ಪಂದ್ಯದ ಮಧ್ಯೆ ಕುಸಿದುಬಿದ್ದ ಬಾಂಗ್ಲಾದೇಶ ಚೆಸ್ ಗ್ರ್ಯಾಂಡ್‌ಮಾಸ್ಟರ್ ಜಿಯಾವುರ್ ರೆಹಮಾನ್ ನಿಧನ

ಬಾಂಗ್ಲಾದೇಶ: ಟಾಪ್ ಕ್ಲಾಸ್​ ಚೆಸ್ ಗ್ರ್ಯಾಂಡ್‌ಮಾಸ್ಟರ್ ಜಿಯಾವುರ್ ರೆಹಮಾನ್ ಅವರು ಚದುರಂಗ ಪಂದ್ಯದಲ್ಲಿ ತೊಡಗಿದ್ದಾಗ ದಿಢೀರ್​ ಕುಸಿದುಬಿದ್ದು, ಇಹಲೋಕ ತ್ಯಜಿಸಿದ್ದಾರೆ. ರಾಷ್ಟ್ರೀಯ ಚಾಂಪಿಯನ್‌ಶಿಪ್ ಪಂದ್ಯದ ವೇಳೆ ಅವರು ಕುಸಿದುಬಿದ್ದು ನಿಧನರಾದರು ಎಂದು ಸ್ಥಳೀಯ ಅಧಿಕಾರಿಯೊಬ್ಬರು ಮಾಹಿತಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ಯಶಸ್ವಿ ವಿಕ್ಟರಿ ಪರೇಡ್​; ಮುಂಬೈ ಪೊಲೀಸರಿಗೆ ಕೊಹ್ಲಿ, ಜಡೇಜಾ ಸಲಾಂ

ಬಾಂಗ್ಲಾದೇಶ ಚೆಸ್ ಫೆಡರೇಶನ್‌ನ ಪ್ರಧಾನ ಕಾರ್ಯದರ್ಶಿಯಾದ ಶಹಾಬ್ ಉದ್ದೀನ್ ಶಮಿಮ್ ಕೊಟ್ಟ ಮಾಹಿತಿ ಪ್ರಕಾರ, ಚಾಂಪಿಯನ್​ಶಿಪ್ ಪಂದ್ಯದಲ್ಲಿ ಜಿಯಾವುರ್ 12ನೇ ಸುತ್ತಿನ ಪಂದ್ಯದಲ್ಲಿ ಭಾಗಿಯಾಗಿದ್ದರು. ಈ ವೇಳೆ ತಮ್ಮ ಎದುರಾಳಿ ಇನಾಮುಲ್ ಹೊಸೈನ್ ವಿರುದ್ಧ ಪಂದ್ಯವಾಡುತ್ತಿದ್ದಾಗ ದಿಢೀರ್​​ ಕುಸಿದುಬಿದ್ದರು. ತಕ್ಷಣವೇ ಅವರನ್ನು ಢಾಕಾದ ಆಸ್ಪತ್ರೆಗೆ ಸಾಗಿಸಲಾಯಿತು. ಆದ್ರೆ, ಅಷ್ಟರೊಳಗೆ ಅವರು ಸಾವನ್ನಪ್ಪಿದ್ದರು ಎಂಬುದನ್ನು ವೈದ್ಯರು ಧೃಡಪಡಿಸಿದರು ಎಂದು ಹೇಳಿದ್ದಾರೆ.

ಆಟದ ಮಧ್ಯೆ ಅವರು ಆಯಾಸಗೊಂಡಿರುವುದು ಅಥವಾ ಕಷ್ಟಪಡುತ್ತಿದ್ದಾರೆ ಎಂಬ ಯಾವುದೇ ಸೂಚನೆಗಳು ನನಗೆ ಕಂಡುಬರಲಿಲ್ಲ. ಆದ್ರೆ, ಎದುರಿಗೆ ಕುಳಿತ್ತಿದ್ದ ರೆಹಮಾನ್​, ತಕ್ಷಣವೇ ಕುಸಿದುಬಿದ್ದರು ಎಂದು ಜಿಯಾವುರ್​ ಅವರ ಪ್ರತಿಸ್ಪರ್ಧಿ ಇನಾಮುಲ್​ ತಿಳಿಸಿದರು,(ಏಜೆನ್ಸೀಸ್). 

https://www.vijayavani.net/virat-mobile-wallpaper-has-this-photo-do-you-know-this