ನಿರಾಶ್ರಿತರು ಮತ್ತು ನುಸುಳುಕೋರರ ರೂಪದಲ್ಲಿ ಭಾರತಕ್ಕೆ ಬಂದು ನೆಲೆಸಿದವರು ದೇಶದ ಆಂತರಿಕ ಭದ್ರತೆಗೆ ಮಾರಕವಾಗಿ ಪರಿಗಣಿಸಿದ್ದಾರೆ. ಇಲ್ಲಿ ನೆಲೆಸಿ, ದೇಶವಿರೋಧಿ ಚಟುವಟಿಕೆಗಳಿಗೆ ಸಹಕಾರ ನೀಡುತ್ತಿರುವುದು, ಭಾರತದ ಶತ್ರುರಾಷ್ಟ್ರದೊಂದಿಗೆ ಕೈಜೋಡಿಸುವುದು ಹೀಗೆ ಹಲವು ಗಂಭೀರ ಪ್ರಕರಣಗಳ ಸಂಖ್ಯೆ ಹೆಚ್ಚುತ್ತಲೇ ಇದೆ. ಈಗಾಗಲೇ ಬಾಂಗ್ಲಾದೇಶದ ನುಸುಳುಕೋರರ ಹಾವಳಿ ಮಿತಿಮೀರಿದೆ. ಅನೇಕ ಜಿಲ್ಲೆಗಳಲ್ಲಿ ಇವರು ಅಲ್ಲಿಯ ಭೌಗೋಳಿಕ ಚಿತ್ರಣ, ಜನಸಂಖ್ಯೆಯನ್ನೇ ಏರುಪೇರು ಮಾಡಿದ್ದಾರೆ. ಮಾತ್ರವಲ್ಲ, ನಕಲಿ ನೋಟು ಚಲಾವಣೆ, ಮಾದಕ ದ್ರವ್ಯ ಕಳ್ಳಸಾಗಣೆ, ಮಾನವ ಕಳ್ಳಸಾಗಣೆ, ಅಕ್ರಮವಾಗಿ ಶಸ್ತ್ರಾಸ್ತ್ರಗಳ ಸಾಗಣೆ ಸೇರಿದಂತೆ ಹಲವು ಅಪರಾಧಿಕ ಕೃತ್ಯಗಳಲ್ಲಿ ಇವರು ತೊಡಗಿರುವುದು ಈ ಹಿಂದಿನ ಪ್ರಕರಣಗಳಿಂದ ಸ್ಪಷ್ಟವಾಗಿದೆ.
