BiggBoss ವಿನ್ನರ್​ಗೆ ಲಭಿಸಿದೆ ಐದು ಕೋಟಿಗೂ ಅಧಿಕ ವೋಟ್​; ಫಿನಾಲೆ ವೇದಿಕೆಯಲ್ಲಿ ಬಹಿರಂಗವಾಯ್ತು ಅಧಿಕೃತ ಲೆಕ್ಕ

ಬೆಂಗಳೂರು: ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್​ಬಾಸ್​ 11ನೇ ಆವೃತ್ತಿಯು (BiggBoss 11th Season) ಮುಕ್ತಾಯದ ಹಂತ ತಲುಪಿದ್ದು, ಈಗಾಗಲೇ ಫಿನಾಲೆ ಸಂಚಿಕೆ ಪ್ರಸಾರವಾಗುತ್ತಿದೆ. ಜತ್​, ತ್ರಿವಿಕ್ರಮ್​, ಹನುಮಂತು, ಉಗ್ರಂ ಮಂಜು, ಮೋಕ್ಷಿತಾ ಹಾಗೂ ಮಂಜು ಫೈನಲ್ ತಲುಪಿದ್ದಾರೆ. ಆರಂಭದಲ್ಲಿ ಗಲಾಟೆಯ ವಿಚಾರವಾಗಿ ಹೆಚ್ಚು ಸದ್ದು ಮಾಡಿದ್ದ ಬಿಗ್​ಬಾಸ್​ ಕಾರ್ಯಕ್ರಮವು ಆ ಬಳಿಕ ಟಿಆರ್​​​ಪಿ ವಿಚಾರದಲ್ಲಿ ದಾಖಲೆ ಬರೆದಿತ್ತು. ನಿರೂಪಕ ಕಿಚ್ಚ ಸುದೀಪ್ ಆರಂಭದಲ್ಲೇ ಹೇಳಿದಂತೆ 11ನೇ ಆವೃತ್ತಿಯ ಬಿಗ್​ಬಾಸ್​ ಈಗ ಮತ್ತೊಂದು ದಾಖಲೆಯನ್ನು ಬರೆದಿದೆ.

ಈ ಮೊದಲು 10ನೇ ಆವೃತ್ತಿಯ ಬಿಗ್​ಬಾಸ್​ (BiggBoss) ಯಶಸ್ವಿ ಎನಿಸಿಕೊಂಡಿತ್ತು. ಆದರೆ, 11ನೇ ಸೀಸನ್​ ಅದಕ್ಕೆ ಸೆಡ್ಡು ಹೊಡೆದಿದ್ದು, ಟಿಆರ್​ಪಿ ಸೇರಿದಂತೆ ಅನೇಕ ವಿಚಾರದಲ್ಲಿ ದಾಖಲೆ ಬರೆದಿತ್ತು. ಇದೀಗ ವೋಟಿಂಗ್ ವಿಚಾರದಲ್ಲೂ ಕೂಡ 11ನೇ ಆವೃತ್ತಿಯ ಬಿಗ್​ಬಾಸ್​ ಎಲ್ಲರ ಗಮನ ಸೆಳೆದಿದ್ದು, ಈ ವಿಚಾರವನ್ನು ಫಿನಾಲೆ ವೇದಿಕೆಯಲ್ಲಿ ಸುದೀಪ್ ಅವರು ರಿವೀಲ್​ ಮಾಡಿದ್ದಾರೆ.

ಅದರಂತೆ ಬಿಗ್​ಬಾಸ್​​ 11ನೇ ಆವೃತ್ತಿಯನ್ನು​ ಗೆಲ್ಲಲಿರುವ ಸ್ಫರ್ಧಿಯು 5,23,89,318 ಕೋಟಿ ಮತ ಪಡೆದಿದ್ದು, ಮೊದಲು ಎಮಿಲಿನೇಟ್​​ ಆಗುತ್ತಿರುವ ಸ್ಫರ್ಧಿ 64,48,853 ಮತಗಳನ್ನು ಪಡೆದಿದ್ದಾರೆ. ಈ ವಿಚಾರವನ್ನು ಕೇಳಿ ಸ್ಫರ್ಧಿಗಳು ಹಾಗೂ ನೆರದಿದ್ದವರು ಹೌಹಾರಿದ್ದು, ಜನರು ಕಾರ್ಯಕ್ರಮಕ್ಕೆ ಎಷ್ಟು ಪ್ರೀತಿ ನೀಡಿದ್ದಾರೆ ಎಂಬುದಕ್ಕೆ ಸ್ಫರ್ಧಿಗಳು ಪಡೆದಿರುವ ಮತಗಳೇ ಸಾಕ್ಷಿಯಾಗಿದೆ.

ಭರಪೂರ ಮನರಂಜನೆಯ ಜೊತೆಗೆ ವಿವಾದಗಳನ್ನು ಹುಟ್ಟು ಹಾಕುವ ಬಿಗ್​ಬಾಸ್​ (BiggBoss), ಕಿರುತೆರೆ ಲೋಕದ ಜನಪ್ರಿಯ ಶೋಗಳಲ್ಲಿ ಒಂದೆಂದರೆ ತಪ್ಪಾಗಲಾರದು. ಪ್ರೀತಿ, ಸ್ನೇಹ ಸಂಬಂಧಗಳಿಗೆ ಈ ಶೋ ಬೆಸುಗೆಯಾಗುತ್ತದೆ. ಇಲ್ಲಿ ನಗು, ಕಣ್ಣೀರು, ಕೋಪ, ಮುನಿಸು ಮತ್ತು ಮನಸ್ತಾಪಗಳ ಮಿಶ್ರಣವು ಇದೆ. ಟಾಸ್ಕ್​ ನೀಡುವುದರ ಜೊತೆಗೆ ಜೀವನದ ಪಾಠವನ್ನು ಹೇಳಲಾಗುತ್ತದೆ. ಎಲ್ಲದಕ್ಕಿಂತ ಹೆಚ್ಚಾಗಿ ವಾರದ ಕೊನೆಯಲ್ಲಿ ನಟ ಕಿಚ್ಚ ಸುದೀಪ್​ ಸರಿ-ತಪ್ಪುಗಳ ತಿದ್ದುವಿಕೆ ಶೋಗೆ ಹೊಸ ಆಯಾಮವನ್ನು ತಂದುಕೊಡುತ್ತದೆ. ಈ ಎಲ್ಲ ಕಾರಣಗಳಿಂದ ಈ ಶೋ ವಿಶೇಷ ಎನಿಸಿಕೊಂಡಿದ್ದು, ಕಿರುತೆರೆ ಲೋಕದಲ್ಲಿ ಸಿಕ್ಕಾಪಟ್ಟೆ ಜನಪ್ರಿಯತೆ ಪಡೆದುಕೊಂಡಿದೆ.

https://www.vijayavani.net/padma-awards-2025-30-unsung-heroes-awarded-padma-shri

https://www.vijayavani.net/these-are-the-two-contestants-eliminated-form-biggboss-grand-finale