'ಅನಿಮಲ್' 2 ಮೊದಲೇ ಪಾರ್ಟ್​ 3 ತೆರೆಗೆ? ನಿರ್ದೇಶಕ ಸಂದೀಪ್ ರೆಡ್ಡಿ ವಂಗಾ ಪ್ಲಾನ್ಸ್​ ಹೀಗಿದೆ…

ಮುಂಬೈ: ಟಾಲಿವುಡ್​ನ ನಿರ್ದೇಶಕ ಸಂದೀಪ್ ರೆಡ್ಡಿ ವಂಗಾ ನಿರ್ದೇಶಿಸಿದ 'ಅನಿಮಲ್'​ ಚಿತ್ರ ಇತ್ತೀಚೆಗೆ ತೆರೆಕಂಡು, ಬಾಕ್ಸ್​ ಆಫೀಸ್​ನಲ್ಲಿ ಉತ್ತಮ ಗಳಿಕೆ ಕಂಡಿತು. 18ನೇ ದಿನಕ್ಕೆ ಚಿತ್ರವು 835 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಪ್ರಾರಂಭದಲ್ಲಿ ಪ್ರೇಕ್ಷಕರಿಂದ ತುಂಬಿದ್ದ ಚಿತ್ರಮಂದಿರಗಳಲ್ಲಿ ಇದೀಗ ಕೊಂಚ ಇಳಿಕೆಯಾಗಿದೆ. ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮವಾಗಿ ಸಾಗಿದರೂ, ಸಿನಿಪ್ರೇಕ್ಷಕರಿಂದ ಪಾಸಿಟಿವ್ ಪ್ರತಿಕ್ರಿಯೆ ಪಡೆಯುವಲ್ಲಿ ಚಿತ್ರ ವಿಫಲಗೊಂಡಿದೆ. ಈ ಮಧ್ಯೆ ಅನಿಮಲ್ ಪಾರ್ಟ್​ 3 ಬಗ್ಗೆ ಹೊಸ ವದಂತಿಯೊಂದು ಹರಿದಾಡಿದೆ.

ಇದನ್ನೂ ಓದಿ: ನಿರಂತರ ಮಳೆಗೆ ತತ್ತರಿಸಿದ ತಮಿಳುನಾಡು! ಕೇಂದ್ರಕ್ಕೆ 12,000 ಕೋಟಿ ರೂ. ನೆರವು ಕೋರಿದ ಸಿಎಂ ಸ್ಟಾಲಿನ್

ಬಾಲಿವುಡ್​ ಅಂಗಳದಲ್ಲಿ ತೆರೆಕಂಡ 'ಅನಿಮಲ್‌' ಚಿತ್ರದ ಗಳಿಕೆ​ ಸದ್ಯ ನಿರ್ದೇಶಕ ಸಂದೀಪ್​ಗೆ ಸಂತಸ ಮೂಡಿಸಿದೆ. ಈ ಚಿತ್ರದ ನಂತರ ಬಾಲಿವುಡ್​ನ ಇತರೆ ಸ್ಟಾರ್​ ನಟರೊಂದಿಗೆ ಸಿನಿಮಾ ಮಾಡಲು ಕೂಡ ಚಿಂತಿಸಿದ್ದಾರೆ ಎನ್ನಲಾಗಿದೆ. ಈ ಮಧ್ಯೆ ವಂಗಾ ತಮ್ಮ ಮುಂದಿನ 'ಅನಿಮಲ್ ಪಾರ್ಕ್​' ಚಿತ್ರವನ್ನು ತೆರೆಯ ಮೇಲೆ ತರುವ ಕುರಿತಂತೆ ಇತ್ತೀಚಿನ ಒಂದು ಸಂದರ್ಶನದಲ್ಲಿ ತಿಳಿಸಿದ್ದರು. ಆದ್ರೆ, ಈಗ ಅದನ್ನು ಮೀರಿ ಅನಿಮಲ್ 3 ವದಂತಿ ಹೆಚ್ಚು ಸದ್ದು ಮಾಡುತ್ತಿದೆ.

'ಅನಿಮಲ್' ಸಿನಿಮಾದ ಪ್ರಾರಂಭದಲ್ಲಿ ರಣಬೀರ್ ಕಪೂರ್​ ಅವರನ್ನು 60 ವರ್ಷದವರಂತೆ ತೋರಿಸಿದ ನಿರ್ದೇಶಕ, ಇದರ ಮುಂದಿನ ಭಾಗಗಳ ಖಚಿತಪಡಿಸಿದ್ದಾರೆ ಎನ್ನಲಾಗಿದೆ. ಅನಿಮಲ್ ಪಾರ್ಟ್​ 2 ಮತ್ತು 3 ಚಿತ್ರಕ್ಕಾಗಿ ಸಂದೀಪ್ ಈಗಾಗಲೇ ಯೋಜನೆ ಹಾಕಿಕೊಂಡಿದ್ದು, 'ಅನಿಮಲ್ ಪಾರ್ಕ್' ಬಗ್ಗೆ ಸುಳಿವು ನೀಡಿದ್ದಾರೆ. ಇದೆಲ್ಲದರ ಮಧ್ಯೆ ಪಾರ್ಟ್​ 3 ಚಿತ್ರೀಕರಣ ಸಾಧ್ಯವೇ ಎಂಬ ಪ್ರಶ್ನೆ ಉದ್ಭವಗೊಂಡಿದೆ.

ಇದನ್ನೂ ಓದಿ: ರಾಜ್ಯ ಉಗ್ರತಾಣವಾಗದಿರಲಿ: ಪರಿಸ್ಥಿತಿ ಕೈಮೀರುವ ಮುನ್ನ ಸೂಕ್ತ ಎಚ್ಚರಿಕೆ ವಹಿಸುವುದು ಅಗತ್ಯ

ಸ್ವತಃ ನಿರ್ದೇಶಕರೇ ಹೇಳಿರುವಂತೆ 'ಅನಿಮಲ್ ಪಾರ್ಕ್'​ ಚಿತ್ರೀಕರಣ 2026ಕ್ಕೆ ನಿಗದಿಯಾಗಿದೆ. ಅಲ್ಲಿಯವರೆಗೆ ಉಳಿದ ಕೆಲಸಗಳಲ್ಲಿ ಸಂದೀಪ್ ಬ್ಯುಸಿಯಿರಲಿದ್ದಾರೆ. ಹೀಗಿರುವಾಗ ಅನಿಮಲ್ 3 ಸೆಟ್ಟೇರುವುದು ಡೌಟ್​!(ಏಜೆನ್ಸೀಸ್).

https://www.vijayavani.net/karnataka-state-govt-issues-new-guidelines-regarding-covid-19-spike