ಅಂತಾರಾಷ್ಟ್ರೀಯ ಹಗರಣ: ಕರ್ನಾಟಕದಲ್ಲಿ ತೆರೆದುಕೊಂಡಿರುವ ಕೋಟ್ಯಂತರ ರೂ.ಗಳ ಅತಿದೊಡ್ಡ ಬಿಟ್ ಕಾಯಿನ್ ಹಗರಣವನ್ನು ಕರ್ನಾಟಕದ ಬಿಜೆಪಿ ಸರ್ಕಾರ ಮುಚ್ಚಿ ಹಾಕುತ್ತಿದೆ. ರಾಷ್ಟ್ರೀಯ ತನಿಖಾ ಆಯೋಗ, ಇಂಟರ್ಪೋಲ್, ಜಾರಿ ನಿರ್ದೇಶನಾಲಯ ಸೇರಿದಂತೆ ವಿವಿಧ ತನಿಖಾ ಏಜೆನ್ಸಿಗಳಿಗೆ ಯಾವುದೇ ಮಾಹಿತಿ ಹಂಚಿಕೊಳ್ಳದೆ ಹಗರಣದಿಂದ ಪಾರಾಗಲು ಷಡ್ಯಂತ್ರ ರೂಪಿಸಿದೆ ಎಂದು ರಾಜ್ಯ ಕಾಂಗ್ರೆಸ್ ಉಸ್ತುವಾರಿಯೂ ಆದ ಸುರ್ಜೆವಾಲ ಗಂಭೀರ ಆರೋಪ ಮಾಡಿದರು. ಇದೊಂದು ಅಂತಾರಾಷ್ಟ್ರೀಯ ಹಗರಣವಾಗಿದ್ದು, ಅನೇಕ ಬಿಜೆಪಿ ನಾಯಕರು ಭಾಗೀದಾರರಾಗಿದ್ದಾರೆ. ಬಿಟ್ ಕಾಯಿನ್ ವ್ಯವಹಾರದಲ್ಲಿ ಹ್ಯಾಕಿಂಗ್ ಮೂಲಕ ಕೋಟ್ಯಂತರ ರೂಪಾಯಿ ಹಣ ವರ್ಗಾವಣೆ ಮಾಡಿದ್ದ ಶ್ರೀಕೃಷ್ಣ 100ಕ್ಕಿಂತಲೂ ಹೆಚ್ಚು ದಿನ ಬಂಧನದಲ್ಲಿದ್ದ. ಡಿಸೆಂಬರ್ 2020ರಲ್ಲಿ ಆತ ಬೆಂಗಳೂರಿನ ಮೆಟ್ರೋಪಾಲಿಟನ್ ಮ್ಯಾಜಿಸ್ಟ್ರೇಟ್ಗೆ ನೀಡಿದ್ದ ಹೇಳಿಕೆಯಲ್ಲಿ ವಿವಿಧ ದೇಶಗಳ ಕ್ರಿಪ್ಟೋಕರೆನ್ಸಿ ವೆಬ್ಸೈಟ್ಗಳನ್ನು ಹ್ಯಾಕ್ ಮಾಡಿ ಸಾವಿರಾರು ಬಿಟ್ ಕಾಯಿನ್ಗಳನ್ನು ಕದ್ದಿರುವುದನ್ನು ಒಪ್ಪಿಕೊಂಡಿದ್ದ. ಹಾಗಿದ್ದರೂ, ರಾಜ್ಯ ಬಿಜೆಪಿ ಸರ್ಕಾರ 5 ತಿಂಗಳ ಕಾಲ ಜಾಣಕುರುಡನ್ನು ಪ್ರದರ್ಶಿಸಿದ್ದು ಏಕೆ ಎಂದು ಪ್ರಶ್ನಿಸಿದರು.
