ಜೈಲಿಗೆ ಹೋದಾಗಲೇ ಅರವಿಂದ್ ಕೇಜ್ರಿವಾಲ್ ಸಿಎಂ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕಿತ್ತು: ಅಮಿತ್ ಶಾ|Amit Shah

Amit Shah: ಸರ್ಕಾರವೊಂದು ಜೈಲಿನಿಂದ ಏಕೆ ನಡೆಯಬೇಕು ಮತ್ತು ಅದು ರಾಷ್ಟ್ರದ ಪ್ರಜಾಪ್ರಭುತ್ವದ ಘನತೆಗೆ ಸರಿಹೊಂದುತ್ತದೆಯೇ ಎಂದು ಕೇಂದ್ರ ಸಚಿವ ಅಮಿತ್​ ಶಾ ಹೇಳಿದ್ದಾರೆ.

ಸಂದರ್ಶನವೊಂದರಲ್ಲಿ ಮಾತನಾಡಿದ ಶಾ, ಸಿಎಂ ಹಾಗೂ ಪಿಎಂ ಮಸೂದೆಯನ್ನು ಕಪ್ಪು ಮಸೂದೆ ಎಂದು ಕರೆದ ವಿರೋಧ ಪಕ್ಷಗಳ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದರು.

ದೆಹಲಿಯ ಮಾಜಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್​ರ ಬಂಧನವನ್ನು ನೆನಪಿಸಿಕೊಂಡ ಶಾ, 30 ದಿನಗಳಲ್ಲಿ ಸಿಎಂಗಳಿಗೆ ಜಾಮೀನು ಸಿಕ್ಕಿದೆ ಎಂದು ತಿಳಿಯೋಣ. ಆದರೆ ಕೇಜ್ರಿವಾಲ್​ ಆ ರಾಜೀನಾಮೆ ನೀಡಬೇಕಿತ್ತು ಎಂದು ನಾನು ನಂಬುತ್ತೇನೆ. ಜನರು ಅವರನ್ನು ವಿರೋಧಿಸಿದಾಗಲೂ ಅವರು ರಾಜೀನಾಮೆ ನೀಡಬೇಕಿತ್ತು. ಈಗ ಕಾನೂನುಬದ್ಧವಾಗಿ ರಾಜೀನಾಮೆ ನೀಡಬೇಕಾಗುತ್ತದೆ ಎಂದು ಮಸೂದೆಯನ್ನು ಶಾ ಸಮರ್ಥಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ನಾನು ಎದುರಿಸಿದ ಅತ್ಯಂತ ಕಠಿಣ 4 ಬೌಲರ್‌ಗಳಿವರು: ಚೇತೇಶ್ವರ್​ ಪೂಜಾರ | Cheteshwar Pujara

ಮುಂದುವರೆದು ಮಾತನಾಡಿದ ಶಾ, ದೆಹಲಿಯ ಮಾಜಿ ಸಿಎಂ ಪ್ರಕರಣವು ಹೈಕೋರ್ಟ್‌ಗೆ ಹೋದಾಗ, ಅರವಿಂದ್ ಕೇಜ್ರಿವಾಲ್ ಜೈಲಿನಲ್ಲಿರುವ ಕಾರಣ ರಾಜೀನಾಮೆ ನೀಡಬೇಕು ಎಂದು ವಾದಿಸಲಾಯಿತು. ನೈತಿಕ ಆಧಾರದ ಮೇಲೆ ಅರವಿಂದ್ ರಾಜೀನಾಮೆ ನೀಡಬೇಕು ಎಂದು ಹೈಕೋರ್ಟ್ ಹೇಳಿದೆ, ಆದರೆ ಪ್ರಸ್ತುತ ಕಾನೂನಿನಲ್ಲಿ ಅದಕ್ಕೆ ಯಾವುದೇ ಅವಕಾಶವಿಲ್ಲ ಎಂದು ಶಾ ಹೇಳಿದರು.

