BBKS11: ಭಾರವಾದ ಮನಸ್ಸಿನಿಂದಲೇ ಜವಾಬ್ದಾರಿ ನಿಭಾಯಿಸಲು ಹಾಜರಾದ 'ಕಿಚ್ಚ'; ಕಣ್ಣೀರಾದ ಸ್ಪರ್ಧಿಗಳು

ಬೆಂಗಳೂರು: ಕಳೆದ ವಾರ ಸುದೀಪ್ ಅವರ ಅನುಪಸ್ಥಿತಿಯಲ್ಲಿ ನಡೆದ ವಾರಾಂತ್ಯದ ಸಂಚಿಕೆ ಬಹಳ ಬೇಸರದಿಂದಲೇ ನಡೆಯಿತು. ಅದಕ್ಕೆ ಕಾರಣ ನಟ, ನಿರೂಪಕ ಕಿಚ್ಚ ಸುದೀಪ್​ ಅವರ ತಾಯಿ ಅಗಲಿಕೆ. ಮಾತೃ ವಿಯೋಗದ ನೋವಿನಲ್ಲಿದ್ದ ಸುದೀಪ್​ ಕಳೆದ ಸಂಚಿಕೆಯನ್ನು ನಡೆಸಿಕೊಡಲು ವೇದಿಕೆಗೆ ಹಾಜರಾಗಲಿಲ್ಲ. ಹೀಗಾಗಿ ಕಿಚ್ಚನ ಬದಲಿಗೆ ನಿರ್ದೇಶಕ ಯೋಗರಾಜ್ ಭಟ್ ಮತ್ತು ಮಾತಿನ ಮಲ್ಲ, ಬಿಗ್ ಬಾಸ್​ ಸೀಸನ್​ ಎರಡರ ರನ್ನರ್​ ಅಪ್​ ಸೃಜನ್ ಲೋಕೇಶ್ ಶನಿವಾರ ಮತ್ತು ಭಾನುವಾರದ ಸಂಚಿಕೆಯನ್ನು ಸರಿದೂಗಿಸಿದರು. ಭಾರೀ ಬೇಸರಕ್ಕೆ ಒಳಗಾಗಿದ್ದ ವೀಕ್ಷಕರು, ಈ ವಾರ ಸುದೀಪ್​ ಬರುತ್ತಾರಾ? ಎಂಬ ಗೊಂದಲದ್ದಲ್ಲಿದ್ದರು. ಇದಕ್ಕೀಗ ಉತ್ತರ ಸಿಕ್ಕಿದೆ.

ಇದನ್ನೂ ಓದಿ: ಹೆಂಡ್ತಿಗೆ ಹೆದರಿ ಕಾರುಗಳನ್ನು ಬಚ್ಚಿಟ್ಟ ದುಲ್ಕರ್ ಸಲ್ಮಾನ್! ಈ ನಟ ಬಳಿ ಇದೇ ಬರೋಬ್ಬರಿ 70 ಕಾರುಗಳು… Dulquer Salmaan

'ವಾರದ ಕಥೆ ಕಿಚ್ಚನ ಜತೆ' ಸಂಚಿಕೆಗೆ ಹಾಜರಾಗಿರುವ ಕಿಚ್ಚ ಸುದೀಪ್​, ಅಮ್ಮನ ಅಗಲಿಕೆಯ ನೋವು ಕಾಡುತ್ತಿದ್ದರೂ ಸಹ ಭಾರವಾದ ಮನಸ್ಸಿನಿಂದಲೇ ತಮ್ಮ ಜವಾಬ್ದಾರಿ ನಿಭಾಯಿಸಲು ಇದೀಗ ವೇದಿಕೆಗೆ ಕಾಲಿಟ್ಟಿದ್ದಾರೆ. ಸುದೀಪ್​ ಅವರ ತಾಯಿಯನ್ನು ಸ್ಮರಿಸಿ, ವೇದಿಕೆಯ ಮೇಲೆ ಹಾಡಿನ ಮೂಲಕ ನಮನ ಸಲ್ಲಿಸಲಾಗಿದೆ. ಕಣ್ಣಂಚಲಿ ನೀರು ತುಂಬಿಕೊಂಡೆ, ಶನಿವಾರದ ಪಂಚಾಯತಿಯನ್ನು ನಡೆಸಿಕೊಡಲು ಸಿದ್ಧತೆ ಮಾಡಿಕೊಂಡು ಬಂದಿರುವ ಸುದೀಪ್​ರನ್ನು ಕಂಡು ಬಿಗ್ ಮನೆಯ ಸ್ಪರ್ಧಿಗಳು ಕೂಡ ಕಣ್ಣೀರಿಟ್ಟಿದ್ದಾರೆ.

ಅಮ್ಮನನ್ನು ಕಳೆದುಕೊಂಡ ನೋವಿನಲ್ಲಿ ಬಿಗ್ ಬಾಸ್​ ವೇದಿಕೆ ಬಂದಿರುವ ಸುದೀಪ್ ಅವರ ಪ್ರೋಮೋ ಇದೀಗ ಹೊರಬಿದ್ದಿದ್ದು, ನೋಡುಗರ ಕಣ್ಣನ್ನು ಒದ್ದೆಯಾಗಿಸಿದೆ. ಈ ವಾರ ಯಾರು ಮನೆಯಲ್ಲಿ ಉಳಿಯುತ್ತಾರೆ? ಯಾರಿಗೆ ಈ ಪಯಣ ಅಂತ್ಯವಾಗಲಿದೆ ಎಂಬುದು ವಾರದ ಕಥೆ ಕಿಚ್ಚನ ಜತೆ ಮತ್ತು ಸೂಪರ್ ಸಂಡೆ ವಿತ್ ಸುದೀಪ್​ ಸಂಚಿಕೆಯಲ್ಲಿ ಸ್ಪಷ್ಟವಾಗಿ ತಿಳಿಯಲಿದೆ.

https://www.vijayavani.net/what-does-imd-colors-indicates