ರಜನಿಕಾಂತ್ ಚಿತ್ರಕ್ಕೆ ಅವರೇ ಹಾಡಬೇಕಿತ್ತು! ಆದ್ರೆ… ಶಾಕಿಂಗ್ ಸಂಗತಿ ಬಿಚ್ಚಿಟ್ಟ ಎ.ಆರ್​. ರೆಹಮಾನ್

ತಮಿಳುನಾಡು: 2010ರಲ್ಲಿ ತಮಿಳು ಚಿತ್ರರಂಗದ ಸೂಪರ್​ಸ್ಟಾರ್​, ತಲೈವಾ ರಜನಿಕಾಂತ್ ಅಭಿನಯದ 'ಎಂಥಿರನ್' ಸಿನಿಮಾ ಬಿಡುಗಡೆಗೊಂಡು ಸಿನಿಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಳ್ಳುವುದರ ಜತೆಗೆ ಬಾಕ್ಸ್ ಆಫೀಸ್​ನಲ್ಲಿ ಸೂಪರ್​ಡೂಪರ್ ಹಿಟ್​ ಆಗಿತ್ತು. ಈ ಚಿತ್ರದ ಬಹುತೇಕ ಹಾಡುಗಳನ್ನು ಕಂಪೋಸ್ ಮಾಡಿದ್ದ ಮ್ಯೂಸಿಕ್ ಮಾಂತ್ರಿಕ ಎ.ಆರ್​. ರೆಹಮಾನ್​ ಅವರು, ಇಡೀ ಜಗತ್ತಿನಲ್ಲಿ ತಮ್ಮ ಹೆಸರನ್ನು ಅಭಿಮಾನಿಗಳ ಮನದಲ್ಲಿ ಹಸಿರಾಗಿಸಿದ್ದ ಖ್ಯಾತ ಪಾಪ್​ ಸಿಂಗರ್​ ಅವರಿಂದ ಒಂದು ಹಾಡನ್ನು ಹಾಡಿಸಲು ಯೋಜನೆ ಹಾಕಿಕೊಂಡಿದ್ದರಂತೆ. ಆದ್ರೆ. ಅದು ಅಂದುಕೊಂಡಂತೆ ನಡೆಯಲಿಲ್ಲ ಎಂದು ಹೇಳಿದ್ದಾರೆ. ಅಸಲಿಗೆ ಏಕೆ ಆಗಲಿಲ್ಲ ಎಂಬುದರ ಹಿಂದಿರುವ ಕಾರಣವನ್ನು ಮುಕ್ತವಾಗಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ದೂದಿಹಳ್ಳಿ ಮುರಾರ್ಜಿ ಶಾಲಾ ಬಾಲಕಿ ಅರ್ಚನಾ ಆತ್ಮಹತ್ಯೆ; ಡೆತ್‌ನೋಟ್‌ನಲ್ಲಿ ಬಯಲಾಯ್ತು ಸತ್ಯ

2010ರಲ್ಲಿ ರಜನಿಕಾಂತ್​ ಅವರ 'ಎಂಥಿರನ್' ಸಿನಿಮಾದ ಒಂದು ಹಾಡನ್ನು ವಿಶ್ವದ ಪ್ರಸಿದ್ಧ ಪಾಪ್ ಸಿಂಗರ್ ಮೈಕಲ್​ ಜ್ಯಾಕ್ಸೆನ್​ ಅವರಿಂದ ಹಾಡಿಸಲು ಯೋಜನೆ ಹಾಕಿಕೊಂಡಿದ್ದೆ. ಈ ಕುರಿತು ಅವರೊಂದಿಗೆ ಮಾತುಕತೆ ಕೂಡ ಮಾಡಿದ್ದೆ. ಆದ್ರೆ, ದುರಾದೃಷ್ಟವಶಾತ್​ ಅದೇ ಸಮಯದಲ್ಲಿ ಅವರು ಅನಾರೋಗ್ಯದಿಂದ ನಿಧನರಾದರು. ಮೈಕಲ್​ರನ್ನು ಭೇಟಿ ಮಾಡಿದ ಕ್ಷಣವೇ ರೋಮಾಂಚಕ! ಆ ಘಟನೆಯನ್ನು ವಿವರಿಸಲು ನಿಜಕ್ಕೂ ಕಷ್ಟಸಾಧ್ಯ. ಆದರೂ ನಿಮ್ಮ ಮುಂದೆ ಹೇಳುತ್ತೇನೆ ಎಂದು ರೆಹಮಾನ್ ವಿವರಿಸಿದರು.

