವ ಸಾಮರ್ಥ್ಯ ಹೊಂದಿದೆ ಎಂದು ಹೇಳಿದರು,(ಏಜೆನ್ಸೀಸ್).

https://www.vijayavani.net/pushpa-2-team-posted-first-look-poster-of-fahadh-faasil