ಒಂದೇ ಹಾಡಿನಿಂದ ವೈರಲ್ ಆದ ಬಾಲಕ! ರಾಜ್ಯದ ಮುಖ್ಯಮಂತ್ರಿ ಬಾಯಲ್ಲೂ ಅವನದ್ದೇ ಮಾತು!

ರಾಯ್ಪುರ: ನೀವು ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ಆ್ಯಕ್ಟಿವ್ ಇರೋರಾದರೆ ನಿಮಗೆ ಆ ಒಬ್ಬ ಬಾಲಕನ ಬಗ್ಗೆ ನಿಮಗೆ ಗೊತ್ತಾಗಿಯೇ ಆಗಿರುತ್ತದೆ. ಜಾನೆ ಮೇರೆ ಜಾನೆ ಮನ್, ಬಚ್ಪನ್ ಕಾ ಪ್ಯಾರ್ ಮೇರಾ ಬೂಲ್ ನಹೀ ಜಾನಾ ರೇ.. ಎಂದು ಮುಗ್ದತೆಯಿಂದ ಹಾಡು ಹೇಳಿರುವ ಆ ಬಾಲಕನ ವಿಡಿಯೋ ನೋಡಿದಾಕ್ಷಣ ನೀವೂ ಲೈಕ್ ಬಟನ್ ಒತ್ತಿರುತ್ತೀರಿ.

ಹೌದು. ಇತ್ತೀಚೆಗೆ ಚತ್ತೀಸಗಢದ ಸಹದೇವ್ ಕುಮಾರ್ ಹೆಸರಿನ ಬಾಲಕನ ವಿಡಿಯೋ ಸಕತ್ ವೈರಲ್ ಆಗಿದೆ. ಸರ್ಕಾರಿ ಶಾಲೆಯ ಸಮವಸ್ತ್ರ ಧರಿಸಿ ಜೋರು ಧ್ವನಿಯಲ್ಲಿ ಹಾಡು ಹೇಳಿರುವ ಆ ಬಾಲಕನ ಮುಗ್ದತೆಗೆ ನೆಟ್ಟಿಗರು ಫಿದಾ ಆಗಿದ್ದಾರೆ. ಆ ವಿಡಿಯೋ ಅದೆಷ್ಟರ ಮಟ್ಟಿಗೆ ವೈರಲ್ ಆಗಿದೆಯೆಂದರೆ ಸ್ವತಃ ಆ ಹಾಡಿನ ಗಾಯಕರಾಗಿರುವ ಬಾದ್​ಶಾ ಕೂಡ ಸಹದೇವ್​ಗೆ ಕರೆ ಮಾಡಿ ಮಾತನಾಡಿದ್ದಾರೆ. ಚಂಡೀಗಢಕ್ಕೆ ಬಾ ಎಂದು ಆಮಂತ್ರಣವನ್ನೂ ಕೊಟ್ಟಿದ್ದಾರೆ. ಅವರಿಬ್ಬರು ಸೇರಿ ಮತ್ತೊಂದು ಹಾಡನ್ನು ಮಾಡಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಅಂದ ಹಾಗೆ ಸಹದೇವ್​ನನ್ನು ಚತ್ತೀಸ್​ಗಢದ ಮುಖ್ಯಮಂತ್ರಿ ಭೂಪೇಶ್ ಬಾಗೆಲ್ ಕೂಡ ಭೇಟಿ ಮಾಡಿ ಮಾತನಾಡಿಸಿದ್ದಾರೆ. ಆತನ ವೈರಲ್ ವಿಡಿಯೋವನ್ನು ನೋಡಿದ್ದ ಅವರು, ಬಾಲಕನ ಹೆಗಲ ಮೇಲೆ ಕೈ ಹಾಕಿ ನಿಂತು, ಆ ಹಾಡನ್ನು ನನಗಾಗಿ ಒಮ್ಮೆ ಹಾಡು ಎಂದು ಹೇಳಿಸಿದ್ದಾರೆ. ಅದರ ವಿಡಿಯೋವನ್ನು ತಮ್ಮ ಅಧಿಕೃತ ಟ್ವಿಟ್ಟರ್​ ಖಾತೆಯಲ್ಲೂ ಹಂಚಿಕೊಂಡಿದ್ದಾರೆ. (ಏಜೆನ್ಸೀಸ್)

https://www.vijayavani.net/a-determination-of-the-bommai-cabinet/

https://www.vijayavani.net/a-karntaka-new-cm-basavaraja-bommai-first-pressmeet-in-vidhanaswodha/