"2009ರಲ್ಲಿ ನಾನು ಆಸ್ಕರ್​ಗೆ ನಾಮಿನೇಟ್ ಆಗಿದ್ದೆ. ಈ ವೇಳೆ ಮೈಕಲ್ ಜ್ಯಾಕ್ಸನ್ ಅವರ ಆಪ್ತರೊಬ್ಬರನ್ನು ನಾನು ಭೇಟಿಯಾಗಿ, ಮಾತನಾಡಿಸಿದೆ. ಆಗ ನನಗೆ ಜ್ಯಾಕ್ಸನ್​ರನ್ನು ನೋಡುವ ತವಕವಿತ್ತು. ಅವರ ಸ್ನೇಹಿತರ ಬಳಿ ಮನವಿ ಮಾಡಿದೆ. ಅದಕ್ಕೆ ಅವರಿದ್ದವರು, ಮೇಲ್​ ಕಳಿಸುತ್ತೇನೆ ನೋಡೋಣ ಎಂದರು. ಕಳಿಸಿದ ಮೇಲ್​ಗೆ ಯಾವುದೇ ಪ್ರತಿಕ್ರಿಯೆ ಬರದೇ ಇದ್ದಾಗ ಬೇಸರವಾಯಿತು. ಇರಲಿ ಬಿಡಿ ಎಂದು ಹೇಳಿ, ಸುಮ್ಮನಾಗಿದ್ದೆ" ಎಂದು ಹೇಳಿದರು.

ಇದನ್ನೂ ಓದಿ: ಪಾಠ ಮಾಡುವುದು ಬಿಟ್ಟು ಮೊಬೈಲ್​ನಲ್ಲಿ ಕ್ಯಾಂಡಿಕ್ರಷ್ ಆಡ್ತಿದ್ದ ಶಾಲಾ ಶಿಕ್ಷಕ ಅಮಾನತು

"ಆಸ್ಕರ್​ಗೆ ಹೋಗುವ ಮುನ್ನ ಮೈಕಲ್​ ಅವರಿಂದ ಭೇಟಿಗೆ ಆಫರ್​ ಒದಗಿ ಬಂದಿತು. ಆದರೆ, ನಾನು ಅದಕ್ಕೆ ಒಪ್ಪಲಿಲ್ಲ. ಆಸ್ಕರ್​ ಪ್ರಶಸ್ತಿ ಗೆದ್ದರೆ, ಅವರನ್ನು ಭೇಟಿಯಾಗುತ್ತೇನೆ. ಇಲ್ಲವಾದಲ್ಲಿ ಭಾರತಕ್ಕೆ ವಾಪಾಸ್ ಆಗುತ್ತೇನೆ ಎಂದು ತಿಳಿಸಿದ್ದೆ. ನನ್ನ ಮನಸ್ಸಿನಲ್ಲಿ ನಾನು ಗೆದ್ದು ಬರುವೆ ಎಂಬುದೇ ಇತ್ತು. ಅದರಂತೆಯೇ ಪ್ರಶಸ್ತಿ ನನ್ನ ಪಾಲಾಯಿತು. ಬಳಿಕ ಜ್ಯಾಕ್ಸನ್​ ಅವರನ್ನು ನೇರವಾಗಿ ಮಾತನಾಡಿಸಿ, 'ಸ್ಲಮ್​ಡ್ಯಾಂಗ್​ ಮಿಲಿಯನೇರ್​' ಚಿತ್ರದ ಕುರಿತು ಒಂದಷ್ಟು ಚರ್ಚೆ ನಡೆಸಿದೆವು" ಎಂದರು.

"ಅಂದು ಅವರನ್ನು ಭೇಟಿಯಾದ ವಿಷಯವನ್ನು ರಜನಿ ಸಿನಿಮಾದ ನಿರ್ದೇಶಕರಿಗೆ ತಿಳಿಸಿದೆ. ಆಗ ಅವರು ಜ್ಯಾಕ್ಸನ್​ ಅವರಿಂದ ಒಂದು ಹಾಡನ್ನು ಹಾಡಿಸಬಹುದೇ? ಪ್ರಯತ್ನಿಸಿ ಎಂದು ಕೇಳಿದರು. ಇದರ ಬಗ್ಗೆ ಅವರೊಂದಿಗೆ ಚರ್ಚಿಸಿದಾಗ ಖಂಡಿತ ಮಾಡೋಣ ಎಂದಿದ್ದರು. ಅದರೆ, ಅಂದು ಅವರ ಆರೋಗ್ಯ ಸರಿಯಿರಲಿಲ್ಲ. ಅದೇ ವರ್ಷ ಮೈಕಲ್​ ಜ್ಯಾಕ್ಸನ್​ ನಮ್ಮನ್ನೆಲ್ಲಾ ಅಗಲಿದರು. ಹೀಗಾಗಿ ಅದು ಸಾಧ್ಯವಾಗಲಿಲ್ಲ" ಎಂದು ಬೇಸರ ವ್ಯಕ್ತಪಡಿಸಿದರು,(ಏಜೆನ್ಸೀಸ್).

https://www.vijayavani.net/how-much-prize-money-distubuted-under-dhoni-captaincy