ಬಡವರ ಮಕ್ಕಳು ಹಾಲು ಕುಡಿಯಬಾರದೇ? ದರ ಏರಿಕೆ ಬೆನ್ನಲ್ಲೇ ಸಿಎಂಗೆ ಪ್ರಶ್ನಿಸಿದ ಮಾಜಿ ಸಚಿವ

ಬೆಂಗಳೂರು: ಇತ್ತೀಚೆಗಷ್ಟೇ ತೈಲ ಬೆಲೆ ಏರಿಸಿದ್ದ ರಾಜ್ಯ ಸರ್ಕಾರ, ಇದೀಗ ಹಾಲಿನ ದರದಲ್ಲಿಯೂ ಸಹ ಹೆಚ್ಚಳ ಮಾಡಿದೆ. ಕರ್ನಾಟಕ ಸಹಕಾರಿ ಹಾಲು ಉತ್ಪಾದಕರ ಒಕ್ಕೂಟವು ಹಾಲಿನ ದರ ಹೆಚ್ಚಿಸಿದ್ದು, ಪ್ರತಿ ಲೀಟರ್‌ ಪ್ಯಾಕೆಟ್​ಗೆ 2.10 ರೂ. ಏರಿಕೆ ಮಾಡಿದೆ. ಇನ್ನು ಹಾಲಿನ ದರದಲ್ಲಿ ಕಂಡುಬಂದ ದಿಢೀರ್​ ಹೆಚ್ಚಳವನ್ನು ಖಂಡಿಸಿದ ಮಾಜಿ ಸಚಿವ, ಬಿಜೆಪಿ ನಾಯಕ ಅಶ್ವಥ್ ನಾರಾಯಣ, ರಾಜ್ಯದಲ್ಲಿ ಅಘೋಷಿತ ತುರ್ತು ಪರಿಸ್ಥಿತಿ ಹೇರಿರುವ ಕಾಂಗ್ರೆಸ್‌ ಸರ್ಕಾರ ನಿತ್ಯ ಬೆಲೆ ಏರಿಕೆ ನೀತಿಯನ್ನು ಅನುಸರಿಸುತ್ತಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ನಾನು ಕೂಡ ಅನೇಕ ರಿಲೇಶನ್​ಶಿಪ್​ನಲ್ಲಿದ್ದೆ ಕೊನೆಗೆ… ಕಿರಾತಕ ಬೆಡಗಿ ಓವಿಯಾ ಓಪನ್​ ಟಾಕ್​!

"ದೇಶದಲ್ಲಿ ತುರ್ತು ಪರಿಸ್ಥಿತಿ ಹೇರಿ ಇಂದಿಗೆ 49 ವರ್ಷ ತುಂಬಿರುವ ಬೆನ್ನಲ್ಲೇ ಹಾಲಿನ ದರವನ್ನು 2 ರೂ.ಗೆ ಏರಿಸಿ, ಬಡವರ ಹೊಟ್ಟೆಗೆ ಬಿಸಿ ನೀರೇ ಗತಿ ಎನ್ನುವ ಪರಿಸ್ಥಿತಿಯನ್ನು ತಂದೊಡ್ಡಿದೆ. ದಿನಸಿ ಪದಾರ್ಥಗಳ ಬೆಲೆ ಗಗನಕ್ಕೇರಿದೆ. ಪೆಟ್ರೋಲ್‌-ಡೀಸೆಲ್‌ ದರ ಶತಕ ಬಾರಿಸಿದೆ, ವಿದ್ಯುತ್‌ ದರ ಏರಿಕೆ ನಾಡಿನ ಜನತೆಗೆ ಶಾಕ್‌ ನೀಡಿದೆ. ಇದರ ಜತೆ ಬಸ್‌ ಪ್ರಯಾಣದ ದರ ಏರಿಸಿ ಜನಸಾಮಾನ್ಯರ ಜೇಬಿಗೆ ಕತ್ತರಿ ಹಾಕಲಾಗಿದೆ" ಎಂದಿದ್ದಾರೆ.

"ಕಳೆದ ವರ್ಷ ಆಗಸ್ಟ್‌ನಲ್ಲಿ ಹಾಲಿನ ದರದಲ್ಲಿ 3 ರೂ. ಏರಿಕೆ ಮಾಡಲಾಗಿತ್ತು. ಅದಾಗಿ ವರ್ಷ ಕಳೆಯುವ ಮುನ್ನವೇ ಇನ್ನೂ 2 ರೂ. ಹೆಚ್ಚಿಸಲಾಗಿದೆ. ಬರಿದಾಗಿರುವ ರಾಜ್ಯದ ಖಜಾನೆಯನ್ನು ತುಂಬಿಸಲು ಜನಸಾಮಾನ್ಯರ ಜೇಬಿಗೆ ಕತ್ತರಿ ಹಾಕುತ್ತಿರುವುದು ಖಂಡನೀಯ" ಎಂದು ಸಿಎಂ ಸಿದ್ದರಾಮಯ್ಯ ಹಾಗೂ ರಾಜ್ಯ ಸರ್ಕಾರದ ವಿರುದ್ಧ ಕಿಡಿಕಾರಿದ್ದಾರೆ.

https://www.vijayavani.net/team-india-wins-delhi-police-tweet-goes-viral/

https://www.vijayavani.net/bcci-has-gautam-gambhir-demands