ಕಾಳಸಂತೆಯಲ್ಲಿ ಮಾದಕ ದ್ರವ್ಯ ಹ್ಯಾಶಿಷ್ ಆಯಿಲ್ ಮಾರಾಟ, ಇಬ್ಬರ ಸೆರೆ

ಬೆಂಗಳೂರು: ವಿಶಾಖಪಟ್ಟಣದಲ್ಲಿ ತಯಾರಾಗುವ ಮಾದಕ ದ್ರವ್ಯ ರಾಜ್ಯ ರಾಜಧಾನಿಯ ಕಾಳಸಂತೆಗೆ ಕಾಲಿಟ್ಟಿದ್ದು, ಈ ಜಾಲವನ್ನು ಬೇಧಿಸಿರುವ ಸುದ್ದುಗುಂಟೆಪಾಳ್ಯ ಪೊಲೀಸರು ಇಬ್ಬರು ಡ್ರಗ್ಸ್ ಪೆಡ್ಲರ್​ಗಳನ್ನು ಬಂಧಿಸಿದ್ದಾರೆ.

ಈ ಮಾದಕ ದ್ರವ್ಯದ ಬೆಲೆ ಒಂದು ಗ್ರಾಂಗೆ 3ರಿಂದ 5 ಸಾವಿರ ರೂಪಾಯಿ! ಡ್ರಗ್ಸ್, ಅಫೀಮು, ಗಾಂಜಾ,‌ ಕೊಕೈನ್ ಗಿಂತ ಹೆಚ್ಚು ನಶೆಯಲೇರಿಸುವ ಮಾದಕದ್ರವ್ಯವೇ 'ಹ್ಯಾಶಿಷ್ ಆಯಿಲ್'. ವಿಶಾಖಪಟ್ಟಣದಲ್ಲಿ ತಯಾರಾಗುವ ಈ ಮಾದಕದ್ರವ್ಯಕ್ಕೆ ಬೆಂಗಳೂರಿಗೆ ಬಹುಬೇಡಿಕೆಯಿದ್ದು, ಈ ಡ್ರಗ್ಸ್​ ಬೆಡ್ಲರ್​ಗಳಿಗೆ ಐಟಿಬಿಟಿ ಉದ್ಯೋಗಿಗಳೇ ಟಾರ್ಗೆಟ್ ಎಂಬ ಆತಂಕಕಾರಿ ವಿಚಾರವೂ ಬಯಲಾಗಿದೆ.

ಇದನ್ನೂ ಓದಿರಿ ಲಾಕ್​ಡೌನ್​ ವೇಳೆ ಗಾಂಜಾ ಮಾರಾಟ, ಮನೆಯಲ್ಲಿರೋ ವಿದ್ಯಾರ್ಥಿಗಳೇ ಇವರ ಟಾರ್ಗೆಟ್ !

ಆಶ್ಯಿಶ್ ಆಯಿಲ್​ನ್ನು ಬಸ್​ನಲ್ಲೇ ಸರಬರಾಜು ಮಾಡುತ್ತಿದ್ದ ಸುರಕತ್ತಿ ಪ್ರಭಾಕರ್ ಮತ್ತು ಕೊರಳ ಕಾಮರಾಜ್ ಎಂಬುವವರನ್ನು ಸುದ್ದುಗುಂಟೆ ಪೊಲೀಸರು

ಬಂಧಿಸಿದ್ದು, ಅವರ ಬಳಿಯಿದ್ದ 950 ಗ್ರಾಂ‌ ಹ್ಯಾಶಿಷ್ ಆಯಿಲ್, 3 ಕೆಜಿ ಗಾಂಜಾ ಜಪ್ತಿ ಮಾಡಿಕೊಳ್ಳಲಾಗಿದೆ.

ರಾಜ್ಯ ರಾಜಧಾನಿಯ‌ಲ್ಲಿ ಡ್ರಗ್ಸ್ ಜಾಲ ಸಕ್ರಿಯವಾಗಿದ್ದು, ವಿದ್ಯಾರ್ಥಿಗಳು ಮತ್ತು ಯುವಜನಾಂಗವನ್ನೇ ಟಾರ್ಗೆಟ್ ಮಾಡುವ ಗಾಂಜಾ, ಹ್ಯಾಶಿಷ್ ಆಯಿಲ್​ವ್ಯಾಪಾರಿಗಳು ಫೋನ್ ಮೂಲಕವೇ ವ್ಯವಹಾರ ಕುದುರಿಸುತ್ತಾರೆ. ಫೋನ್​ನಲ್ಲೇ ಗ್ರಾಹಕರನ್ನು ಸಂಪರ್ಕಿಸಿ ಗಾಂಜಾ, ಹ್ಯಾಶಿಷ್ ಆಯಿಲ್​ ಸಪ್ಲೈ ಮಾಡುತ್ತಾರೆ.

https://www.vijayavani.net/drug-with-bamboo-in-the-lorry-truck-arrested-of-two-accused/