ನಾನು ಇಡೀ ರಾಷ್ಟ್ರ ಮತ್ತು ವಿರೋಧ ಪಕ್ಷವನ್ನು ಕೇಳಲು ಬಯಸುತ್ತೇನೆ. ಮುಖ್ಯಮಂತ್ರಿ, ಪ್ರಧಾನಿ ಅಥವಾ ಯಾವುದೇ ನಾಯಕರು ಜೈಲಿನಿಂದ ದೇಶವನ್ನು ನಡೆಸಬಹುದೇ? ಅದು ನಮ್ಮ ಪ್ರಜಾಪ್ರಭುತ್ವದ ಘನತೆಗೆ ಸರಿಹೊಂದುತ್ತದೆಯೇ? ಎಂದು ಶಾ ಪ್ರಶ್ನಿಸಿದ್ದಾರೆ.

ಜೈಲನ್ನು ಮುಖ್ಯಮಂತ್ರಿ ನಿವಾಸ, ಪ್ರಧಾನಿ ನಿವಾಸವನ್ನಾಗಿ ಮಾಡುವುದು ಮತ್ತು ಡಿಜಿಪಿ, ಮುಖ್ಯ ಕಾರ್ಯದರ್ಶಿ, ಕ್ಯಾಬಿನೆಟ್ ಕಾರ್ಯದರ್ಶಿ ಅಥವಾ ಗೃಹ ಕಾರ್ಯದರ್ಶಿ ಜೈಲಿನಿಂದ ಆದೇಶಗಳನ್ನು ತೆಗೆದುಕೊಳ್ಳುತ್ತಾರೆ. ಅಲ್ಲಿ ಕುಳಿತಿರುವ ವ್ಯಕ್ತಿ ಇಲ್ಲದೆ ಈ ದೇಶವನ್ನು ಆಳಲು ಸಾಧ್ಯವಿಲ್ಲ ಎಂಬ ಕಲ್ಪನೆಯನ್ನು ನಾನು ಮತ್ತು ನನ್ನ ಪಕ್ಷ ಸಂಪೂರ್ಣವಾಗಿ ತಿರಸ್ಕರಿಸುತ್ತೇವೆ ಎಂದು ಅಮಿತ್​ ಶಾ ಹೇಳಿದ್ದಾರೆ.

ಇದನ್ನೂ ಓದಿ: ಯುಟ್ಯೂಬರ್ ಎಲ್ವೀಶ್ ಯಾದವ್ ಮನೆ ಮೇಲೆ ಗುಂಡಿನ ದಾಳಿ ಕೇಸ್; ಇಬ್ಬರನ್ನು ಬಂಧಿಸಿದ ಪೊಲೀಸರು| Arrest

ಇತ್ತೀಚೆಗೆ ಮಂಡಿಸಲಾದ ಸಂಸತ್ತಿನ ಮಳೆಗಾಲ ಅಧಿವೇಶನದಲ್ಲಿ ಮಂಡಿಸಲಾದ ಸಿಎಂ,ಪಿಎಂ ಪದಚ್ಯುತಿಗೊಳಿಸುವ ಮಸೂದೆಯು , ಐದು ವರ್ಷಗಳಿಗಿಂತ ಹೆಚ್ಚಿನ ಜೈಲು ಶಿಕ್ಷೆಯನ್ನುಂಟುಮಾಡುವ ಅಪರಾಧಗಳಿಗಾಗಿ ಪ್ರಧಾನಿ, ಮುಖ್ಯಮಂತ್ರಿಗಳು ಮತ್ತು ಮಂತ್ರಿಗಳನ್ನು 30 ದಿನಗಳಿಗಿಂತ ಹೆಚ್ಚು ಕಾಲ ಜೈಲು ಶಿಕ್ಷೆಗೆ ಒಳಪಡಿಸಿದರೆ, ಇವರನ್ನು ಹುದ್ದೆಯಿಂದ ತೆಗೆದುಹಾಕಬಹುದು ಎಂದು ಹೇಳುತ್ತದೆ. ಈ ಮಸೂದೆಯ ಪರಿಶೀಲನೆಗಾಗಿ ಜಂಟಿ ಸಂಸದೀಯ ಸಮಿತಿಗೆ (ಜೆಪಿಸಿ) ಕಳುಹಿಸಲಾಗಿದೆ. (ಏಜೆನ್ಸೀಸ್​)

https://www.vijayavani.net/israeli-attack-on-yemen-israeli-prime-minister-says-there-will-be-a-heavy-price-to-pay-if-we-are-attacked