BBK11: ಕನ್ನಡದ ಅತಿ ದೊಡ್ಡ ರಿಯಾಲಿಟಿ ಶೋ ಎಂದೇ ಖ್ಯಾತಿ ಪಡೆದಿರುವ ಬಿಗ್ ಬಾಸ್ ಕನ್ನಡ ಸೀಸನ್ 11ರ ಸ್ಪರ್ಧಿಗಳು ಇದೀಗ ಯಶಸ್ವಿ 15 ವಾರಗಳನ್ನು ಪೂರೈಸಿ, 16ನೇ ವಾರ ಹಾಗೂ ಕೊನೆಯ ವಾರಕ್ಕೆ ಕಾಲಿಟ್ಟಿದ್ದಾರೆ. ಆರಂಭಿಕದ ಮೊದಲೆರೆಡು ವಾರಗಳಲ್ಲೇ ದೊಡ್ಡ ವಿವಾದಕ್ಕೆ ಮತ್ತು ಜಟಾಪಟಿಗೆ ಕಾರಣವಾಗಿದ್ದ ಬಿಗ್ ಬಾಸ್ ಸೀನಸ್ 11 ಇದೀಗ ಕೊನೆಯ ಹಂತವನ್ನು ತಲುಪಿದ್ದು, ಗ್ರ್ಯಾಂಡ್ ಫಿನಾಲೆಗೆ ಸನ್ನಿಹಿತವಾಗಿದೆ. ಸ್ನೇಹ, ಪ್ರೀತಿ-ಸಂಬಂಧ, ದೋಸ್ತಾ, ಜಗಳ, ಮನಸ್ತಾಪಗಳ ನಡುವೆ 20 ಘಟಾನುಘಟಿ ಸ್ಪರ್ಧಿಗಳ ಪೈಕಿ ಸದ್ಯ ಮನೆಯೊಳಗೆ ಉಳಿದುಕೊಂಡಿರುವುದು ಕೇವಲ 6 ಸದಸ್ಯರು ಮಾತ್ರ. ಇವರಲ್ಲಿ ಫಿನಾಲೆ ಕಪ್ ಗೆಲ್ಲುವುದು ಒಬ್ಬರೇ ಆಗಿದ್ದು, ಅದು ಯಾರ ಮುಡಿಗೆ ಎಂಬುದೇ ಈಗ ಕೌತುಕ.
