BBKS10: ಸಂಗೀತಾ-ಪ್ರತಾಪ್​ಗೆ ಚಿಕಿತ್ಸೆ! ಈ ವಾರ ಹೊರ ಹೋಗೋದ್ಯಾರು?

ಬೆಂಗಳೂರು: ಬಿಗ್​ ಬಾಸ್​ ಕನ್ನಡ ಸೀಸನ್​ ಇದೀಗ 10ನೇ ವಾರದ ಕೊನೆಯಲ್ಲಿದ್ದು, ಇಡೀ ವಾರ ಮನೆಯ ಸದಸ್ಯರು ಆಡಿದ ಆಟದ ವೈಖರಿ ನೋಡಿ ವೀಕ್ಷಕರು ಆತಂಕ ವ್ಯಕ್ತಪಡಿಸಿದ್ದು. ತೀವ್ರ ಬೇಸರ ಹೊರಹಾಕಿದ್ದಾರೆ. ಇದಕ್ಕೆ ಕಾರಣ ಬಿಗ್​ ಬಾಸ್​ ಕೊಟ್ಟ ರಾಕ್ಷಸರು ಮತ್ತು ಗಂಧರ್ವರ ಟಾಸ್ಕ್​! ರಕ್ಕಸರಾಗಿ ಒಂದು ತಂಡ ಆಡಿದರೆ, ಮತ್ತೊಂದು ತಂಡ ಗಂಧರ್ವರಾಗಿ ಅಖಾಡದಲ್ಲಿ ಬಿರುಸಿನ ಪೈಪೋಟಿ ನಡೆಸಿತು. ಸದ್ಯ ಈಗ ವಾರಾಂತ್ಯ ಎದುರಾಗಿದ್ದು, ಕಿಚ್ಚನ ಪಂಚಾಯಿತಿಯಲ್ಲಿ ವೀಕ್ಷಕರ ಗೊಂದಲ ಮತ್ತು ಪ್ರಶ್ನೆಗಳಿಗೆ ಉತ್ತರ ಸಿಗುಲಿದ್ಯಾ? ಎಂಬ ನಿರೀಕ್ಷೆ ಹೆಚ್ಚಿದೆ.

ಇದನ್ನೂ ಓದಿ: ವೃದ್ಧನಿಗೆ ಚಪ್ಪಲಿ ಹಾರ ಹಾಕಿ, ಉಗುಳು ನೆಕ್ಕು ಎಂದ ಪುಂಡರ ಗ್ಯಾಂಗ್ ಅರೆಸ್ಟ್​​!

ಮೊದಲು ರಾಕ್ಷಸರಾಗಿ ಆಡಿದ ಸಂಗೀತಾ ತಂಡ ಎದುರಿನಲ್ಲಿದ್ದ ಗಂಧರ್ವರನ್ನು ಬೆಂಬಿಡದೆ ಶಿಕ್ಷಿಸಿದರು. ಇದಾದ ಬಳಿಕ ಅತ್ತೆಗೊಂದು ಕಾಲ ಸೊಸೆಗೊಂದು ಕಾಲ ಎಂಬಂತೆ ರಕ್ಕಸರಾಗಿ ಆಟವಾಡುವ ಅವಕಾಶ ಪಡೆದ ವಿನಯ್​ ತಂಡ, ಗಂಧರ್ವರಾದ ತಂಡಕ್ಕೆ ಕಠಿಣ ಶಿಕ್ಷೆಗಳನ್ನು ಕೊಡುವ ಮೂಲಕ ಪ್ರತಿಕಾರ ತೀರಿಸಿಕೊಂಡರು. ಈ ವೇಳೆ ವಿಪರೀತಗೊಂಡ ಮಾತಿನ ಸಮರ, ತೀವ್ರ ವಾಗ್ವಾದಕ್ಕೆ ತಿರುಗಿ ಪರಸ್ಪರ ಬಡಿದಾಡಿಕೊಳ್ಳುವಂತೆ ಕೂಡ ಮಾಡಿತು.

