ನರ್ಸರಿಯಲ್ಲಿ ಎತ್ತಿದ ಕೈ: ವಾಣಿಜ್ಯ ಬೆಳೆಗಳಾದ ಶುಂಠಿ ಮತ್ತು ತಂಬಾಕು ಬೆಳೆಯುತ್ತಿದ್ದ ಸೌಮ್ಯಾ, ನರ್ಸರಿ ಕೃಷಿಯ ಬಗ್ಗೆ ಆಸಕ್ತಿ ವಹಿಸಿದರು. ಅದರಂತೆ ಜನರು ಕೇಳಿಕೊಂಡು ಬರುವ ವಿವಿಧ ತರಕಾರಿ ಗಿಡಗಳ ಸಸಿಗಳನ್ನು ನರ್ಸರಿಯಲ್ಲಿ ಸಲಹಿ ಮಾರಾಟ ಮಾಡಲು ಆರಂಭಿಸಿದರು. ನಂತರ ನರ್ಸರಿಯೇ ಅವರ ಕೈಹಿಡಿಯಿತು. ಮೆಣಸು, ಬದನೆ, ಟೊಮ್ಯಾಟೋ, ನುಗ್ಗೆ, ಪಪ್ಪಾಯಿ, ಬಾಳೆ, ಅಷ್ಟೇಕೆ ತಂಬಾಕು ಸಸಿಗಳನ್ನು ಟ್ರೇನಲ್ಲಿಟ್ಟು 25 ದಿನಗಳ ಕಾಲ ಪೋಷಿಸಿ ಮಾರಾಟ ಮಾಡುತ್ತಾರೆ. ನರ್ಸರಿ ಕೃಷಿಗೆ ಇವರು ಕೀಟನಾಶಕವೊಂದನ್ನು ಹೊರತುಪಡಿಸಿ ಇನ್ಯಾವುದೇ ರಾಸಾಯನಿಕ ಗೊಬ್ಬರ ಬಳಸದೆ ಕೇವಲ ಕೋಕಾಪಿಟ್ ಗೊಬ್ಬರವನ್ನೇ ಬಳಸುತ್ತಾರೆ. ಮನೆಯಲ್ಲಿ ಹಸು, ಕುರಿ, ಮೀನು ಸಾಕಣೆ ಕೂಡ ಮಾಡುತ್ತಾರೆ.
