ನಡು ರಸ್ತೆಯಲ್ಲೇ ಧಾಬಾ ಮಾಲೀಕನ ಬರ್ಬರ ಹತ್ಯೆ, ಕಾರಣ ಕೇಳಿದರೆ ಶಾಕ್ ಆಗ್ತೀರಾ! |Indore

Indore : ಮಧ್ಯಪ್ರದೇಶದ ಇಂದೋರ್​ ರಸ್ತೆಯಲ್ಲಿ ಗುಟ್ಕಾ ಉಗುಳುವುದನ್ನು ಆಕ್ಷೇಪಿಸಿದ ತಿನಿಸು ಅಂಗಡಿ ಮಾಲೀಕನನ್ನು ಇರಿದು ಕೊಲೆ ಮಾಡಿರುವ ಮೂವರು ಆರೋಪಿಗಳನ್ನುಇಂದೋರ್​ ಪೊಲೀಸರು ಸೋಮವಾರ (ಆ.11) ಬಂಧಿಸಿದ್ದಾರೆ.

ನಗರದಲ್ಲಿ ಧಾಬಾ ಹೊದಿದ್ದ ಲೇಖ್​ರಾಜ್​ (25) ಅವರನ್ನು ಭಾನುವಾರ ತಡರಾತ್ರಿ ವಿಜಯನಗರ ರಸ್ತೆಯಲ್ಲಿ ಹತ್ಯೆ ಮಾಡಲಾಗಿದ್ದು, ದಾಳಿಕೋರರು ಸ್ಥಳದಿಂದ ಪರಾರಿಯಾಗಿದ್ದಾರೆ ಎಂದು ಹೆಚ್ಚುವರಿ ಉಪ ಲೋಕಾಯುಕ್ತ ಅಮರೇಂದ್ರ ಸಿಂಗ್​ ಸುದ್ದಿ ಮೂಲಗಳಿಗೆ ತಿಳಿಸಿದ್ದಾರೆ.

ಇದನ್ನೂ ಓದಿ: 5 ಬೆಡ್​ರೂಮ್ಸ್​, ಕಚೇರಿ, ಕ್ಯಾಂಟೀನ್​, ಜಿಮ್​…ಸಂಸದರ ಹೊಸ ವಸತಿ ಸಂಕೀರ್ಣದಲ್ಲಿದೆ ಈ ಲಕ್ಷುರಿ ವ್ಯವಸ್ಥೆ! Housing Complex

ತನಿಖೆ ಸಮಯದಲ್ಲಿ ಸಂಗ್ರಹಿಸಿದ ಮಾಹಿತಿಯ ಆಧಾರದ ಮೇಲೆ ಪೊಲೀಸರು ಆರೋಪಿಗಳಾದ ರಾಜ್​ ಅಹಿರ್ವಾರ್​ (19), ಪವನ್​ ರಜಕ್​ (20), ಹಾಗೂ ಜಗದೀಶ್​ ಸಿಸೊಡಿಯ (33) ಅವರನ್ನು ಬಂಧಿಸಿದ್ದಾರೆ.

ಘಟನೆ ಏನು?

ಲೇಖರಾಜ್​ ತಡರಾತ್ರಿ ಧಾಬಾ ಮುಚ್ಚಿದ ನಂತರ ತನ್ನ ಇಬ್ಬರು ಸ್ನೇಹಿತರೊಂದಿಗೆ ಹಾದುಹೋಗುತ್ತಿದ್ದನು ಈ ವೇಳೆ ಆರೋಪಿಗಳಲ್ಲಿ ಒಬ್ಬ ಮೋಟಾರ್​ ಸೈಕಲ್​ನಲ್ಲಿ ಪ್ರಯಾಣಿಸುತ್ತಿದ್ದಾಗ, ರಸ್ತೆಯಲ್ಲಿ ಗುಟ್ಕಾ ಉಗುಳಿದ್ದಾನೆ. ಈ ವೇಳೆ ಲೇಖ​ರಾಜ್​ ಆಕ್ಷೇಪ ನಡೆಸಿದ್ದು, ಇವರಿಬ್ಬರು ವಗ್ವಾದಕ್ಕೆ ಕಾರಣವಾಗಿದೆ. ಕೋಪಗೊಂಡ ಆರೋಪಿಗಳು ಲೇಖರಾಜ್​ ಮೇಲೆ ಚಾಕುವಿನಿಂದ ಹಲ್ಲೆ ನಡೆಸಿದ್ದು, ತೀವ್ರ ರಕ್ತಸ್ರಾವದಿಂದ ಸಾವನ್ನಪ್ಪಿದ್ದಾನೆ ಎಂದು ಸ್ನೇಹಿತ ಶ್ರೀ ಸಿಂಗ್ ಪೊಲೀಸರಿಗೆ ತಿಳಿಸಿದ್ದಾನೆ.

ಪೊಲೀಸರು ಕೃತ್ಯಕ್ಕೆ ಬಳಸಿದ ಚಾಕು ಹಾಗೂ ಮೋಟಾರ್​ ಸೈಕಲ್​ನ್ನು ವಶಕ್ಕೆ ಪಡೆದಿದ್ದು, ಈ ವಿಚಾರದ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/terrorist-attack-survivor-devika-rotavam-conferred-with-sri-shanmuka-shaurya-award-on-independence-day