ವಿನಯ್​ ಮತ್ತು ಕಾರ್ತಿಕ್ ನಡುವೆ ಕೆಟ್ಟ ಪದಗಳ ಬಳಕೆ ಹಾಗೂ ಚಪ್ಪಲಿ ಎಸೆತ ಕುರಿತು ನಡೆದ ಜಟಾಪಟಿ ತಾರಕಕ್ಕೇರಿದರೆ, ಅತ್ತ ನಮ್ರತಾ ಹಾಗೂ ಸಂಗೀತಾ ಮಧ್ಯೆ ಏಕವಚನ ದಾಳಿ ಕೂಡ ನಡೆಯಿತು. ಪ್ರತಿಕಾರಕ್ಕೆ ತಿರುಗಿದ ಈ ಟಾಸ್ಕ್​ನಲ್ಲಿ ಸೋಪಿನ ನೊರೆಭರಿತ ನೀರನ್ನು ಬಳಸಿ ಪ್ರತಾಪ್​ ಮತ್ತು ಸಂಗೀತಾಗೆ ಶಿಕ್ಷಿಸಿದ ರಾಕ್ಷಸರ ತಂಡ, ಜೋರು ಜೋರಾಗಿ ನೀರಿನಿಂದ ಇಬ್ಬರ ಮುಖಕ್ಕೆ ಅಪ್ಪಳಿಸಿದರು. ಇದರಿಂದ ತೊಂದರೆ ಅನುಭವಿಸಿದ ಸಂಗೀತಾ ತಕ್ಷಣವೇ ಕುಳಿತ ಜಾಗದಿಂದ ಹೊರಬಂದರು.

ಇದನ್ನೂ ಓದಿ:  ‘ಕಣ್ಮರೆಯಾದ ಲೀಲಮ್ಮ’; ಬಣ್ಣದ ಲೋಕದಲ್ಲಿ ಲೀಲಾವತಿಯವರ ಮೊದಲ ಚಿತ್ರ, ಪಾತ್ರ ಯಾವುದು? ಇಲ್ಲಿದೆ ವಿವರ

ಕಣ್ಣು ಬಿಡಲಾಗದೆ, ಉಸಿರಾಡಲಾಗದೆ ಪರದಾಡಿದ ಸಂಗೀತಾ, ಕಣ್ಣೀರಿಡುತ್ತ ಕನ್​ಫೆಷನ್​ ರೂಂಗೆ ತೆರಳಿ ಅಗತ್ಯ ಚಿಕಿತ್ಸೆ ಪಡೆಯಲು ಮುಂದಾದರು. ಇದೇ ಸಮಯಕ್ಕೆ ಪ್ರತಾಪ್ ಕೂಡ ಈ ಸಂಕಟದಿಂದ ಕೂಡಲೇ ಹೊರಬಂದಿದ್ದು, ಅಳುತ್ತ ಚಿಕಿತ್ಸೆಗಾಗಿ ಓಡಿದ್ದಾರೆ. ಸದ್ಯ ಮನೆಯೊಳಗೆ ಕಾಣಿಸದ ಸಂಗೀತಾ-ಪ್ರತಾಪ್​ ಹೆಚ್ಚಿನ ಚಿಕಿತ್ಸೆ ಪಡೆಯುತ್ತಿದ್ದಾರೆಯೇ? ಎಂಬ ಅನುಮಾನಗಳು ವೀಕ್ಷಕರಲ್ಲಿ ಮೂಡಿದೆ.

ಇಂದು ನಡೆಯಲಿರುವ ವಾರದ ಕಥೆ ಕಿಚ್ಚನ ಜತೆ ಸಂಚಿಕೆಯಲ್ಲಿ ಯಾರು ಮನೆಯಿಂದ ಹೊರ ಹೋಗಲಿದ್ದಾರೆ? ಯಾರು ಉಳಿಯಲಿದ್ದಾರೆ? ಯಾರಿಗೆ ಕಿಚ್ಚನ ಕ್ಲಾಸ್, ಚಪ್ಪಾಳೆ​ ಸಿಗಲಿದೆ ಎಂಬದುನ್ನು ಕಾದು ನೋಡಬೇಕಿದೆ.

https://www.vijayavani.net/this-is-the-first-film-and-role-of-sandalwood-actress-leelavathi