ಈ ಮರಿ ಬೆಂಗಾಲ್​ ಟೈಗರ್ ಹೆಸರು ಕೇಳಿದ್ರೆ ನೀವು ಖಂಡಿತ ಅಚ್ಚರಿ ಪಡ್ತಿರಾ!​

ಮೆಕ್ಸಿಕೋ: ಪಶ್ಚಿಮ ಮೆಕ್ಸಿಕೋ ಮೃಗಾಲಯದಲ್ಲಿ ಹುಟ್ಟಿದ ಹುಲಿಯ ಮರಿಯೊಂದಕ್ಕೆ ಕೋವಿಡ್​ ಎಂದು ನಾಮಕರಣ ಮಾಡಲಾಗಿದೆ. ಕರೊನಾ ಕಾಟಕ್ಕೆ ಇಡೀ ಅಮೆರಿಕವೇ ಸ್ತಬ್ಧವಾಗಿರುವ ಸಮಯದಲ್ಲಿ ಕರೊನಾದಿಂದ ಸ್ಫೂರ್ತಿಗೊಂಡು ಈ ಹೆಸರನ್ನು ಹುಲಿ ಮರಿಗೆ ಇಡಲಾಗಿದೆ.

ಮೃಗಾಯಲಯದ ಮಾಲೀಕರು ಕೋವಿಡ್​ ಎಂದು ಹೆಸರಿಸಿದ್ದಾರೆ. ಬೆಂಗಾಲ್​ ಟೈಗರ್​ ಕೋವಿಡ್​ ಮಾರ್ಚ್​ 14ರಂದು ಮೆಕ್ಸಿಕೋದ ಕಾರ್ಬೋಡಾ ನಗರದಲ್ಲಿರುವ ಸಣ್ಣ ಜೂನಲ್ಲಿ ಜನಿಸಿತು.

ಕೋವಿಡ್,​ 8 ವರ್ಷದ ತಾಯಿ ಹುಲಿಗೆ ಜನಿಸಿದೆ. ಸರ್ಕಸ್​ ಕಂಪನಿಯಲ್ಲಿ ಹುಲಿಯನ್ನು ವರ್ಷಗಳ ಹಿಂದೆಯೇ ರಕ್ಷಿಸಲಾಗಿತ್ತು. ಕೋವಿಡ್​ ತಂದೆಯ ವಯಸ್ಸು 6 ವರ್ಷ. ಖಾಸಗಿ ಮನೆಯೊಂದರಲ್ಲಿದ್ದ ಹುಲಿಯನ್ನು ರಕ್ಷಿಸಲಾಗಿತ್ತು. ಮಾಲೀಕರು ಸುಮಾರು 2 ದಶಕಗಳಿಂದ ಮೆಕ್ಸಿಕೋದಲ್ಲಿ ಜೂ ನಡೆಸುತ್ತಿದ್ದಾರೆ.

ಇನ್ನು ಅಮೆರಿಕದಲ್ಲಿ ಕರೊನಾ ಸೋಂಕಿತರ ಸಂಖ್ಯೆ ಲಕ್ಷ ದಾಟಿದ್ದು, ಈವರೆಗೂ ಸಾವಿಗೀಡಾದವರ ಸಂಖ್ಯೆ 2 ಸಾವಿರಕ್ಕೂ ಹೆಚ್ಚಿದೆ. (ಏಜೆನ್ಸೀಸ್​)

https://www.vijayavani.net/panipat-ration-depot-holder-shoots-wife-two-children-before-killing-self/

https://www.vijayavani.net/germanys-hesse-state-finance-minister-commits-suicide-over-covid-19/