ಮಹಿಳೆಯರ ಮಧ್ಯೆ ಪುರುಷ ಏಕೆ? 46 ಸೆಕೆಂಡ್​ಗೆ ಸ್ಪರ್ಧೆ ತ್ಯಜಿಸಿದ ಏಂಜೆಲಾಗೆ ಕ್ರೀಡಾಪಟುಗಳ ಬೆಂಬಲ

ಪ್ಯಾರಿಸ್​: ಪ್ಯಾರಿಸ್​ ಒಲಿಂಪಿಕ್ಸ್​ 2024ರ ಪದಕದಾಟ ಇಂದು ಕೂಡ ಮುಂದುವರೆದಿದ್ದೇ ಆದರೂ ಇದೀಗ ಹೊಸ ವಿವಾದದಿಂದ ಜಾಗತಿಕ ಮಟ್ಟದಲ್ಲಿ ದೊಡ್ಡ ಚರ್ಚೆಯೊಂದಕ್ಕೆ ಕಾರಣವಾಗಿದೆ. ಇಂದು ನಡೆದ ಮಹಿಳೆಯರ ಬಾಕ್ಸಿಂಗ್​ ಸ್ಪರ್ಧೆಯಲ್ಲಿ ಇಟಾಲಿ ಮೂಲದ ಬಾಕ್ಸರ್ ಏಂಜಲೀನಾ ಕ್ಯಾರಿನಿ ತಮ್ಮ ಎದುರಾಳಿ ಅಲ್ಜೀರಿಯಾದ ಇಮಾನೆ ಖೆಲಿಫ್ ವಿರುದ್ಧದ ಕಾಳಗದಲ್ಲಿ 46 ಸೆಕೆಂಡ್​ಗೆ ಮ್ಯಾಚ್​ನಿಂದ ಹೊರಬಂದಿದ್ದಾರೆ. ಖೆಲಿಫೆ ಪುರುಷನಾಗಿದ್ದು, 2023ರಲ್ಲಿ ನಡೆಸಲಾದ ಲಿಂಗ ಅರ್ಹತಾ ಪರೀಕ್ಷೆಯಲ್ಲಿ ವಿಫಲಗೊಂಡಿದ್ದಾನೆ. ಆತನ ಎದುರು ಬಲವಂತವಾಗಿ ಆಡುವುದು ಸರಿಯಲ್ಲ ಎಂಬ ಕಾರಣಕ್ಕೆ ಕುಸ್ತಿಯನ್ನು ಅರ್ಧಕ್ಕೆ ಕೈಬಿಟ್ಟು, ಅಖಾಡದೊಳಗೆ ಕಣ್ಣೀರಿಟ್ಟಿದ್ದಾರೆ.

ಇದನ್ನೂ ಓದಿ: ಕಾರ್ಗಿಲ್ ಯುದ್ಧವಲ್ಲ ಅಪರೇಷನ್ ವಿಜಯದ ಕಾರ್ಯಚರಣೆ ರಜತ ಸಂಭ್ರಮದಲ್ಲಿ ನಿವೃತ್ತ ಯೋಧ ಜೀವೇಂದ್ರ ಗಟ್ಟಿ ಅಭಿಮತ.

ಖಲಿಫೆ ವಿರುದ್ಧದ ಸೋಲನ್ನು ಸೋಲು ಎಂದು ಒಪ್ಪಿಕೊಳ್ಳಲು ನನ್ನಿಂದ ಅಸಾಧ್ಯ ಎಂದು ಕಣ್ಣೀರಿಟ್ಟ ಏಂಜೆಲಾ, ಲಿಂಗ ಅರ್ಹತಾ ಟೆಸ್ಟ್​ ಪಾಸ್ ಆಗದವರನ್ನು ಮಹಿಳೆಯರ ಜತೆ ಏಕೆ ಆಡಲು ಬಿಟ್ಟಿದ್ದೀರಿ ಎಂದು ಪ್ರಶ್ನಿಸಿದ್ದಾರೆ.. ಲಿಂಗ ಪರೀಕ್ಷೆಯಲ್ಲಿ ವಿಫಲವಾದ ದಾಖಲೆ ಹೊಂದಿರುವ ಖೇಲಿಫ್ ಇದೀಗ ಕ್ರೀಡಾಪಟುಗಳ ಕೆಂಗಣ್ಣಿಗೆ ಗುರಿಯಾಗಿದ್ದು, ವ್ಯಾಪಕ ಆಕ್ರೋಶಕ್ಕೆ ಕಾರಣರಾಗಿದ್ದಾರೆ. ಸದ್ಯ ಈ ವಿಷಯಕ್ಕೆ ಸಂಬಂಧಿಸಿದಂತೆ ದೊಡ್ಡ ಮಟ್ಟದ ಚರ್ಚೆ ಭುಗಿಲೆದ್ದಿದ್ದು, ಎಂಜೆಲಾ ಪರ ಮಹಿಳಾ ಕ್ರೀಡಾಪಟುಗಳು ಬ್ಯಾಟ್ ಬೀಸಿದ್ದಾರೆ. ಮಹಿಳೆಯರ ಮಧ್ಯೆ ಪುರುಷ ಏಕೆ? ಇದನ್ನು ತೀವ್ರ ಖಂಡಿಸುತ್ತೇವೆ. ಇದಕ್ಕೆಲ್ಲಾ ಅವಕಾಶ ಕೊಡಬಾರದು ಎಂಬ ಕೂಗುಗಳು ವ್ಯಾಪಕವಾಗಿ ಕೇಳಿಬರುತ್ತಿವೆ.