ವಾಯವ್ಯ ಪಾಕಿಸ್ತಾನದಲ್ಲಿ 1,300 ವರ್ಷಗಳಷ್ಟು ಪುರಾತನ ದೇವಾಲಯ ಪತ್ತೆ!

ಪೇಶಾವರ : ವಾಯವ್ಯ ಪಾಕಿಸ್ತಾನದ ಸ್ವಾತ್ ಜಿಲ್ಲೆಯ ಬೆಟ್ಟ ಪ್ರದೇಶದಲ್ಲಿ 1,300 ವರ್ಷಗಳಷ್ಟು ಪುರಾತನವಾದ ದೇವಾಲಯವೊಂದು ಪತ್ತೆಯಾಗಿದೆ. ಇದು ಹಿಂದು ದೇಗುಲ ಎಂದು ನಂಬಲಾಗಿದ್ದು, ಪಾಕಿಸ್ತಾನ ಮತ್ತು ಇಟೆಲಿಯ ಪುರಾತತ್ತ್ವಗವೇಕ್ಷರು ನಡೆಸಿದ ಉತ್ಖನನದ ವೇಳೆ ಬರಿಕೋಟ್​ ಘುಂಡಾಯ್​ ಎಂಬಲ್ಲಿ ಪತ್ತೆಯಾಗಿದೆ.

ಖೈಬರ್ ಪಖ್ತುಂಖ್ವಾದ ಪುರಾತತ್ತ್ವ ಇಲಾಖೆಯ ಅಧಿಕಾರಿ ಫಜಲ್ ಖಾಲಿಕ್​ ಗುರುವಾರ ಈ ವಿಷಯ ಬಹಿರಂಗ ಪಡಿಸಿದ್ದು, ಪತ್ತೆಯಾಗಿರುವುದು ವಿಷ್ಣು ದೇವಾಲಯ. ಹಿಂದು ಶಾಹಿ ಅಥವಾ ಕಾಬೂಲ್ ಶಾಹಿ ಅವಧಿಯಲ್ಲಿ ಇದನ್ನು ನಿರ್ಮಿಸಿರಬಹುದು. ಅಂದಾಜು 850-1026 ಸಿಇ ಅವಧಿಯಲ್ಲಿ ಹಿಂದು ಸಾಮ್ರಾಜ್ಯ ಕಾಬೂಲ್ ಕಣಿವೆ (ಪೂರ್ವ ಅಫ್ಘಾನಿಸ್ತಾನ), ಗಾಂಧಾರ (ಆಧುನಿಕ ಪಾಕಿಸ್ತಾನ), ಆಧುನಿಕ ಭಾರತದ ವಾಯವ್ಯ ಭಾಗ ಇದರ ವ್ಯಾಪ್ತಿಯಲ್ಲಿತ್ತು ಎಂದಿದ್ದಾರೆ.

ಇದನ್ನೂ ಓದಿ: 26/11 ಮುಂಬೈ ದಾಳಿ ದಿನವೇ ಮತ್ತೊಂದು ದಾಳಿಗೆ ಯೋಜನೆ !

ದೇವಸ್ಥಾನದ ರಚನೆಯ ಸಮೀಪವೇ ಕಲ್ಯಾಣಿಯ ಗುರುತೂ ಇದೆ. ಸ್ವಾತ್ ಜಿಲ್ಲೆಯಲ್ಲಿ 20 ಕಡೆ ಉತ್ಖನನ ನಡೆಯುತ್ತಿದ್ದು, ಪುರಾತನ ಇತಿಹಾಸವನ್ನು ಮರುರೂಪಿಸುವಲ್ಲಿ ಈ ಫಲಿತಾಂಶಗಳು ನೆರವಾಗಲಿವೆ ಎಂದು ಪುರಾತತ್ತ್ವ ಇಲಾಖೆ ತಿಳಿಸಿದೆ. (ಏಜೆನ್ಸೀಸ್)

https://www.vijayavani.net/nia-conducts-searches-in-5-locations-in-kerala-in-gold-smuggling-case/