ವಾರ್ಡ್ವಾರು ಕಸ ಸಂಗ್ರಹಣಾ ಕೇಂದ್ರ: ನಗರದಲ್ಲಿ ಬ್ಲ್ಯಾಕ್ಸ್ಪಾಟ್ ನಿಮೂಲನೆ ಜತೆಗೆ ಎಲ್ಲ ಮಾದರಿಯ ತ್ಯಾಜ್ಯ ಸಂಗ್ರಹಣೆ ಮತ್ತು ವಿಲೇವಾರಿಗೆ ಸ್ಥಳಾವಕಾಶ ಒದಗಿಸಬೇಕಿದೆ. ಆಟೋ ಟಿಪ್ಪರ್ಗಳು ಸಂಗ್ರಹಿಸದ ಇ-ತ್ಯಾಜ್ಯ, ಕಟ್ಟಿಗೆ, ದಿಂಬು, ಹಾಸಿಗೆ ಮತ್ತು ಪ್ರಾಣಿಗಳ ಮಾಂಸದ ತ್ಯಾಜ್ಯವನ್ನು ಕೊಡಲು ವಾರ್ಡ್ಗೊಂದು ಸಂಗ್ರಹಣಾ ಕೇಂದ್ರ ತೆರೆಯಲಾಗುತ್ತದೆ. ಅಲ್ಲಿಗೆ ಜನರು ಹೋಗಿ ತಮ್ಮ ತ್ಯಾಜ್ಯವನ್ನು ಸುರಿದು ಬರಬೇಕು. ಜತೆಗೆ, ಕಟ್ಟಡ ತ್ಯಾಜ್ಯ ವಿಲೇವಾರಿ ಮಾಡಲು ದೂರದ ಪ್ರದೇಶಗಳಿಗೆ ಹೋಗಬೇಕಿದೆ. ಇದನ್ನು ತಪ್ಪಿಸಿ ವಲಯಕ್ಕೊಂದು ಕಟ್ಟಡ ತ್ಯಾಜ್ಯ ವಿಲೇವಾರಿ ಸ್ಥಳವನ್ನು ನಿಗದಿ ಮಾಡಲಾಗುತ್ತದೆ. ಈ ಸ್ಥಳದ ಬಗ್ಗೆಯೂ ಜಿಪಿಎಸ್ ಲೊಕೇಶ್ ಆಧಾರಿತ ಮಾಹಿತಿಯನ್ನು ಎಸ್ಡಬ್ಲ್ಯುಎಂ ಆಪ್ನಲ್ಲಿ ಸೇರ್ಪಡೆ ಮಾಡಲಾಗುತ್ತದೆ ಎಂದು ಪಾಲಿಕೆ ಅಧಿಕಾರಿ ತಿಳಿಸಿದರು.
